影片
更多
2023-07-04
36 瀏覽
想食番餐豐盛嘅日本菜，但屋企附近冇Omakase嘅餐廳，所以近近地嚟到九龍城，好有驚喜。「斗」套餐，包括有先付-前菜-清湯-刺身-串揚-燒物-食事-甜品。著重細節嘅廚師發辦，先付前菜已經好驚豔。味噌蒜頭感覺濃味但食後有清甜味。而牛蒡經醬油浸漬，味道獨特，開胃可口。前菜有帆立貝配青檸皮碎同檸檬汁，肉質結實而帶出鮮味。海膽更加清甜幼滑。刺身種類多，由淡到濃味，越食越過癮。特別驚喜係鱈魚刺身。面頭鋪上明太子啫喱，而鱈魚輕輕炙燒後將油份逼出。魚肉非常肥美，絕不油膩，食出好似平日煎熟嘅鮮甜。另外鰹魚刺身係宜家時令。同樣用火喺鰹魚表面炙燒，令脂肪留喺魚肉面，令鮮甜效果更突出，唔會腥。岩手縣大船渡產嘅牡蠣。大細如手掌般嘅牡蠣，味道鮮甜，蠔味帶有奶油感，海水味同礦物味平均，唔會有重金屬味，帶有悠長餘韻。串揚種類多，平日亦少有機會品嚐。日本沙鮻魚。魚香十足，配上少許檸檬汁感覺清新。魚身幼細，肉質軟熟，可以食到魚嘅鮮甜。炸魚籽昆布配櫻花蝦。炸物中間係子持昆布，然後外面包住希靈魚籽，正正突顯希靈魚喺昆布上產卵情況。魚籽外面炸得金黃香脆，裡面嘅魚子鬆脆，有獨特口感。燒和牛口感軟滑，入口即溶，油香十足。明太子茶
想食番餐豐盛嘅日本菜，但屋企附近冇Omakase嘅餐廳，所以近近地嚟到九龍城，好有驚喜。
「斗」套餐，包括有先付-前菜-清湯-刺身-串揚-燒物-食事-甜品。
著重細節嘅廚師發辦，先付前菜已經好驚豔。味噌蒜頭感覺濃味但食後有清甜味。而牛蒡經醬油浸漬，味道獨特，開胃可口。
前菜有帆立貝配青檸皮碎同檸檬汁，肉質結實而帶出鮮味。海膽更加清甜幼滑。
刺身種類多，由淡到濃味，越食越過癮。特別驚喜係鱈魚刺身。面頭鋪上明太子啫喱，而鱈魚輕輕炙燒後將油份逼出。魚肉非常肥美，絕不油膩，食出好似平日煎熟嘅鮮甜。
另外鰹魚刺身係宜家時令。同樣用火喺鰹魚表面炙燒，令脂肪留喺魚肉面，令鮮甜效果更突出，唔會腥。
岩手縣大船渡產嘅牡蠣。大細如手掌般嘅牡蠣，味道鮮甜，蠔味帶有奶油感，海水味同礦物味平均，唔會有重金屬味，帶有悠長餘韻。
串揚種類多，平日亦少有機會品嚐。
日本沙鮻魚。魚香十足，配上少許檸檬汁感覺清新。魚身幼細，肉質軟熟，可以食到魚嘅鮮甜。
炸魚籽昆布配櫻花蝦。炸物中間係子持昆布，然後外面包住希靈魚籽，正正突顯希靈魚喺昆布上產卵情況。魚籽外面炸得金黃香脆，裡面嘅魚子鬆脆，有獨特口感。
燒和牛口感軟滑，入口即溶，油香十足。
明太子茶漬飯解膩得黎帶有咸香味。
再以靜岡蜜瓜作結，心滿意足。
張貼
