影片
更多
2023-11-17
1925 瀏覽
《喫茶ちょうぼ - 銅鑼灣》每到星期三，我就會捉埋個同事一齊去食下午茶再返屋企，銅鑼灣呢邊真係有好多特色嘅Cafe或者coffee shop，今次比較肚餓，所以就揀咗呢間咖啡廳食個 tea🤭唔覺意叫得太多嘢食添😝店舖環境好日系，成個餐廳都係以木元素為主，我哋兩個被安排坐喺窗邊，可以望住過海飲番杯咖啡都幾嘆㗎😉呢度好適合同朋友靜靜哋傾吓偈食嘢，餐廳嘅裝修都幾有情調，飲杯咖啡坐成個下晝都冇問題💁🏻♀️炸七味雞軟骨 $69同事十分為食，不停咁食呢個雞軟骨😂香口嘢配上日式他他醬的確係幾合拍，雞軟骨炸得又脆又大粒，一客份量都幾多👍🏻💁🏻♀️特大海老蛋包飯 $122我本來就幾鍾意食蛋包飯，佢就好似平時睇短片見到嗰啲日式蛋包飯咁個外皮好光滑，切開咗之後入面呈流心狀態，瀑布蛋漿包住醬油炒過嘅飯，上面再淋有日式咖喱🍛食落超惹味，再配埋兩隻炸到脆卜卜嘅特大天婦羅炸蝦🍤份量十足，兩個人食都唔過份😉睇得又好食💁🏻♀️牛肉芝士漢堡 $105本來諗住一人一個定食，點知淨係個飯都好大份，牛肉漢堡入面個扒勁厚身🍔肉汁豐富又彈牙，個麵包仲用牛油煎香過，漢堡包入邊有蕃茄、生菜、芝士等食材，而個漢堡仲有配埋沙律菜同埋炸薯條
每到星期三，我就會捉埋個同事一齊去食下午茶再返屋企，銅鑼灣呢邊真係有好多特色嘅Cafe或者coffee shop，今次比較肚餓，所以就揀咗呢間咖啡廳食個 tea🤭唔覺意叫得太多嘢食添😝店舖環境好日系，成個餐廳都係以木元素為主，我哋兩個被安排坐喺窗邊，可以望住過海飲番杯咖啡都幾嘆㗎😉呢度好適合同朋友靜靜哋傾吓偈食嘢，餐廳嘅裝修都幾有情調，飲杯咖啡坐成個下晝都冇問題
💁🏻♀️炸七味雞軟骨 $69
同事十分為食，不停咁食呢個雞軟骨😂香口嘢配上日式他他醬的確係幾合拍，雞軟骨炸得又脆又大粒，一客份量都幾多👍🏻
💁🏻♀️特大海老蛋包飯 $122
我本來就幾鍾意食蛋包飯，佢就好似平時睇短片見到嗰啲日式蛋包飯咁個外皮好光滑，切開咗之後入面呈流心狀態，瀑布蛋漿包住醬油炒過嘅飯，上面再淋有日式咖喱🍛食落超惹味，再配埋兩隻炸到脆卜卜嘅特大天婦羅炸蝦🍤份量十足，兩個人食都唔過份😉睇得又好食💁🏻♀️牛肉芝士漢堡 $105
本來諗住一人一個定食，點知淨係個飯都好大份，牛肉漢堡入面個扒勁厚身🍔肉汁豐富又彈牙，個麵包仲用牛油煎香過，漢堡包入邊有蕃茄、生菜、芝士等食材，而個漢堡仲有配埋沙律菜同埋炸薯條🍟成個定食超豐富😍鍾意食漢堡包的話，你一定會滿意💁🏻♀️南瓜芝士蛋糕 $49
甜品我地試左餐廳既新品，用上真．南瓜製作，中間既芝士蛋糕好幼滑，食到好creamy既南瓜蓉，最好既就係佢唔會太甜，食曬成件都唔會漏👍🏻
💁🏻♀️焙茶麻糬沙冰 $52*
同事對於日本茶好有興趣，平時同佢食嘢佢一係就揀抹茶，一係就焙茶，今次佢就要咗焙茶麻糬沙冰🍧焙茶嘅苦澀味同忌廉牛奶好合拍，同樣唔會太甜，飲得到佢嘅甘香，上面有舊煙煙韌韌嘅大麻糬，而飲品入邊都有啲曲奇碎，成杯飲品好有咬口，我同事都幾鍾意
💁🏻♀️紅豆牛乳 $38
而我呢杯紅豆牛乳味道偏甜，不過係甜喺紅豆度，攪勻咗之後其實幾好飲，鍾意飲紅豆冰的話你會鍾意呢杯飲品，紅豆蓉比得好足，基本上啖啖都係甜絲絲嘅紅豆😽
總括嚟講，呢間日式咖啡室都應該係我會再去嘅地方，當日見到下午茶時段唔算太多人，下次拎埋部電腦過嚟做嘢，邊嘆咖啡變做嘢都應該好唔錯，佢嘅價錢又唔算離地，名副其實有環境又有美食🥰
張貼
