影片
港鐵宋皇臺站B3出口, 步行約5分鐘
繼續閱讀
電話號碼
59354321
55094445
開飯介紹
位於九龍城串揚廚師發板，刺身，串揚，燒酌
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
今晚朋友聚會，講下想食特色日本野，特登過來北斗，細細間唔會太嘈，又幾有情調。顧客坐Bar枱可以觀看著廚師製作食物，幾chill。今日食左好多特別菜式。清湯（壺裝）日本人飲湯鍾意倒落迷你杯飲。個湯勁清甜，亦有配料。冷盤：生魚軟骨配青瓜將軟骨醬均勻咁放落青瓜片🥒，味道鹹香👅，因有軟骨碎口感嗦嗦聲。素菜六品盛盒(廚師發板)用木盤奉上，賣相勁靚。炸完色澤好靚，但唔好似外面食個d咁厚皮。個人偏愛舞松茸同冬菇，外皮好脆內面軟軟的。海膽魷魚圈卷：細細粒但超好食🤤，外面魷魚圈質感好軟，海膽入口即溶，兩者好夾。 鹿兒島黑毛豬鞍（原隻）：原隻好大隻，大過塊臉。黑毛豬鞍外皮都係好薄身，通常厚身/大隻都會怕整得太熟肉質好鞋，依到炸得剛剛好好冧身，肉質帶點脂肪好軟屬。三色刺身盛（三文魚🍣、帆立貝、深海池魚）：刺身切得厚身。溫度保持凍著口感好正，而且唔會食到任何渣/筋。極上刺身杯（三文魚、赤身、帶子、三文魚子：細細杯但全部都係精華，正👍！大拖羅（紫菜包著）：用手握著大口咬著，魚肉一咬即溶。其他：七味魚翅三文魚 明太子南高梅茶漬飯時令水果配日本雪葩
繼續閱讀
1.吉助.燒酒 $9825度好濃烈嘅酒香，如果唔係太飲得酒嘅朋友仔，可以加番冰，咁就會淡番啲。2.味辛黑梅螺 $168黑梅螺醃製得好入味，螺肉好彈牙，配埋佢個味辛汁好香好好口味。3.蒜頭木魚漬 $48蒜頭醃製得好好，酸酸地好惹味，一放上黎有金箔係頂，蒜頭脆身，咬落去索索聲，食落去好開胃，不可多得嘅前菜👍👍4.梅水晶鯊魚軟骨 $58這個菜款好特別，醬汁用梅子混合鯊魚魚骨，再使用青瓜伴碟，食用時可以使用青瓜降低梅子酸味，鯊魚軟骨爽脆5.青森大間鮪魚盛合（大拖羅.中拖羅.赤身）$398由赤身、中拖到大拖，一件一件咁食。喺裏面嘅油脂逐層逐層上，真心正。中拖粉嫩、有雪花，油脂分佈均勻；大拖肥美，一咬落去啲魚油係口腔爆發出嚟😗好鮮甜👍🏻6.日本鯛魚昆布湯 $58鯛魚湯好濃，配埋金菇同其他蔬菜好好飲，最特別係用茶壺去配搭，好似斟茶咁樣去享用7.時令活蠔配有馬山椒 *2 $138/隻生蠔不得了，好大隻！成隻手掌咁大，簡直係神級嘅鮮甜！配埋個馬生椒提鮮，絕對係生蠔界嘅神話！肥美生蠔，啖啖肉滑嘟嘟，好creamy，係必點嘅推介，打卡嘅神物。8.時令海鮮七品盛合（廚師發辦）$398（昆布配飛魚子，北海道帆立貝，磯煮鮑魚，甘鯛立鱗，日本海膽配炸紫菜 ，日本沙椎魚，三文魚親子）哩個係串揚，有別於一般嘅天婦羅，係關西流行嘅一種小食，但非常考師傅功力，要因應唔同食材去使用唔同油溫。一上台我哋就嘩嘩聲，件件都好大件，再配埋啲魚子好靚呀。炸物炸得好好，炸醬好薄，時間拿捏得好好，保留到海鮮嘅嫩滑、鮮味同肉汁。師傅推介由海苔較為淡味嘅開始食先，入邊有飛魚子咬落去索索聲，口感好特別。最鍾意食嘅呢就係嗰個鮑魚、帆立貝同埋個海膽！鮑魚好滑嫩、彈牙、保留住肉質嘅鮮味。帆立貝、海膽好鮮甜😗帆立貝上面有好多三文魚子，有提鮮嘅作用。9.茶漬飯（三文魚.明太子.南高梅）*2 $58/位明太子茶漬飯好好味，食完魚生同埋炸嘢再食個茶漬飯好暖胃，類似好濃嘅堅魚湯底同配料，加埋一齊好好味。最特別係個梅子茶漬飯，酸酸地好出呢個味好特別。總價：1618連加一：1780
繼續閱讀
九龍城北斗Omakase環境好有日本風情🇯🇵氣氛好舒適，仲有高枱bar位有師傅即場整同介紹添!磯煮鮑魚食落肉質彈牙，仲好新鮮鮟鱅魚肝外層好脆口，中間魚肝油脂滿滿入口即溶嘅感覺，真係幾正！超邪惡之選蒜頭木魚漬份量都算多，粒粒蒜頭都好入味📍 北斗地址: 九龍城福佬村道59號地下B號舖電話: 59354321#九龍城美食 #hkomakase #廚師發板 #北斗 #hkfoodies #hkfood #hkfoodie
繼續閱讀
我有個朋友係九龍城地膽，今日約咗佢食飯，就同佢講我想食日本嘢，於是佢就提議我嚟呢間，結果真係有驚喜，如果唔係有熟人帶，真係未必識得嚟。呢度門面好特別，感覺真係去咗日本。今日叫咗幾樣嘢都覺得好出色，最鍾意嘅就海膽魷魚卷，本身兩樣嘢我都鍾意，魷魚口感夠爽，加埋Creamy嘅海膽，呢個組合真係一流！芥末醬雞胸肉串芥末味夠刺激，雞肉亦都好嫩滑，當然啦芥末唔會過多，所以食落係有一陣辣辣甜甜嘅口感，幾刺激！然後朋友就推介話一定要叫呢度嘅時令活蠔配有馬山，真係超大隻又肥美！青森大間鮪魚盛都係另外一樣，我覺得勁好食嘅嘢，種類又多，而且好新鮮，用嚟打卡真係好吸睛
繼續閱讀
去咗九龍城搵食，朋友介紹我嚟呢間北斗食日本菜，主打串場，當晚有好幾款食物都好有驚喜，所以決定要介紹俾大家😍松葉蟹肉蟹膏海膽蟹肉蟹膏海膽omg都系我最愛！！睇下d海膽幾新鮮😍食落真系好肥美好滿足，仲要一d都唔腥，蟹肉撈埋蟹膏味道好鮮甜！磯煮鮑魚串揚鮑魚就食得多，串揚你又食過未呢？😛 平時都好鐘意食鮑魚，今次試咗呢個食法又幾特別。鮑魚爽口彈牙嘅口感加埋包住酥炸嘅感覺，外酥內彈牙。秋刀魚串揚日本直送既秋刀魚，呢個食法真系第一次試！都幾驚喜。原條秋刀魚捲起嚟沾少少粉去炸，入口口感好唔錯，外脆內嫩滑魚肉仲好有鮮味🤩
繼續閱讀