影片
更多
2022-09-24
1054 瀏覽
見openrice有咁多好評，再加上book枱有85折，今日一於午餐黎試吓佢嘅酸菜魚。我地11:30 就已經到，食個early lunch。間鋪面積好細，只係得10幾張枱，而且枱與枱之間都幾貼近，幸好剛開鋪冇乜人，唔算坐得逼夾。入座時職員已經表明因為用左85折優惠，所以只限現金付款，咁嘅規矩真係第一次聽，有啲O咀，以為自己去左大排檔只收現金…今時今日去餐廳真係好耐未用過cash，好在咁啱有cash響身，否則都幾尷尬。入座之後，唔好話茶，連水都冇的。好明顯佢係迫你叫酒水可以做多啲生意。順帶一提，啲間餐廳係收加一服務費的，其實供應清水/茶係基本服務…因為85折只收現金，冇水供應，啲啲細微嘅地方都顯示出個老闆係幾咁少家。為左慳果信用卡/電子支付果2%嘅費用，要個客俾現金，會唔會太cheap？我哋係為咗酸菜魚而來，再加上只限「現金」，我哋都刻意唔叫其他嘢了。必食冷鍋酸菜魚 $218 👍🏻👍🏻👍🏻簡單講，一啲都唔覺得係必食，只係好一般。唔係難食，但味道平平無奇，同「必食」係仲有段距離。首先，沒有其他店嘅酸菜魚有香氣撲鼻嘅感覺（反而隔離枱叫香鍋就香好多）。佢用左鑄鐵鍋來盛載，好處係保温較好，食到後
間鋪面積好細，只係得10幾張枱，而且枱與枱之間都幾貼近，幸好剛開鋪冇乜人，唔算坐得逼夾。入座時職員已經表明因為用左85折優惠，所以只限現金付款，咁嘅規矩真係第一次聽，有啲O咀，以為自己去左大排檔只收現金…今時今日去餐廳真係好耐未用過cash，好在咁啱有cash響身，否則都幾尷尬。
入座之後，唔好話茶，連水都冇的。好明顯佢係迫你叫酒水可以做多啲生意。順帶一提，啲間餐廳係收加一服務費的，其實供應清水/茶係基本服務…
因為85折只收現金，冇水供應，啲啲細微嘅地方都顯示出個老闆係幾咁少家。為左慳果信用卡/電子支付果2%嘅費用，要個客俾現金，會唔會太cheap？
我哋係為咗酸菜魚而來，再加上只限「現金」，我哋都刻意唔叫其他嘢了。
必食冷鍋酸菜魚 $218 👍🏻👍🏻👍🏻
簡單講，一啲都唔覺得係必食，只係好一般。唔係難食，但味道平平無奇，同「必食」係仲有段距離。
必食冷鍋酸菜魚
$218
34 瀏覽
0 讚好
0 留言
首先，沒有其他店嘅酸菜魚有香氣撲鼻嘅感覺（反而隔離枱叫香鍋就香好多）。佢用左鑄鐵鍋來盛載，好處係保温較好，食到後尾都仲熱，啲樣值得一讚。鍋的size不算大，但夠深所以份量都十足。
魚份量都幾多，夠滑啖啖肉，但可惜冇乜魚味，原因係食材本身，與烹調方法無關。一般酸菜魚都會用鱸魚/桂花魚，魚味濃，有鮮味；但啲間店用左較廉價嘅生魚，相對味道淡好多，純粹食佢嘅啖啖肉。
話明酸菜魚，酸菜當然一樣咁重要，但好可惜全個鍋都揾唔倒有幾多酸菜，反而芽菜就勁多。酸菜太少，所以酸菜味道亦都好薄弱。個鍋仲有其他配料例如萵筍、少量寬粉等。
另外個鍋有好大層油響表面，而啲油係唔香嘅，未能夠提升酸菜魚嘅味道。反之，令到成件事油膩左，不停要用紙巾抹咀。
個湯都幾甜幾好飲，但唔係酸菜魚嘅味道，而係魚湯嘅味道。
總括而言，佢應該叫生魚片鍋而唔係酸菜魚。如果你唔知咩叫「必食」嘅酸菜魚，淨係想食啖啖肉嘅魚片，啲道菜係可以滿足你。但如果你想食正宗酸菜魚，建議你去其他店（例如廚十三嘅老壇酸菜魚、十二味嘅人見人愛酸菜魚，都比較出色好多。
P.S. 好明顯老闆好積極地邀請blogger寫食評。
食物：❇️❇️❇️
環境：❇️❇️❇️
服務：❇️❇️
價錢：❇️❇️❇️
翻兜指數：❇️
張貼
