韓雅林

營業中

休息中

家姐同我都係好鍾意食韓國菜嘅人，之前試過一間好多人排隊嘅韓國菜餐廳，點知醬油蟹係非常差，自此就好少係香港餐廳食醬油蟹。不過今日推介嘅呢間餐廳，佢嘅醬油蟹係韓國直送，所以忍唔住試試，結果非常驚喜。未上主菜前，先有八道小食。醬油大蝦 $190好好食嘅醬油蝦🥹，一碟有八隻。醃制後的鮮蝦肉好結實，肉質爽口又有彈性，配白飯真係可以食幾碗飯。醬油蟹（1隻) $350原來醬油蟹係碗埋紫菜拌飯，感覺食咗好多飯🤣🤣🤣，但醬油蟹膏拌紫菜飯係超級超級好食😋！淨係食個飯都好滿足！醬油蟹都好鮮甜。辣海鮮滑豆腐湯 $150豆腐湯配白飯，辣中帶鮮，鍾意佢嘅口感豐富，既有豆腐嘅柔滑口感，海鮮嘅鮮甜同埋辣椒嘅刺激，形成口感豐富有層次嘅湯。韓式石鍋海鮮拌飯 $160石鍋可以保持熱度，調味醬汁另上，可以按照自己口味喜好決定落幾多，海鮮加上蔬菜同調味料，令飯嘅口感更豐富同有層次。不過實在太多飯🤣🤣🤣，如果嗌醬油蟹就唔建議再加拌飯，真係超飽🤣🤣最後仲有雪米滋作為甜品。