影片
更多
2023-02-12
38 瀏覽
最近想食啲清新d既野，見到尖沙咀有間越南餐廳，入邊啲員工全部都係越南人，幾有越南feel就入去試吓啦。坐低之後見到個餐牌都幾吸引，越南嘢梗係要試吓例牌嘅越南牛肉湯河，再加多個去骨海南雞飯，小食呢就試吓個煙三文魚米紙卷，心郁郁又試埋超載椰青焗飯。跟住原來海南雞飯仲會有埋湯同一杯嘢飲送添好抵呀。落完單之後，嘢食好快就送上嚟啦，熱辣辣嘅越式牛肉湯河，每片牛肉都係啱啱好仲有少少粉紅粉紅好嫩滑。跟住海南雞飯都有好多件雞，件件都係大大件仲多汁鮮嫩，個飯呢吸晒啲雞汁又保持到米飯粒粒分明。最後黎埋個超載椰青焗飯，一上枱真係好有驚喜，椰青味好香，面頭鋪滿嘅海鮮料真係10分超載，超載到連個椰青都載唔晒跌晒落個碟度🤣，而且呢個焗飯好有特色係加咗好多提子乾令到個飯除咗有椰青嘅清香味仲加埋提子乾嘅香甜味，口感好豐富，焗飯加埋啲椰汁、椰青肉好軟淋淋但係又有啲提子乾咬下好有口感。海鮮料都10分豐富大大隻蝦同埋好爽口嘅BB烏賊仔，實在十分之推介，真係平時一般嘅餐廳係唔會食得到嘅味道，充滿咗越式風味，鍾意椰汁、椰奶、椰青嘅人一定要點呢個超載椰青焗飯。另外煙三文魚米紙卷可以推介俾如果食唔晒一個檬粉但又想試下檬粉嘅朋友因為
坐低之後見到個餐牌都幾吸引，越南嘢梗係要試吓例牌嘅越南牛肉湯河，再加多個去骨海南雞飯，小食呢就試吓個煙三文魚米紙卷，心郁郁又試埋超載椰青焗飯。跟住原來海南雞飯仲會有埋湯同一杯嘢飲送添好抵呀。
落完單之後，嘢食好快就送上嚟啦，熱辣辣嘅越式牛肉湯河，每片牛肉都係啱啱好仲有少少粉紅粉紅好嫩滑。
跟住海南雞飯都有好多件雞，件件都係大大件仲多汁鮮嫩，個飯呢吸晒啲雞汁又保持到米飯粒粒分明。
最後黎埋個超載椰青焗飯，一上枱真係好有驚喜，椰青味好香，面頭鋪滿嘅海鮮料真係10分超載，超載到連個椰青都載唔晒跌晒落個碟度🤣，而且呢個焗飯好有特色係加咗好多提子乾令到個飯除咗有椰青嘅清香味仲加埋提子乾嘅香甜味，口感好豐富，焗飯加埋啲椰汁、椰青肉好軟淋淋但係又有啲提子乾咬下好有口感。海鮮料都10分豐富大大隻蝦同埋好爽口嘅BB烏賊仔，實在十分之推介，真係平時一般嘅餐廳係唔會食得到嘅味道，充滿咗越式風味，鍾意椰汁、椰奶、椰青嘅人一定要點呢個超載椰青焗飯。
另外煙三文魚米紙卷可以推介俾如果食唔晒一個檬粉但又想試下檬粉嘅朋友因為米紙卷入面就係包檬粉而且呢個小食都有附越式酸汁，所以小食都做到主食效果。
雖然個海南雞飯係送咗一杯嘢飲不過呢我哋都想試吓嗰個好特別嘅椰汁紅豆冰，一句講晒鍾意椰汁嘅朋友呢個絕對滿足到你對椰汁既慾望。
張貼
