悅滿軒

今日mami既生日，特登幫佢book左食法國嘢，呢間之前已經聽過評價好唔錯～活化建築入面既餐廳果然好有情調，裝修以藍白色做基調，好特別係地板係充滿香港色彩既磁磚，有種中西融和既感覺🪔食物方面，雖然價錢唔貴，但質素相當高❣️🇫🇷烤西班牙八爪魚腳配蘋果沙律，哈里薩汁烤八爪魚超級推薦！好大隻肉質飽滿同時好嫩好易切易咬，蘋果沙律同醬汁好清新，整個組合非常特別！🇫🇷法式粟米濃湯配北海道刺生帶子，法國魚子醬法國菜必不可少當然係儀式感，呢個菜侍應會即場幫手倒湯落帶子度，擺盤優美！帶子刺身同魚子醬既融合鮮味十足，但我更欣賞粟米濃湯，濃稠得黎食到果蓉！🇫🇷蟹肉扭指麵配蟹膏蛋黄忌廉汁扭指麵都係第一次食，口感軟糯好特別！成個麵蟹味十足，有好多蟹肉，充滿奶香！🇫🇷香煎大西洋黑鱈魚配海鮮，蟹肉昆布汁呢個海鮮盤則非常新鮮，有好多海鮮，有大蝦、青口、蜆等等。海鮮泡絕對係加分位，口感特別之餘令海鮮增加左風味！