滾爺火鍋 (金巴利道)

營業中

休息中

之前旺角同同事食過滾爺火鍋覺得唔錯，今次同男朋友尖沙咀見到有分店，所以黎試下。店面裝潢舒適簡約，如多人預約仲可以包房唱k，又有得打邊爐又一得唱歌，夠哂過癮。點左呢度既招牌椰子雞煲， 有大半隻雞，再配上2個新鮮椰青椰皇，無額外加水，飲落十分香甜， 打邊爐前已飲幾碗湯。文昌雞肉質鮮嫩，唔會鞋口，帶有淡淡椰香味。台灣三寶丸，有芝士牛丸、金沙魚丸同香芋包心貢丸，三款丸各有特色，牛丸彈牙多汁入面芝士仲可以拉絲 ，而金沙魚丸係流心😲鹹蛋黃味好濃。個人最喜愛香芋貢丸，咬落口感綿密芋香四溢，夠哂特別。西洋菜同豆腐吸收哂椰子雞湯既精華，香甜好食。