捌壹壹 (奶路臣街)

夜收工最啱出旺角搵食，同朋友想食香口野，揀左依間川菜叫咗個二人餐，套餐包埋白飯兩碗、飲品兩杯，另仲加多左碟餸，食到捧住個肚走麻辣雜錦香鍋揀咗小辣，鍋中材料已有午餐肉、肥腸、大蝦、薯仔條、四季豆同椰菜花，一上枱已經聞到強烈孜然味同辣味香噴噴，未食都感覺到鑊氣十足。食開小辣嘅我估唔到辣得咁刺激，麻香得嚟唔會嗆喉，大蝦算幾彈牙，麻辣味完全入哂味，肥腸適中又帶脆口，午餐肉煎到微焦好香口，估唔到連雜菜薯仔條都軟冧適中，索晒啲麻辣汁，四季豆同椰菜花爽脆，平衡返油膩感，好食到停唔到口!四川小吃揀左煙燻臘腸，薄切一片片，煙燻味好突出，咬落甘香，幾啱送酒食涼菜揀左香油海蜇，海蜇絲口感爽脆清甜，簡單用香油同醋拌勻，清淡之中帶點辣味，可以一邊食香鍋再食海蜇清清味蕾另外加左碟蒜心炒豬頸肉，豬頸肉切得薄身，炒得好香口，帶少少焦邊，肉質爽彈，蒜心嫩得黎無渣，非常爽脆，整碟都好夠鑊氣，油潤得嚟唔膩，好有家常小炒嘅味道二人餐本身包左甜品，我哋揀左黑糖糍粑，即叫即炸，上枱熱辣辣! 外皮炸到金黃酥脆，內裏軟糯煙韌，面頭淋左濃郁黑糖漿同撒左黃豆粉，甜而不膩，好鍾意!飲品只有烏龍茶同可樂選擇，我哋叫左各一，食住香鍋唔覺唔覺都飲哂黎解辣埋單後先發現用 Shopback 比錢，下次再嚟就可以有 10% 回饋整體而言呢個二人餐好豐富，唔洗三百蚊有齊香鍋、小食、涼菜、甜品同飲品，兩個人食一定夠同勁飽。香鍋辣度可以自由選擇，特別大讚個香鍋料足鑊氣夠，個辣係好食到停唔到口，下次再encore🩷…查看更多

主打正宗川菜的餐廳，環境現代簡約，開放式廚房增添用餐趣味，適合朋友聚會或辣食愛好者。🈺空間稍窄，旺時略擠，但服務快捷，店員態度親切，氛圍熱鬧。😊🐟 冷鍋酸菜魚（約HK$238）｜出色惹味招牌冷鍋酸菜魚賣相誘人，湯底酸辣撲鼻，魚片厚實無骨，入口嫩滑鮮甜，令人驚艷。😋自家製老壇酸菜爽脆開胃，酸度與小辣完美平衡，配料豐富，包括金針菇、萵筍、芽菜及水晶寬粉，寬粉吸滿湯汁，煙韌可口。份量足，適合2-3人分享，可加湯轉打邊爐，增添樂趣。🌟惟湯底偶爾略鹹，建議要求調整濃度。🥗 麻辣脆耳（約HK$68）｜香辣開胃麻辣脆耳以豬耳為主，切片厚薄適中，入口爽脆，辣汁惹味，帶芝麻香與微酸，開胃一流。😍搭配青瓜絲增添清新感，惟豬耳入味稍淺，與酸菜魚相比略遜，但整體仍令人滿足。🦪 燒蠔（約HK$30/隻）｜新鮮濃香燒蠔新鮮肥美，烤至金黃微焦，蒜蓉與醬汁滲透蠔肉，入口鮮甜多汁，帶濃郁海味。🍋惟份量偏少，單隻售價略高，性價比稍遜。建議多人點選分享，搭配檸檬汁更清爽。😋🏙️ 環境與性價比餐廳地點便利，旺角核心，適合打卡，惟座位密集，私隱稍欠。📍人均約HK$150-250，酸菜魚出色，食材新鮮，性價比不俗。捌壹壹以正宗川味與豐富配料，帶來視覺與味覺享受，值得一試！🌟…查看更多

今次我約左朋友係麥花臣球場踢波，踢之前就順便約埋約個一齊食個飯先踢，球場隔離就有呢間川菜餐廳，夠曬方便，同埋有人食過話好食就揀左黎呢度啦😆呢間餐廳除左川菜仲有烤魚食，食完之後打邊爐慢慢嘆都得，不過我地飯完要去踢波就叫餸食飯😗必食酸菜魚（例）（$238）酸菜魚既例牌都夠曬4個人食，唔夠食可以揀加大，佢入面仲有大量娃娃菜，有寬粉，萵筍，齊曬料，魚肉正常水準，都算滑，味道我地揀左小辣，岩岩好，個湯撈飯食一流🐟辣子雞（$118）呢個辣子雞份量都唔少，有d辣子雞係成盤都辣椒，呢碟都係多辣椒，但係仍然有番咁上下既雞粒食到，佢炸得好正，係達到酥脆咁樣🐥小炒黃牛肉（$98）小炒黃牛肉炒得好惹味，牛肉唔韌，辣度雖然揀小辣，但就覺得相對勁左少少，可能BB辣會比較好🐮干煸四季豆（$88）川菜我都鐘意叫干煸四季豆，比較唔辣既菜式，個肉碎既咸香先係精髓，呢度都做得好食🫛呢間川菜餐廳既水準都幾好，餸菜可以揀辣度，適合d食得冇咁辣既人食，最正就係個辣子雞，比較足料同埋炸得靚，下次踢波又可以黎食多次✌🏻…查看更多

在麥花臣睇完表演，就在對面見到這間充滿川味特色餐廳。二人餐價錢亦算合理就和老公試一試。【青花椒鮮魚片】以鮮嫩的魚片為主角，搭配青花椒的麻香與微酸，湯底鮮美濃郁，配菜有萵筍、娃娃菜、寬粉和金菇，雖然少辣亦很辣，但讓人忍不住一口接一口。【炸牛丸】外酥內彈，牛肉的鮮味突出，多汁又彈牙，搭配酸辣醬食用更添風味。【酸辣炒土豆絲】酸辣適中，土豆絲炒得剛好爽口，【黑糖糍粑】糯米糍粑外層煎得微脆，內裡軟糯，搭配濃郁的黑糖醬汁，是飽滿好吃的甜品。【肉沬茄子】茄子吸收了肉沬的鹹香與醬料的豐富層次，口感軟滑，卻不失鮮香。【麻辣牛𦟌】以其獨特的麻辣滋味作為壓軸，牛𦟌炖煮得軟爛入味。…查看更多

星期日喺The Forest行完街之後想食辣嘢，於是就係附近見到呢一間川菜，入面都幾多選擇，又唔少客人都食緊酸菜魚，我哋就揀咗麻辣香鍋個雜錦麻辣香鍋叫咗小辣，辣度對於香港人嚟講都比較辣，怕辣但又想試嘅可以叫BB辣。鍋料好足，包括大蝦、豬腸、炸午餐肉、魷魚鬚、豆角、花椰菜，另外加咗金菇，金菇索晒啲麻辣汁，好入味，佢啲香料炒得好香，食落好過癮。蝦辣得來又有蝦味，午餐肉索埋辣汁就比較邪惡湘西外婆菜炒蛋幾有鑊氣，乾菜鹹鹹香香，同蛋一齊食好送飯，係一道幾有風味嘅家常小炒，喺餐廳都比較少見嘅菜式涼拌魚皮口感爽脆彈牙，調味做得幾好，好自然咁帶出麻香，唔會太鹹，而且份量都好多香酥花枝丸炸得夠香，外皮金黃，咬落去裡面仲保持到彈性，點少少酸辣醬食更加惹味…查看更多