影片
更多
2021-08-08
225 瀏覽
上個月去米走雞食左3次火焰雞煲， 阿女投訴點解佢無份去 好啦好啦， 今日帶佢黎試下芝士雞煲。近近地係官塘食， 車都唔使坐今次試呢個黃金芝士雞煲2-3人份量 $178入面除左有雞，芝士，仲有洋蔥，芫茜同中芹（待應好細心咁問我有咩想走， 我就乜都要哂啦）見到呢個陣容， 真係嘩左一聲除左滿滿的雞件外，仲有鋪天蓋地既芝士粒同如溶岩般既芝士醬。 邪惡到癲呀雞煲要滾番起同溶左d芝士先食得架待應提醒唔好搞亂個煲， 真接夾起d雞件就食得。 芝士可以做到拉絲效果架， 係咪勁雞件貫徹始終的大件同超多。加上被芝士醬團團包實。 我食左3舊就KO左 要休戰再食。（後尾發現沾少少豉油食，無咁溜，可以食多幾件）先加個湯底，食幾條菜回一回氣先將雞件撈起再加湯就變成金黃色的芝士湯底湯可以揀清湯同芝士湯。我揀左清湯都好夠味呢度既食材可以揀半份，好啱人少又想試多款野女女揀既手打蝦滑，半份。蝦滑入面真係見到一舊舊鮮蝦肉架放湯前記得將蟹籽同蝦滑撈勻呀，唔係d蟹籽落湯就會散哂架啦。蝦滑非常彈牙好食，同芝士湯底都好夾，而且仲食到鮮蝦的質感。推介蜂巢凍豆腐 半份上枱時係冰凍的一舊半份都有5舊， 仲係大大舊， 好抵食滾熟後豆腐變番軟身
今次試呢個黃金芝士雞煲
2-3人份量 $178
入面除左有雞，芝士，仲有洋蔥，芫茜同中芹（待應好細心咁問我有咩想走， 我就乜都要哂啦）
見到呢個陣容， 真係嘩左一聲
除左滿滿的雞件外，仲有鋪天蓋地既芝士粒同如溶岩般既芝士醬。 邪惡到癲呀
雞煲要滾番起同溶左d芝士先食得架
待應提醒唔好搞亂個煲， 真接夾起d雞件就食得。 芝士可以做到拉絲效果架， 係咪勁
雞件貫徹始終的大件同超多。加上被芝士醬團團包實。 我食左3舊就KO左 要休戰再食。
（後尾發現沾少少豉油食，無咁溜，可以食多幾件）
先加個湯底，食幾條菜回一回氣先
將雞件撈起再加湯就變成金黃色的芝士湯底
湯可以揀清湯同芝士湯。我揀左清湯都好夠味
呢度既食材可以揀半份，好啱人少又想試多款野
女女揀既手打蝦滑，半份。蝦滑入面真係見到一舊舊鮮蝦肉架
放湯前記得將蟹籽同蝦滑撈勻呀，唔係d蟹籽落湯就會散哂架啦。
蝦滑非常彈牙好食，同芝士湯底都好夾，而且仲食到鮮蝦的質感。推介
蜂巢凍豆腐 半份
上枱時係冰凍的一舊
半份都有5舊， 仲係大大舊， 好抵食
滾熟後豆腐變番軟身，仲吸哂d芝士湯底， 非常滋味， 難怪餐廳話呢個係芝士雞煲必點的餸
單叫菇菌都要34， 呢個雜菇拼盤只係44，非常抵
份量同種類都好多（個底仲有大排金菇）
菇同芝士湯底又係好夾， 我最鐘意食個冬菇， 吸左d芝士湯但又唔溜，好清新的口感
半份油麥菜（24蚊）
切到細細條，好快熟。清新一下味蕾，又可以再作戰雞件啦
食芝士雞煲， 點可以無左呢個出前一丁
吸哂芝士味， 又香又滑又飽肚，簡直係神隊友。
超飽又超滿足， 飽到差d行唔郁。
官塘呢間餐廳地方超大， 價錢又實惠。已經諗定下次call埋班大小朋友黎聚聚。大人食火焰麻煩晒雞煲，小朋友食芝士雞煲
張貼
