.
.
.
就係都會飲酒🍻同爆粗🤭 我諗到呢兩樣, 大家諗到其他既歡迎留言話我知😆
今次我係好開心咁樣黎既💛 係黎慶祝生日🎂 而我地好滿意呢度好有特色既fusion菜, 真心好正
飲酒當然唔少得!
1
除左有傳統既紅白烈酒, 唔同口味既手工啤🍺, 好易入口既Rosé🌹 , 同餐廳裡面既「鬼佬涼茶」(姐係酒
) 霓虹燈打卡一流!
仲有駐場調酒師即場調既特別口味cocktail🍸
我果杯芝麻花生湯圓並唔係糖水而係cocktail, 用萬壽無疆茶杯裝住
芝麻味威士忌🥃上面係自家製花生Baileys cream🥜, 甜甜地奶滑又易入口
加埋草籤吉住既煙韌麻糬丸子真係不得了🍡
-
主食係櫻花蝦燴鰹魚烏冬, 個味超似著名狗仔粉個湯, 係好香濃既瑤柱冬菇蝦米味🍄 我好鍾意佢燴到濕濕地, 夠入味又唔會太水, 比乾炒無咁油
滑捋捋既烏冬令口感更可取又掛汁
加埋大大隻彈牙蝦碌同蒜香🧄帆立貝, 🦐鮮味十足又啖啖肉
另一主菜係香煎紐西蘭雞胸肉+油封幼嫩牛舌 配炸美國薯仔及香噴噴羊肉雜菜咖喱醬, 個名複雜係因為有好多樣野, 但每樣材料都係爭豔鬥麗, 各有出色
有超嫩滑慢煮雞胸🐥
同埋用左油封既煮法鎖住肉汁既厚切牛脷👅
烤過既翠肉瓜同埋茄子都有用心調味且鎖汁
配既薯菜都係非一般, 好似jacket potato但外皮更脆🥔, 薯仔上面鋪滿濃郁印度風味既羊肉雜菜咖喱🍛超惹味
-
甜品既「西多士」唔用麵包而係用lady fingers
Lady fingers浸咖啡酒蛋漿至custard般軟腍口感, 參考tiramisu既做法
雲呢拿雪糕上既香蕉purée🍌十分香濃, 配濃郁咖啡味既tiramoast好適合. 加埋清香桂花syrup同crunchy焦糖脆脆, 非常豐富
-
呢度既食物fusion真係令我大開眼戒, 絕對唔係普通既中西合壁咁簡單. 而且味道都好出色, 無一樣野係唔好食
裝修都係融合左好有特色既元素, 例如用傳統涼茶檔既木桌椅掛上燈泡吊燈,後面既霓虹燈就寫住「鬼佬涼茶 」
又會掛好傳統既書法, 書寫住《楓橋夜泊》
卻又有bar枱位置, 可以睇到調酒師即席整cocktail
餐牌仲要整到似武林秘笈咁, 非常過癮
坐得舒服之餘又真係好適合打卡, 比之前SOHO舊舖更大更得體, 唔再只係酒吧咁簡單, 非常推介
-
Rosé🌹($95/glass)
芝麻花生湯圓cocktail ($120)
香煎紐西蘭雞胸肉🐥+油封幼嫩牛舌👅配炸美國薯仔🥔及香噴噴羊肉雜菜咖喱醬🍛($188)
蒜苗爆炒蝦球🦐+蒜蓉牛油帆立貝🧄配櫻花蝦燴稻庭烏冬🍜及鰹魚忌廉汁 ($158)
法式提拉米蘇多士 Tiramoast🍮/香蕉果蓉/雲呢拿雪糕/桂花糖漿 ($98)
-
何蘭正
中環雲咸街29號LKF29 2樓
1200-2200
