影片
更多
2025-02-26
41 瀏覽
今晚book左枱同朋友食下新野，呢間之前見人介紹佢啲雞串燒幾正，即刻去食下。見到佢有好多款唔同類型嘅串燒，睇到眼花撩亂。突然間見到佢有2個set岩矖我地呢啲有選擇困難症既人。揀左2個都係480個set餐。前菜係生蠔跟白子🩷🩷🩷🩷🩷因為我唔食得生野住，所以師傅好好人幫我燒熟左個生蠔同轉左款薯仔沙律。佢生蠔無論熟同生都好，都十分鮮甜，而且海水味唔會太濃。配埋酸微微既柚子醋食，好開胃。佢個白子都好滑，同埋都係加上少少柚子醋好惹味。薯仔沙律都好食，食到粒粒薯仔粒同埋撈咗啲沙律醬好正。佢總共有10個串燒🩷🩷🩷🩷🩷。第一串，雞頸肉，佢燒到好嫩滑，而且啲肉唔會好乾柴，淨係用鹽去調味食到啲雞味好濃郁。第二串，燒雞中翼，燒到個皮勁脆同埋啲肉汁好juicy，又唔會太咸。第三串，雞脾肉，佢係連埋啲皮燒到好脆，肉質都係好juicy同埋啲鹽既調味都啱啱好。第四串，雞腎。佢係好爽脆，完全唔韌，火候岩岩好。第五串，豬肉紫蘇葉捲。佢個紫蘇葉味都好出被啲豬肉既油份吸引埋一齊，食落又唔會太漏。第六串，鰻魚。佢外皮燒到好脆同埋啲魚肉都好滑。第七串，和牛野菜。有洋蔥，青椒，車厘茄同和牛粒。食落口感好豐富，個洋蔥既甜味加埋青椒
前菜係生蠔跟白子🩷🩷🩷🩷🩷因為我唔食得生野住，所以師傅好好人幫我燒熟左個生蠔同轉左款薯仔沙律。佢生蠔無論熟同生都好，都十分鮮甜，而且海水味唔會太濃。配埋酸微微既柚子醋食，好開胃。佢個白子都好滑，同埋都係加上少少柚子醋好惹味。薯仔沙律都好食，食到粒粒薯仔粒同埋撈咗啲沙律醬好正。佢總共有10個串燒🩷🩷🩷🩷🩷。
第一串，雞頸肉，佢燒到好嫩滑，而且啲肉唔會好乾柴，淨係用鹽去調味食到啲雞味好濃郁。
第二串，燒雞中翼，燒到個皮勁脆同埋啲肉汁好juicy，又唔會太咸。
第三串，雞脾肉，佢係連埋啲皮燒到好脆，肉質都係好juicy同埋啲鹽既調味都啱啱好。
第四串，雞腎。佢係好爽脆，完全唔韌，火候岩岩好。
第五串，豬肉紫蘇葉捲。佢個紫蘇葉味都好出被啲豬肉既油份吸引埋一齊，食落又唔會太漏。
第六串，鰻魚。佢外皮燒到好脆同埋啲魚肉都好滑。
第七串，和牛野菜。有洋蔥，青椒，車厘茄同和牛粒。食落口感好豐富，個洋蔥既甜味加埋青椒既爽口，配埋甜甜地嘅和牛粒，再加埋燒完咬落爆汁嘅車厘茄。好清新。
第八串同第九串，冬菇加蘆筍。師傅喺燒之前噴咗啲水，所以令啲串燒都保持水份，特別啲蔬菜食落特別Juicy。食咗咁多肉類梗係食返啲蔬菜配搭吓佢呢個set真係幾好，啲蔬菜食落都好清新。
最後一串，雞皮做返個完美總結。外脆內軟冇得輸。同埋佢有配埋燒飯團，佢加咗啲燒汁喺個飯團裏面燒，令到個飯團外脆內軟有啲飯焦帶點甜味，再包埋啲紫菜
同埋佢哋有配上一份雪糕球，我揀咗黑芝麻味雪糕，朋友揀咗可以海鹽味雪糕。黑芝麻雪糕黑芝麻味勁濃郁。而海鹽味雪糕，佢係有點鹹味，再加雲呢拿味。整體嚟講，呢間串燒真係幾抵食，位於尖沙咀呢個價錢真係平靚正之餘又夠飽肚。最緊要係佢裝修風格好日式，啲店員佢哋講嘢都識用日文溝通，好有係日本既感覺，環境又坐得好舒服。
張貼
