影片
更多
2022-06-17
245 瀏覽
難得放假當然要揾個地方打下卡chill下~ 今次就去左位於大埔小白鷺互動中心嘅Billow。純白典雅嘅建築充滿歐陸風情，真係有種逃離香港嘅感覺~ 餐廳更設有室外座位，可以邊食邊享受白鷺湖湖景。可惜我地就錯過左鬱金香花海，但黎緊好似會有向日葵花海~餐廳booking都幾full，大家記住預早book位~ 雖然位置隔涉，但就有免費shuttle bus來往大埔墟南運路，大家可以上返官網查閱班次。不過我就會建議係大埔墟站轉乘的士 (車程大概5分鐘$35左右)，回程先搭返shuttle，因為班次都幾疏下，大約30分鐘一班。⚠️中午用餐限時75分鐘————————————————⠀🍴Set Lunch配田園沙律 /餐湯▪️牛肉漢堡 • 車打芝士 • 煙肉 • 薯角 $188牛肉漢堡扒厚身，都算有啲牛味，但偏鞋偏實，唔太juicy。麵包烘得好脆，不過好有趣地 塊芝士好似係連埋塊包一齊烘?! 而且烘得過左火，麵包同芝士都偏乾偏韌。好在漢堡中都加左唔少沙律醬、菜、蕃茄，所以食落都唔會太乾。普通~▪️是日海鮮 • 烤焗蔬菜 $188Fish of the da
餐廳booking都幾full，大家記住預早book位~ 雖然位置隔涉，但就有免費shuttle bus來往大埔墟南運路，大家可以上返官網查閱班次。不過我就會建議係大埔墟站轉乘的士 (車程大概5分鐘$35左右)，回程先搭返shuttle，因為班次都幾疏下，大約30分鐘一班。
⚠️中午用餐限時75分鐘
————————————————⠀
🍴Set Lunch
配田園沙律 /餐湯
▪️牛肉漢堡 • 車打芝士 • 煙肉 • 薯角 $188
牛肉漢堡扒厚身，都算有啲牛味，但偏鞋偏實，唔太juicy。麵包烘得好脆，不過好有趣地 塊芝士好似係連埋塊包一齊烘?! 而且烘得過左火，麵包同芝士都偏乾偏韌。好在漢堡中都加左唔少沙律醬、菜、蕃茄，所以食落都唔會太乾。普通~
▪️是日海鮮 • 烤焗蔬菜 $188
Fish of the day 👉🏿 鱲魚~ 肉質紮實，都幾滑，食落唔會無魚味。配左大啡菇、意大利青瓜、蕃茄仔等唔少蔬菜。
— — — — — — — — — — — — — ⠀⠀
▪️海膽燴意大利飯 • 北海道帶子 • 黑魚子 $268
一上枱 見到隻色有啲嚇親，超螢光！不過食落都算OK。意大利飯質地creamy，飯粒較白飯硬身 但又未到半生熟嘅感覺，個人幾鍾意呢個口感。可惜海膽味唔算好濃，忌廉味偏重，勝在唔會太腥。帶子大大粒，口感軟滑，略嫌煎得唔夠香。— — — — — — — — — — — — — ⠀⠀
整體嚟講，室外座位打卡一流！可惜限時75分鐘，未能hea足成個晏就。食物質素一般，定價較高，不過可以影返幾張靚相都算抵返?! 側邊有個湖可以行下，亦有shuttle岀入，未到好唔方便，愛打卡人士不妨一訪~
張貼
