Anjappar Chettinad Indian Restaurant

營業中

休息中

💡正宗印度菜第一次食印度菜，餐廳係由印度人主理，裝修充滿濃厚嘅印度色彩，味道濃郁惹味，加上價錢親民，所以當日去到下午時間都滿座，睇得出幾受歡迎🍽Chicken’ 65🐓外表紅卜卜以為會好辣咁，點知又唔會好辣，雞肉非常惹味，雞肉好嫩，夠juicy。🍽PUDHINA MURGH TIKKA 呢個好有特色，用上薄荷同綠辣椒醃製嘅雞肉塊，有好多洋蔥同椰菜舖喺面上，熱烘烘鐵板上，夠惹味。🍽Butter lamb masala🍗🐑咖喱味好香，但唔會好辣，用上蕃茄🍅奶油 ，配上壺蘆巴葉黃油醬煮成，食落都幾cramy。羊肉好軟淋，唔會有羶味。🍽Bamboo Biriyani (Chicken)🐔呢個飯好特別，先用一個竹筒裝住，店員上台後會敲打竹筒，再倒啲飯出嚟，份量都幾多，帶點小辣，雞肉好厚肉，如果覺得唔夠味，仲可以搭配的咖哩醬。🍽 Garlic Naan呢個大蒜烤餅好香濃蒜蓉味，口感鬆軟，最岩加埋咖哩一齊食🤤🍽Mango Lassi 食完辣野，最岩飲番杯凍野先，芒果味好香甜🥭入口好creamy，飲落好順滑。