正九清湯腩 (群星大廈)

營業中

休息中

尋晚飲大兩杯～今朝一起身就係想食啲熱辣辣嘅湯麵～同老細拍拖行落物華街搵食，呢間牛腩麵平常都有幫襯，最鍾意係佢有幾款牛腩選擇～平時最多食崩沙腩，蝴蝶想叫都冇，今日竟然仲有？！即刻叫兩碗蝴蝶腩河同米！蝴蝶腩炆得好諗，相比崩沙腩冇咁煙韌，佢塊筋膜呈半透明，有啲咬口，又入味～無論親河粉同米粉都一流！！最重要點埋佢個靈魂辣椒醬～🥰😋🌶️再嚟叫多個腐乳通菜同埋腩汁蘿蔔（點都要吸收返啲纖維嘅…🤭）個蘿蔔要一讚～舊舊都冇渣！又淋又入味！就响食碗麵嘅時間，已經不斷聽到外賣機係咁叫～可想而知佢生意有幾好，街坊街里平時都經常會落嚟幫襯，經濟又好味！！