影片
更多
2023-04-29
39 瀏覽
上星期食完拉麵心思思，又搵埋個拉麵痴朋友再去食埋同系呢間東京連續五年獲得米芝蓮一星嘅拉麵😆必點牡蠣鹽味拉麵，湯底用上豬骨清湯、魚清湯、蠔湯製成，入口香甜帶有鮮味，湯底望落清澈但入口味道濃郁，仲加埋自家蠔醬同鮮蠔油，複雜又有層次嘅味道！低溫叉燒軟熟唔肥膩，拉麵夠晒彈牙！好奇白松露油厚燒牛舌當係咩味道，又點嚟試吓。預咗份量唔會太大，但可能有厚燒牛舌加埋松露油，對平時夜晚少飯嘅我嚟講，加埋小食都好足夠。白松露油同生雞蛋混和每啖米飯之中，入口香氣四溢！厚燒牛舌燒得香口唔會韌，仲幾有𡁻口，真心唔錯！再點牡蠣一口飯，呢度揀選用嘅紫菜唔會容易變軟，放咗一陣入口都仲係脆卜卜！醬漬牡蠣咸中帶甜，認真滋味！牡蠣野菜天婦羅兩隻都漲卜卜，香脆外層內係鮮甜多汁嘅蠔肉！野菜分別有南瓜、粟米同秋葵，點鹽吊味更好吃！第一次試黃金牡蠣煎餃，餃皮夠薄又帶點煙韌，蠔味非常突出，個人覺得唔點醬油已經夠晒味！加杯冰涼又清甜嘅白桃焙茶，完結充滿鮮味又滿足嘅一餐！
必點牡蠣鹽味拉麵，湯底用上豬骨清湯、魚清湯、蠔湯製成，入口香甜帶有鮮味，湯底望落清澈但入口味道濃郁，仲加埋自家蠔醬同鮮蠔油，複雜又有層次嘅味道！低溫叉燒軟熟唔肥膩，拉麵夠晒彈牙！
好奇白松露油厚燒牛舌當係咩味道，又點嚟試吓。預咗份量唔會太大，但可能有厚燒牛舌加埋松露油，對平時夜晚少飯嘅我嚟講，加埋小食都好足夠。白松露油同生雞蛋混和每啖米飯之中，入口香氣四溢！厚燒牛舌燒得香口唔會韌，仲幾有𡁻口，真心唔錯！
再點牡蠣一口飯，呢度揀選用嘅紫菜唔會容易變軟，放咗一陣入口都仲係脆卜卜！醬漬牡蠣咸中帶甜，認真滋味！
牡蠣野菜天婦羅兩隻都漲卜卜，香脆外層內係鮮甜多汁嘅蠔肉！野菜分別有南瓜、粟米同秋葵，點鹽吊味更好吃！
第一次試黃金牡蠣煎餃，餃皮夠薄又帶點煙韌，蠔味非常突出，個人覺得唔點醬油已經夠晒味！
加杯冰涼又清甜嘅白桃焙茶，完結充滿鮮味又滿足嘅一餐！
張貼
