麺屋こころ (軒尼詩道)

營業中

休息中

有冇人同我一樣，就算飛到去日本，同朋友一齊去食拉麵，入到舖頭坐低有時最後都會嗌撈麵🫢作為一個鍾意食撈麵嘅人，今次試吓呢間日本過江龍 東京人氣撈麵店！╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ 店員上菜時會耐心講解，等客人知道幾時要落咩調味🙌🏻▶ ∗︎*ﾟ明太子忌廉撈麵因為同行友人唔食生蛋黃，變咗我有Double蛋黃🫶🏻明太子醬充夠，配料都唔少，搭配得非常不錯，唔會互相搶風頭。明太子同忌廉撈埋之後好creamy😋麵質屬粗身，好斷口帶少少煙靭，讚！味道算清新，食晒成碗都唔會覺得口渴。▶ ∗︎*ﾟ正宗正料東京撈麵配料十分澎湃！重點五花肉肥美得嚟唔會有騷味🍖呢碗相對上比較重口味，如果成碗就咁食可能會有啲膩🤏🏻不過搭配唔同嘅調味，可以增添風味同埋減少油膩感，個人覺得加黑椒最香最好食。食到最後記得留返少少汁，可以叫店員俾一小啖白飯撈飯，辣肉醬配白飯係成餐最後畫龍點睛嘅一筆✨份量比較細，男生可能未必飽！╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ 有時想食日本嘢 又唔想食拉麵同沾麵 可以試吓呢間日本正宗撈麵🥢係不一樣的味道和體驗😋