影片
更多
2024-01-29
340 瀏覽
即日都訂到位已經覺得伏伏地，但係都多正面食評，所以都試吓。服務係正常嘅，起碼叫加水唔會西臉。但係價錢同份量就真係令人髮指。其實我都預左團年飯唔會仲有平時嘅價錢，但係你收我貴啲 (唔止貴啲)，都應該俾返相應份量啦。1. 龍躉兩味 ( $498 ) - 炒球係跟人頭份量，我地5個人，就得5塊魚。蒸頭腩可能冇咩肉就俾多兩件。兩日後喺另一家酒樓，同樣叫龍躉兩味，只係$298，份量係多佢一倍。2. 貴妃雞半隻 ($138) - 我極度懷疑扣起左一部份，極其量只係例牌多少少。3. 錦江豆腐海鮮煲 ($188) - 份量係每種料兩件，連豆腐都係得兩件。4. 冰鎖咕嚕肉 ($188) - 呢個份量都係偏少，最失敗係啲咕嚕肉直接放喺冰面，點解唔用保鮮紙隔一隔呢？遲少少食都淋晒！五樣野加兩碗飯連加一要成千二蚊。如果一早知個價錢同份量同平時差咁遠，我係一定唔會幫襯！
其實我都預左團年飯唔會仲有平時嘅價錢，但係你收我貴啲 (唔止貴啲)，都應該俾返相應份量啦。
1. 龍躉兩味 ( $498 ) - 炒球係跟人頭份量，我地5個人，就得5塊魚。蒸頭腩可能冇咩肉就俾多兩件。兩日後喺另一家酒樓，同樣叫龍躉兩味，只係$298，份量係多佢一倍。
2. 貴妃雞半隻 ($138) - 我極度懷疑扣起左一部份，極其量只係例牌多少少。
3. 錦江豆腐海鮮煲 ($188) - 份量係每種料兩件，連豆腐都係得兩件。
4. 冰鎖咕嚕肉 ($188) - 呢個份量都係偏少，最失敗係啲咕嚕肉直接放喺冰面，點解唔用保鮮紙隔一隔呢？遲少少食都淋晒！
五樣野加兩碗飯連加一要成千二蚊。如果一早知個價錢同份量同平時差咁遠，我係一定唔會幫襯！
張貼