麵尊

營業中

休息中

喺銅鑼灣返工嘅朋友一定會食過呢一間麵尊。仲記得小弟當初第一次食麵尊，呷第一口湯震撼左小弟嘅味蕾。從來未諗過港式車仔麵嘅湯底，竟然可以咁鮮甜。如果唔係同行友人勸我小心健康，否則我真係可以成碗飲晒。呢度啲食嘅配菜個人認為有三樣第一酸齋第二豬頸肉第三蘿蔔。相信食車仔麵揀酸齋嘅朋友並唔多，但佢配搭鮮甜嘅湯底可以話係天作之合。呢度用嘅豬頸肉同坊間嘅豬頸肉簡直係大相逕庭。佢嘅豬頸肉冇咁油膩冇咁彈牙，但係肉味十足。蘿蔔真係有如食神所講咁，有揀過，冇渣，清甜。推薦！