漁釧 (V Walk)

營業中

休息中

首先，我哋最推薦嘅係本鮪魚6點盛，有大拖羅、中拖羅、赤身、吞拿魚腩碎、火炙赤身同鐵火卷。大拖羅肉質鮮嫩，入口即化，而中拖羅亦鮮味十足。如果你鍾意火炙嘅口感，咁火炙赤身絕對係你嘅首選，外脆內軟，有陣微微焦香。最尾唔少得嘅鐵火卷，柔軟嘅魚肉夾埋海苔。🔥🍣🎣接著，我地點左陶板清酒煮蜆，呢款食物真係令人驚喜，店員會成鍋螺係我地面前煮，一打開蓋就聞到香噴噴嘅味道，蜆肉鮮甜，口感相當彈牙，而且煮得恰到好處，大蔥同清酒令到個味道更顯鮮味，好夾。🍶🐚最後，唔少得嘅係鰻魚柳川鍋，我地鰻魚控必點嘅選擇。鰻魚肉質鮮嫩，經過巧妙烹調，保持住佢嘅濃郁味道，下面係滑嫩嘅炒蛋，味道帶點甜，上面灑上了香蔥。😊👍