Times Coffee

有唔同朋友提過想嚟食嘢，最後揀咗其他cafe，終於搵到一個平日嚟午餐。Openrice上唔見set lunch的餐牌，但餐廳喺1130-1730供應午餐。可能觀塘區飲食業競爭大，呢間主題cafe的食客聊聊可數。近窗的用餐區擺放中學生檯椅，近牆果邊就有幾套復古木製餐檯椅。我同朋友點咗1份午餐+飲品+甜品，單點1客意粉+(跟主菜半價)飲品。牛油果香芒凱撒沙律：午餐，$72；話係凱撒沙律，其實似鮮果沙律，菜底少，係沙律菜而唔係羅馬生菜；沙律以雜果為主，有芒果、火龍果、菠蘿同橙；生果新鮮，但切細件而大小參差、橙係一瓣，核較多；牛油果半個；仲有未經烘焗的腰果，腍咗但較健康；以由cafe供應的沙律嚟講，已經唔錯，量多足料，颜色豐富，可以收貨！如果備材時花多少少心思，就更喜出望外青醬野菌蝦肉貓耳朵：主菜，$100-110；算大碟，有3-4隻中蝦；青醬奶油味重，調味好，䬹人追住食；貓耳朵煮得剛好，質感唔軟爛；意粉入面有少量菇同洋蔥Flat white：跟午餐半價+$21，再+$4轉大杯；大杯同正常size分別明顯，只差$4，值得；咖啡奶味香，奶啡愛好者會滿意巴斯克芝士蛋糕：跟午餐+$32，有擺盤而份量夠2個人分享；整開甜品的朋友覺得幾好食，雖然唔突出色，冇乜記憶點，但亦唔會令人失望開心果鮮奶：跟主菜半價+$25-30；朋友話開心果特飲一般係奶昔，所以試下；飲品面灑咗少量開心果碎；朋友話有開心果味，滿意整體嚟講，人少地方大、價錢唔貴、食物有水準，值得一試！只係門鈴聲大，又經常響，次次都俾佢嘈親而嚇一跳。…查看更多

小時光在觀塘開業多年，仍然是以校園風為主題，餐牌菜式多年來也沒有太大變化，所以我也很間中才到訪。這次食這個二人套餐。以下食物的價錢是單點價錢，以供讀者參考。沙律和小食普普通通：沙律的蔬菜感覺尚算新鮮；甜不辣沒有醬汁齋煎感覺有點寡，只是很普通的魚餅。地瓜球則不過不失。蒜香蟹肉意粉 ($98) ★★★✰✰記得以前在這裏食過這碟意粉印象不錯，不過今次則略嫌有點太油(可能選了不合適的橄欖油，或是火候不佳，與美味的Aglio e Olio相差甚遠)，而且餐牌沒有寫是辣的，出來卻有中辣程度，某程度上蓋過了蒜油香味。意式番茄肉醬長通粉 ($108) ★★★★★相較之下，這道肉醬意粉則很出色。雖然難度不高，不過覺得這道鮮茄+茄膏比例及份量剛剛好，蘸滿每一條通粉，而且肉醬不會很碎，食落很有實感。整體調味、肉醬、意粉烹調得恰到好處，我非常欣賞。抹茶紅豆芭菲 ($58) ★★★★✰材料普通，不過砌出來賣相不錯，份量也可以：有齊紅豆蓉、蕨餅、粟米片等配料。當晚雖然僅有數枱客，不過樓面店員只有一個，她還要兼顧整甜品，繁忙之餘服務效率仍能保持，這點值得一讚。整體而言，食物雖然不算頂尖，但也有不錯表現，加上學校桌椅佈置增添特色，一試無妨。…查看更多

同好友相聚，梗係搵間正嘢啦👍🏻原來觀塘有間Cafe，性價比⬆️真係好高。大家不妨嚟試吓🫶🏻[食後感］📝1. 煙三文魚牛油果沙律搭配非常清新，煙三文魚的鹹香與牛油果的 creamy 口感相得益彰。沙律加入新鮮的蔬菜，增添了脆口的口感和豐富的色彩。搭配輕盈的沙律醬，味道清爽又不油膩，好正嘅開胃菜，好舒適。2. 芝麻雞翼外皮金黃酥脆，肉質鮮嫩多汁，芝麻的香氣和醬汁的味道完美融合。濃郁的香氣，搭配一些酸甜的醬汁，味道更加豐富。在口感上有著層次感。3. 經典全日早餐經典全日早餐搭配好飽滿與滿足。煎蛋的蛋黃流心可口，培根酥脆，香腸多汁，搭配香濃的烤蕃茄和香煎豆類，吃完充滿能量。4. 甲羅燒蟹肉明太子意粉蟹肉的鮮甜與明太子的獨特風味，意粉的口感滑順，配上濃郁的醬汁，好正。甲羅的香氣更增添了層次感，好感受到海鮮的鮮美與意大利的風味交融，色相和味道都相當驚艷。5. 香橙冰茶、青桔仔氣泡特飲好啱搭配豐盛的餐點。香橙冰茶清新爽口，帶有橙子的香甜，好感覺清涼；青桔仔氣泡特飲則有著獨特的氣泡感，酸甜適中，能夠提升愉悅感。飲品好解渴。二人套餐的選擇非常多樣，滿足了不同口味的需求，在視覺和味覺上都帶來了豐富的享受。…查看更多

環境：懷舊復古風，入面係好似課室咁嘅枱凳，坐得唔係咁舒服。但都算乾淨企理，座位貼咗牆紙嘅地方有啲甩甩地。食物：賣相同味道都好一般。叫咗：煙三文魚牛油果沙律一上枱，非常細碟，$98呢個價錢真係好唔抵。芝麻雞翼呢碟係最好食，同埋賣相最好嘅，但係水準都只不過係正常水平。龍蝦汁鮑魚燉飯個飯味道好差，冇乜龍蝦味。不過個鮑魚就幾入味。黑松露菌意粉冇乜黑松露味，意粉唔掛汁。叫咗三杯茶飲，賣相好普通，如果用正價$40飲，真係會覺得好唔抵。雖然跟餐半價，都唔覺得好抵。性價比：低服務：正正常常，侍應唔係特別有禮貌，又唔係冇禮貌。不過坐咗好耐都冇人俾水，要自己去問人拎。食完之後去睇Google comment，有人話呢度又貴，又油，又唔好食。真係會心微笑左一下🫠。不過見到隔離枱食burger同甜品，賣相好似好啲，唔知係咪呢啲會好食啲，雖然我見隔離枱都食唔晒。🤪🤪…查看更多

eee最鍾意同朋友捐窿捐罅搵工業大廈嘅美食上個月就同朋友嚟咗呢間喺觀塘都開咗一排嘅cafe坐低見到Menu有好多選擇！咁啱我哋兩個人就叫咗份二人套餐😙沙律小食同埋甜品各揀一份 主食同埋飲品就揀兩份沙律方面我哋嗌咗時令蔬菜沙律小食就嗌咗台灣炸物經典甜不辣+地瓜球兩款都炸到金黃色 口感煙煙韌韌好正😈😈主食嗌咗冬陰功海鮮意粉(+$30)同埋甲羅燒蟹肉明太子意粉 (+$40)～絕對係物有所值😎好鍾意個海鮮意粉保留咗大量湯汁 酸甜帶微辣嘅冬陰功湯底好開胃🍝原隻蟹殼盛著一大督蟹膏粒粒明太子完美咁包裹著每條扁意粉 配搭蟹膏鹹鮮味爆燈💡到我哋今餐重點嘅甜品啦～ 嗌咗焦糖燉蛋焙茶冰 (+$68)🍧造型絕對攞滿分 肥嘟嘟嘅焙茶刨冰上面放咗一層好厚好厚嘅焦糖燉蛋 食香味都俱全焙茶刨冰茶味同奶香味都配合得恰到好處配埋燒焦程度啱啱好嘅焦糖燉蛋都唔會太甜膩👍🏻👍🏻…查看更多