正九清湯腩 (群星大廈)

營業中

休息中

放假約咗爸爸媽媽去觀塘街市掃貨，買完嘢之後佢哋話想食下午茶，就見到轉角位有間食牛腩麵，價錢合理就入咗去第一次食我哋就試咗佢嘅牛腩同埋牛筋，加多個腐乳通菜，牛腩份量好多，我哋冇特別揀牛腩嘅乜嘢部位亦都冇揀肥定瘦，出到嚟就係肥瘦適中嘅軟糯牛腩，牛筋雖然冇炆到好腍，但係勝在大大嚿，都好好咬口。我好欣賞佢嘅湯底真係真材實料，飲完唔會口渴，又唔會有好重嘅鹼水味，下午茶仲有飲品送，而家香港消費咁高，佢都算係收費合理

尋晚飲大兩杯～今朝一起身就係想食啲熱辣辣嘅湯麵～同老細拍拖行落物華街搵食，呢間牛腩麵平常都有幫襯，最鍾意係佢有幾款牛腩選擇～平時最多食崩沙腩，蝴蝶想叫都冇，今日竟然仲有？！即刻叫兩碗蝴蝶腩河同米！蝴蝶腩炆得好諗，相比崩沙腩冇咁煙韌，佢塊筋膜呈半透明，有啲咬口，又入味～無論親河粉同米粉都一流！！最重要點埋佢個靈魂辣椒醬～🥰😋🌶️再嚟叫多個腐乳通菜同埋腩汁蘿蔔（點都要吸收返啲纖維嘅…🤭）個蘿蔔要一讚～舊舊都冇渣！又淋又入味！就响食碗麵嘅時間，已經不斷聽到外賣機係咁叫～可想而知佢生意有幾好，街坊街里平時都經常會落嚟幫襯，經濟又好味！！

陪屋企人喺觀塘嘅瑞和街買餸行行吓好肚餓咁啱轉角位見到呢一間清湯腩舖頭決定入去食個下午茶醫下肚先呢度嘅清湯牛腩河真係好有水準，湯底清香，唔油膩，牛腩煮得剛剛好，軟嫩又入味，配上滑溜嘅河粉，食落去好舒服。清湯牛三寶撈麵更係唔可以錯過，牛腩、牛筋同牛肚三樣搭埋一齊，味道超正。腐乳通菜清新又開胃，炸雞中翼外脆內嫩，非常適合作為小食。店舖雖然唔大，得六張枱，但人流好旺，客人一走就會有新客入嚟，感覺都係街坊，公公婆婆同放學嘅學生都鍾意嚟食，營造出一種好親切嘅社區氣氛。咁啱我哋撞正下午茶時段，熱飲就係免費，但我加咗$8叫凍檸賓，好多地方都冇得飲凍檸賓，而家天氣突然之間咁熱，有得飲真係好開心！

正九清湯腩係我覺得好好食嘅清湯腩店，呢日咁啱收工喺觀塘，都特登過去裕民坊嘅分店食。我最鍾意食崩沙腩河粉，崩沙腩係港人最鍾意嘅牛腩部位，炆到軟腍，肉質非常柔軟，近筋位有少少膏，食落牛味特別香濃順滑。另外仲有清湯牛三寶都係我鍾意食嘅，有牛腩、牛肚同埋牛筋，心思思乜都想食就啱晒。好欣賞呢度菜肉要吞，新鮮味香。仲有正九嘅辣油係好好香好好味，少少已經令到成碗粉麵嘅味道精華。呢度加埋油菜，凍檸賓同熱檸蜜都係$200，人均$100已食到勁飽，最正係食到咁好味嘅牛腩。

呢間餐廳位於觀塘附近，裕民坊對面好方便易揾，一入到去都幾環境都光猛，我地坐低左呢度係qr code落單好方便，我地叫左一碗三寶牛腩河粉，牛腩可以自選肥瘦度，但叫之前記得同職員講聲，牛腩比起平時食既瘦，牛腩層次分明，牛腩軟腍，三寶有牛肚，牛腩，牛筋，河粉滑溜，仲有叫左一塊炸排骨排骨超大塊好軟淋，外脆內軟。牛腩擔擔麵我真係好鐘意佢個花生醬底，花生醬底超濃郁，好好味，又香口，牛腩半肥瘦平均，麵好彈牙份量好多。

我經常點外賣的清湯牛腩粉麵店清湯牛三寶適合什麼都想食的人個人其實最喜歡吃牛肚，牛筋牛肚都是軟而不爛，入味但還保有一些口感牛腩的話可以另外加💰要崩沙腩/爽腩或者坑腩湯底是清，鮮，香路線，比起普通腩汁我更喜歡清湯面的話我自己喜歡幼面，河粉的話也很不錯如果能吃辣一定要加辣椒油，很香很辣除了清湯腩還有雞翅也是必點!現場吃超好吃，雞翅都很多肉，炸得外脆內多汁分店也有好幾間，包括旺角，家如果路過絕對可以進去試試📌推薦菜式✨清湯牛三寶河粉/幼麵(加💰轉崩沙腩)✨雞翼

作為清湯腩fans點可以唔食呢間正九清湯腩🤤試過佢地幾間分店，水準都保持得好好，每次同朋友一齊黎食都讚不絕口☺️繁忙時間好多人排隊，不過都好快可以安排入座🥰今次嗌左牛三寶河，入面ge牛筋、牛腩、牛肚都好入味又唔會太咸，再加上滑溜ge河粉真係絕配！🐮清湯牛腩麵，牛腩好鬆化嫩滑，肥瘦適中，麵質亦麵好爽口彈牙，令人食唔停口😋炸魚皮係必食之選，超香脆，一d都唔油膩，就算擺左一陣先食都冇影響食物質素，一口氣食哂成碟😆

觀塘美食從來都很多，所以小編每個月都會去觀塘覓食一次。今次就去了往牛頭角的方向，在紅綠燈對面見到一間清湯牛腩麵店，食客多數是稍微年長的街坊。年輕一代與年老一代的口味要求及追求都不同，小編覺得可以去嘗試一下，所以最後就挑選了這間。雖然是一間主打清湯牛腩的店鋪，但其實口味有很多，甚至有雞及豬的口味選擇，也有湯飯及咖喱選擇，都頗符合大衆化的口味。清湯牛腩河（半肥瘦）去牛腩麵店就不能不點signature，小編這次要半肥瘦的清湯腩河。點完之後，發現其後的食客都要求崩沙腩的部位，應該是很好吃所以很多人都加錢點這個。上菜速度很快，2-3分鐘後就已經有一碗熱騰騰的牛腩河粉，牛腩份量很多，都有大概9件，每件有肥膏的部位大概佔1/4。湯底的確十分清爽，只有淡淡的牛骨香氣及蔬菜的淡甜味，鹽感覺並不多，而且無味精。牛腩不塞牙，的確做得不錯，牛味都算突出。牛的脂肪不會有油膩口感，會有入口即溶的感覺，脂肪味道有點像牛骨髓的味道，小編覺得有點點驚喜。河粉帶點厚度，容易挂汁且不容易斷。蠔油芥蘭芥蘭在餐廳裏比較少見，一來口感偏硬，二來不太多人能接受苦澀味。考慮到味道及口感，師傅會燙多一陣，所以芥蘭會偏向深綠色，會容易

呢晚放工要向觀塘附近上堂，所以突登搵左間清湯腩快食。呢間清湯腩向九龍都有幾間分店，經過都見到幾多人食，應該都係信心保証。今晚同朋友叫左一個崩沙腩河粉同淨菜肉雲吞加多份腩汁蘿蔔share嚟食，估唔到河粉嘅份量都十足，而崩沙腩肥瘦適中，唔會太油膩，不得不提佢嘅辣椒醬，配埋佢嘅辣醬食真係不得了，愛食辣嘅朋友唔可以錯過。菜肉雲吞都有好多粒，皮薄而且非常足料，啖啖肉好滿足。而腩汁蘿蔔非常鮮甜，可以一試。最估唔到嘅佢嘅熱奶茶，茶味濃郁，如果偏好比較茶感嘅，一定要試試。整體感覺非常良好，下次可以再試埋坑腩。

位於觀塘裕民坊對面，每天都不少區內顧客慕名而來，為了一啖香濃的牛腩和湯頭😘🍜 崩沙牛腩河牛腩分量十足，煮得恰到好處，軟嫩中帶點筋膜的彈性，醬香濃郁卻不膩口。河粉細滑，湯頭清甜順喉，簡單樸實卻吃得出用心😍🐟 酥炸魚皮份量十足，大大件，現炸上桌，咬下喀嚓作響，脆度滿分！單吃是鹹香脆口，泡進湯裡幾秒吸附湯汁，外軟內脆的雙重口感很有趣🥰🦑 淨墨魚丸手打口感紮實彈牙，咬得到細碎墨魚粒，鮮味十足，一顆接一顆停不下來！食材實在、調味樸實，價格也親民。老闆默默端上熱騰騰的餐點，正是街坊小店的溫暖魅力。

約咗朋友收工喺觀塘搵咗一間鄰近觀塘站A出口一間正九清湯腩冰室，食物多元化，除咗招牌清湯腩外，還有不少鑊氣小炒，住家菜等，食物質素有驚喜。冰室座無虛席。🤗清湯崩沙腩飯✨✨採用新鮮黃牛的後腿內側及牛脊背部份，真材實料，純人手製造，以傳統嘅創作方法，令肉質順口溜滑，湯稠味濃，口感極佳，營養豐富，原汁原味，而且黃牛有補中益氣，滋潤脾，強健筋骨嘅功效，加入白飯可作主餐，為招牌菜式之一，亦係筆者最愛。清湯腩湯底加入蘿蔔及香蔥，香甜可口，中和了牛肉的油膩感！腐乳通菜✨✨通菜新鮮爽口，味道清新，加入了惹味嘅腐乳醬，豐富了菜式的層次感。

正九清湯腩 🍲 牛三寶河粉，正到爆！🤤🌸清湯牛三寶河粉大大清湯河粉，湯底是牛骨湯，牛三寶有嫩滑牛腩、夠冧夠入味滿滿骨膠原既牛筋，及有咬口入味既牛肚，河粉滑捋捋而且索晒湯汁，超好味。🌸醉雞飯（轉脾+$5）醉香味夠濃郁，雞肉勁嫩滑，雞皮夠爽口，配埋軟硬適中白飯🌸腩汁蘿蔔大大碗，超甜勁入味，蘿蔔鮮甜多汁，夠冧身🌸紅油抄手大大碟餃子，一口一隻，麻辣配搭夠惹味。🌸腐乳通菜新鮮爽脆通菜，腐乳醬調味超正呀！勁濃郁🌸熱菜蜜🌸凍檸賓

久唔久想食清啲就會打算食清湯腩，今日咁啱喺觀塘做嘢嚟咗一間一直都好想試好出名嘅正九清湯腩牛腩可以選擇普通牛腩或者加$8升級做崩沙腩或者牛坑腩，今次第一次食選擇咗崩沙腩，另外再加多$00要買白蘿蔔同埋加多$12要買牛筋崩沙腩份量非常之多，而且真係同普通牛腩好大分別，超級肥美而且肉質一啲都唔會柴，完全係一咬即化開，冇諗過食牛腩會有呢一種質感，另外特別鍾意佢哋嘅湯底真係超級清，配埋佢哋嘅辣椒油超級好食，見白蘿蔔都好有驚喜，食得出有花椒八角嘅味道，而且冇筋超Juicy，整體超級有驚喜，下次會想試埋佢哋嘅牛坑腩

觀塘地道美食😋 專門食牛腩河，價格親民 食物質素好唔錯，好受街坊歡迎👏🏻 咖哩牛腩河粉🍜🥘 $52想食重口味啲就試吓咖哩牛腩😍 牛腩煮得軟嫩入味，咖哩醬香濃惹味，與滑順的河粉相結合，每一口都充滿濃厚的香氣，好飽肚😚腩汁生菜🥬 $19生菜好清爽😋😋 是一道絕佳的開胃菜，健康又美味紅油抄手🥟🌶️ $25抄手皮薄餡嫩，配搭香辣的紅油中，味道鮮美，香氣四溢，讓每一口都充滿了驚喜，好適合作小食🤩🤩

行完APM去附近醫肚，去左食牛腩天花板正九清湯腩!牛腩河牛腩炆得入味腍滑，清湯腩靠食材原味悉心熬製，要真材實料才做得出水準。牛腩肉質鮮美，軟腍適中，配上鮮甜的牛腩湯底，的確會令人再三回味。牛腩擔擔麵要趁熱快吃，涼了容易坨，超級香的花生麻醬味，擔擔湯底以香濃花生醬及深炒芝麻醬作醬底，鹹香濃郁，可口美味，配上醇厚花生醬和獨特花椒香辣油， 香而不膩，川味甚濃。淨菜肉雲吞勁足料，應該係自己包，菜、新鮮豬肉、彈牙餃皮三者完美結合，夠薄兼味道正 !紅油抄手味道麻麻香香，而醬汁又帶點黑醋味，十分開胃，令人按捺不住食完一口再接一口！