火薈中日火鍋

營業中

休息中

今個星期天氣忽然凍幾度，即刻去打邊爐暖下身先得！我哋揀咗椰子雞煲，一開始先飲咗啲湯先。個湯清清地，感覺都幾滋潤。飲完湯就開始打邊爐，呢度打邊爐配料嘅選擇好多，而且仲有刺身同埋好幾款小食！我哋叫咗個刺身拼盤（松），$298已經有三隻勁大嘅牡丹蝦、幾隻甜蝦、北寄貝、帶子、魷魚配蟹子等，用料非常新鮮！最正係牡丹蝦同埋帶子！火鍋配料必食牛頸脊，牛味濃郁！即炸響鈴都唔可以錯過，大大件又薄又脆！仲有淮山都好好味，唔係周圍有得食㗎！呢度坐得幾舒服，靜靜地，而且最近火鍋配料仲要做緊七折，下次可以約多啲朋友一齊嚟打邊爐。