影片
更多
2024-04-16
34 瀏覽
今日收工同男朋友特登去中環試一間book mark咗好耐嘅Omakase。餐廳其實位於上環同中環之間嘅九如坊，條街勁多隱世餐廳。一望見門口，俾人感覺係一間有格調嘅餐廳，裝修唔會好奢華浮誇，係行簡約恬靜嘅日式風格。好值得讚嘅係師傅，佢唔單止喺我哋品嚐每道菜前都會講解下食材同埋烹調手法，仲會講下笑搞下氣氛，全程都好好傾，同我地打成一片。今次成個氣氛好放鬆同開心，令到成個用餐體驗都好正。除左師傅，侍應亦都好好服務，好貼心。講返食物，佢先嚟前菜有嘅魷魚同帆立貝，前者啲膏爆晒出嚟好滋味，後者就鮮甜彈牙。之後刺身入邊，第一道係池魚兩食，一件係生嘅，爽口鮮甜，另一件就網燒過，逼哂啲魚油香出嚟，好滿足。之後就有白象拔 蚌、岩手縣嘅生蠔、金目鯛、鮟鱇魚肝同埋立鱗燒。其中最鍾意嘅就係生蠔同埋鮟鱇魚肝！前者極度大份量，成隻手掌咁大，蠔肉飽滿，食落爽口同重海水味，後者就好creamy同有油香甘甜，好滿足。而之後上壽司7貫，分別有赤貝、赤海老、針魚、中拖羅、大拖羅、北寄貝同埋海膽。每一件都食得出食材嘅新鮮，都好出色，要我揀我最鍾意嘅，就一定係海膽同埋中拖羅，後者好肥美，一擺入口，魚油嘅香味即刻充滿晒成個口腔，做
好值得讚嘅係師傅，佢唔單止喺我哋品嚐每道菜前都會講解下食材同埋烹調手法，仲會講下笑搞下氣氛，全程都好好傾，同我地打成一片。今次成個氣氛好放鬆同開心，令到成個用餐體驗都好正。除左師傅，侍應亦都好好服務，好貼心。
講返食物，佢先嚟前菜有嘅魷魚同帆立貝，前者啲膏爆晒出嚟好滋味，後者就鮮甜彈牙。
之後刺身入邊，第一道係池魚兩食，一件係生嘅，爽口鮮甜，另一件就網燒過，逼哂啲魚油香出嚟，好滿足。之後就有白象拔 蚌、岩手縣嘅生蠔、金目鯛、鮟鱇魚肝同埋立鱗燒。
其中最鍾意嘅就係生蠔同埋鮟鱇魚肝！前者極度大份量，成隻手掌咁大，蠔肉飽滿，食落爽口同重海水味，後者就好creamy同有油香甘甜，好滿足。
而之後上壽司7貫，分別有赤貝、赤海老、針魚、中拖羅、大拖羅、北寄貝同埋海膽。每一件都食得出食材嘅新鮮，都好出色，要我揀我最鍾意嘅，就一定係海膽同埋中拖羅，後者好肥美，一擺入口，魚油嘅香味即刻充滿晒成個口腔，做到齒頰留香，而海膽亦都好鮮甜，好creamy。
最後師傅以一個簡單嘅蜜瓜同埋茶橙做最後嘅點綴，清爽清甜嘅口感平衡返成餐嘅油膩感。今餐真係無論係食物定係用餐體驗都不俗。
張貼
