影片
更多
2025-04-25
0 瀏覽
今次中學同學聚會揀咗係一間課室主題嘅餐廳，一入到去見到咁多課室枱凳好懷念中學無憂無慮嘅生活😭因為同行男生👨🏿生得比較高所以我哋最後揀咗啡色卡位坐。我哋一行四人試咗五款唔同嘅嘢食😗分別係卡邦尼意粉，黑松露意粉，青醬意粉，軟殼蟹肉燥飯同炸豬扒漢堡包。咁多款意粉入邊我最鍾意就係蟹籽卡邦尼意粉,入面加咗蘑菇同忌廉,唔係傳統嘅做法,但係好Creamy😝另外幾款意粉都好好味。軟殼蟹肉燥飯嘅賣相好誇張😂😂😂軟殼蟹同肉燥飯呢兩樣嘢雖然唔夾但係都分別地好味，肉燥飯食到尾會有少少鹹。佢哋嘅飲品都好出色，雙重薄荷朱古力甜度適中，飲落有陣陣薄荷味，仲有一大球薄荷朱古力雪糕喺上面，跟餐仲有半價幾抵飲。朋友試咗玄米茶鮮奶，估唔到平時單飲嘅玄米茶加落牛奶度會咁好飲！他他醬炸豬扒burger我就覺得一般啦，反而伴碟薯條又幾好味，薯條熱辣辣好夠脆，上面仲加咗調味粉好惹味。我哋到訪當日係星期日，所以要經停車場斜坡出入，餐廳嘅門口都比較難搵，首先要經B座停車場行上斜坡，然後去A座近大街嘅樓梯口。去到發現好多人，餐廳嘅位置都幾多，好適合一大班人聚會。雖然餐廳有限時兩個鐘，但係最後我哋坐到收舖都冇俾人趕，可以盡情傾偈😗食物整體
今次中學同學聚會揀咗係一間課室主題嘅餐廳，一入到去見到咁多課室枱凳好懷念中學無憂無慮嘅生活😭因為同行男生👨🏿生得比較高所以我哋最後揀咗啡色卡位坐。
我哋一行四人試咗五款唔同嘅嘢食😗分別係卡邦尼意粉，黑松露意粉，青醬意粉，軟殼蟹肉燥飯同炸豬扒漢堡包。
咁多款意粉入邊我最鍾意就係蟹籽卡邦尼意粉,入面加咗蘑菇同忌廉,唔係傳統嘅做法,但係好Creamy😝另外幾款意粉都好好味。
軟殼蟹肉燥飯嘅賣相好誇張😂😂😂軟殼蟹同肉燥飯呢兩樣嘢雖然唔夾但係都分別地好味，肉燥飯食到尾會有少少鹹。佢哋嘅飲品都好出色，雙重薄荷朱古力甜度適中，飲落有陣陣薄荷味，仲有一大球薄荷朱古力雪糕喺上面，跟餐仲有半價幾抵飲。朋友試咗玄米茶鮮奶，估唔到平時單飲嘅玄米茶加落牛奶度會咁好飲！
他他醬炸豬扒burger我就覺得一般啦，反而伴碟薯條又幾好味，薯條熱辣辣好夠脆，上面仲加咗調味粉好惹味。
我哋到訪當日係星期日，所以要經停車場斜坡出入，餐廳嘅門口都比較難搵，首先要經B座停車場行上斜坡，然後去A座近大街嘅樓梯口。去到發現好多人，餐廳嘅位置都幾多，好適合一大班人聚會。雖然餐廳有限時兩個鐘，但係最後我哋坐到收舖都冇俾人趕，可以盡情傾偈😗食物整體嚟講係好味嘅，值得一讚，價錢又唔貴，下次會嚟試埋甜品😋
張貼
