影片
更多
2024-07-12
178 瀏覽
呢個商場成為咗寵物界嘅福地，所以我今日都專登嚟視察下環境，週末就帶狗仔過嚟行街！呢間木系嘅舖頭，俾人感覺乾淨俐落，食物質素亦都相當唔錯✨廣島蠔松露紫菜忌廉汁手工意粉一上枱已經盡是海鮮嘅香氣，醬汁濃郁質地夠濃稠，松露同紫菜嘅香氣亦都為整個帶嚟調味嘅點綴，手工意粉口感適中，外型似拉麵，特別要讚佢嘅廣島蠔相當飽滿，食落都有七至八粒，夠晒份量之餘亦都冇任何嘅雪藏味！✨香草紐西蘭羊架伴炒野菜炭燒嘅氣味非常香濃，紐西蘭羊架嘅熟成度拿捏準確，咬落去夠晒肉汁，不肥不膩，酥味唔重，伴隨嘅有炒野菜同埋烤薯仔🥔絕對係最好嘅配搭。由於兩份都係Dinner Set，會跟配湯或者沙律，當日時令餐湯為蕃茄忌廉湯，味道絕對唔係罐頭湯，飲落去偏酸，但係特別開胃，再加上兩粒巨型麵包糠，賣相幾靚仔。✨Grapefruit Coffee Tonic飲落去真係有透心涼嘅感覺，當咖啡遇上梳打，少咗嗰份提神嘅咖啡因感覺，反而喺炎炎夏日之中帶來點清爽同清新，而且跟餐仲要平啲，抵！✨Uji Matcha Coconut float 絕對係值得私心叫黎打卡，底部有椰子水，面頭被一層非常厚身又濃郁嘅抹茶包圍，飲起上嚟口感豐富✨宇治抹茶蛋糕
呢間木系嘅舖頭，俾人感覺乾淨俐落，食物質素亦都相當唔錯
✨廣島蠔松露紫菜忌廉汁手工意粉
一上枱已經盡是海鮮嘅香氣，醬汁濃郁質地夠濃稠，松露同紫菜嘅香氣亦都為整個帶嚟調味嘅點綴，手工意粉口感適中，外型似拉麵，特別要讚佢嘅廣島蠔相當飽滿，食落都有七至八粒，夠晒份量之餘亦都冇任何嘅雪藏味！
✨香草紐西蘭羊架伴炒野菜
炭燒嘅氣味非常香濃，紐西蘭羊架嘅熟成度拿捏準確，咬落去夠晒肉汁，不肥不膩，酥味唔重，伴隨嘅有炒野菜同埋烤薯仔🥔
絕對係最好嘅配搭。
由於兩份都係Dinner Set，會跟配湯或者沙律，當日時令餐湯為蕃茄忌廉湯，味道絕對唔係罐頭湯，飲落去偏酸，但係特別開胃，再加上兩粒巨型麵包糠，賣相幾靚仔。
✨Grapefruit Coffee Tonic
飲落去真係有透心涼嘅感覺，當咖啡遇上梳打，少咗嗰份提神嘅咖啡因感覺，反而喺炎炎夏日之中帶來點清爽同清新，而且跟餐仲要平啲，抵！
✨Uji Matcha Coconut float
絕對係值得私心叫黎打卡，底部有椰子水，面頭被一層非常厚身又濃郁嘅抹茶包圍，飲起上嚟口感豐富
✨宇治抹茶蛋糕配日本紅豆
造型超級靚，裏面嘅層次亦都做得相當出色。抹茶並無帶黎苦澀，反而入口即溶嘅口感，令人一試難忘，粒粒日本紅豆清甜，底部亦襯上一個曲奇底。
張貼
