一輪 (一門町市場)

今日經過荃新天地，見到有和牛漢堡，亦見佢係日本直送牛肉，即刻入去試吓。叫咗原味、蕃茄味和芝士味，我覺得三款都好好食，我自己就最鍾意食原味，因為肉汁最多，亦都可以食到和牛嘅味道，同埋佢唔會調味得太濃，可以自己控制加鹽或者黑胡椒，呢個我覺得幾好。蕃茄味就會有少少重嘅黑椒味，可能唔食得辣嘅人就未必頂得順，芝士味就正常味道。我覺得啲侍應服務都幾好，和牛漢堡唔錯，個餐前小食有中華沙律同螺肉，麵豉湯都好大碗，我覺得可以改善嘅係個飯，可以考慮吓用啲再好啲嘅日本米，咁就Perfect啦。