影片
以上資料只供參考, 請與餐廳確認詳情
-
網上訂座服務暫停
係啟德行完街之後去咗一間文青餐廳，月球燈裝飾吸晴，環境寬敞，享受美食之餘，仲可以買特色杯碟，店内用餐氣氛溫馨，令人放鬆。是日餐湯蕃茄忌廉湯入口香滑，酸甜適中，口感細膩。紫菜芝士炸甜蕃薯條伴松露醬甜蕃薯條外層酥脆，內裡軟糯，甜味自然可口。紫菜和芝士搭配增加鹹香味，松露醬香氣增添一絲奢華感。櫻花蝦香蔥玉子鰻魚薄餅薄餅餅底烤得香脆，脆搭配特別，鰻魚鮮美，玉子滑嫩，櫻花蝦和香蔥增添微妙鹹香和清新。澳洲 100 天穀飼黑毛安格斯牛肉眼（9oz）最鍾意食牛嘅一定要叫，生熟度揀咗medium，肉質細膩軟腍，伴碟煙肉酸忌廉焗薯濃郁且有層次。玫瑰朱古力蛋糕配士多啤梨果醬、麻糬及杏仁金寶脆脆紅色磨菇造型吸睛，朱古力蛋糕帶有淡淡玫瑰香氣，麻糬Q彈，士多啤梨果醬酸甜，口感清新，味覺和視覺雙重享受。(Hot) Mocha 65% Dark Cocoa摩卡咖啡用左65%黑朱古力，入口感受到濃厚朱古力與咖啡香氣，拉花精緻。(Iced) 65% Chocolate朱古力味濃郁，甜度剛剛好。
繼續閱讀
約了小朋友交談，簡約格調的餐廳最為合適，地方寧靜之餘，氣氛也十分輕鬆。餐廳的出入口處有個小花檔，發現一種七彩蝴蝶蘭花，色彩斑斕得非常不真實。之前在此吃過幾次午餐，味道不錯，而且還有一些菜品未及嚐試。忌廉洋蔥湯是幾款吃過的餐湯中最美味的，洋蔥甜味濃郁兼香滑，濃湯熱烘烘上桌，特別暖心。這裡的全日早餐不時會轉換食材，比較喜歡上次有菠菜餅的組合，精製肉類也比今次少一點，儘管如此小朋友依然吃得津津有味。生薑醬燒豬仔骨是這裡吃過最美味的菜品，豬仔骨用的是一字排，經過燒焗的豬仔骨肉質爽脆帶油香，甜甜的生薑醬也為豬仔骨添上一份日式風味。凍朱古力是我家衆多小朋友的愛品，因為朱古力味與奶味平衡得很好。餐廳的飲品款式眾多，但最愛依然是一杯清香的綠茶。
繼續閱讀
餐廳寬敞開揚，空間夠大，採用木系裝潢既Cafe，環境夠哂高級舒適，中間仲有個巨大月球打卡位。📎醬油南非鮑魚鮮蟹肉蘆筍蟹籽蟹黃醬手工意粉：見佢寫住每日限量供應所以叫黎試，好有驚喜，每啖意粉都充滿濃濃既醬，雖然唔係好食到蟹黃醬既味道，但食落好重奶油味。醬油鮑魚都煮得入味，食落唔會韌。📎澳洲M5和牛安格斯牛肉眼8oz伴炒野菜山葵幼滑薯蓉：可以自選幾多成熟，揀左7熟，上枱見就應該唔止7成🤣但好在肉質都仲係好嫩，同埋有好香濃既牛味。📎三色芝士烤大啡菇紅菜頭意大利飯：賣相顏色好搶眼，成個飯係紅菜頭色🤣意大利飯質地本身就偏硬身，但煮得夠濃稠creamy，加埋紅菜頭本身既清甜，食落又幾特別。📎Delish Tiramisu意大利芝士蛋糕：士多啤梨盆栽造型非常可愛，好適合打卡影相。味道都唔錯，香濃既咖啡味，個cream夠軟夠滑，同埋唔會太甜。
繼續閱讀
週末專登嚟Airside行下商場打發時間順便睇吓附近嘅餐廳有冇好嘢食最終俾個月球吸引咗入去😂大大個月球掛飾的確好吸睛好多人都專登打卡影相餐廳範圍好大好多枱由於比較早食，當時唔算好多人所以唔駛等位直接可以入座地方好乾淨闊落，枱與枱有足夠空間坐得都好舒服唔會有壓迫感食物唔錯，以貴價商場嚟講質素算高南瓜湯南瓜味唔夠比較淡，不過都幾滑安格斯漢堡拼蕃薯條🍔🍟漢堡肉厚爆汁都幾香，蕃薯條極乾身好脆，似焗非炸。黑毛豬鞍扒🥩肉香夠厚身，熟得嚟仲係好嫩滑唔韌
繼續閱讀
Weekday 如果咁嘅價錢食個晏，要限時90 分鐘，點解要去幫襯呢！本來想飲埋咖啡食埋蛋糕，但原來唔得，夠鐘已經幫你埋左單啦冇得再加，門口都係兩個人等啫，如果食buffet 或放題大家都明白有時限，西餐chill 嘅都要限時，呢個文化真係香港獨有
繼續閱讀