影片
更多
2022-09-22
439 瀏覽
今日嚟到屯門，上返openrice睇我有無bookmark過屯門嘅餐廳，又真係有唯一一間而且又唔遠，所以就鎖定左木玥巷。餐廳12點開門，我12點0幾分到都已經見坐左幾枱客人，好快啲位都full晒，睇嚟都幾受歡迎。叫左個紅燒牛肉麵($65)，朝早食左野，又無特別野想飲，所以就單點算了。雖然menu寫係午市套餐，但注意飲品係要加錢的。上到枱都幾presentable，牛肉麵睇落好豐富，另外有一份配菜。牛肉麵有三大塊牛肉，數量好似好少，但每塊都好大舊，食落口鬆化，未到入口即溶，但唔韌，連埋牛肉少少肥膏，多左陣油香味。湯底好飲夠味，而且飲落無咩味精，我飲左差唔多大半碗但之後都無覺得口乾。我覺得麵煮得啱啱好，唔會覺得好稔，依然保持咬口。白蘿蔔本身自己唔夠鮮甜，但係啲湯汁已經入晒蘿蔔度，所以就算唔甜都好食。配菜其實應該淨係得最左邊嘅醃青瓜蓮藕係小菜，酸酸甜甜夠開胃。另外兩格嘅乾洋蔥碎同酸菜都係配麵食的，特別鍾意個酸菜，平時其他牛肉麵會將酸菜放埋落湯度，但而家分開上，酸菜伴麵一齊食時依然保持佢嘅酸味，令到主食有多一層層次。餐廳唔喺屯門市中心，如果真係入開嚟附近做野就不妨試試。=木玥巷//屯門井財街7
叫左個紅燒牛肉麵($65)，朝早食左野，又無特別野想飲，所以就單點算了。雖然menu寫係午市套餐，但注意飲品係要加錢的。
上到枱都幾presentable，牛肉麵睇落好豐富，另外有一份配菜。
牛肉麵有三大塊牛肉，數量好似好少，但每塊都好大舊，食落口鬆化，未到入口即溶，但唔韌，連埋牛肉少少肥膏，多左陣油香味。湯底好飲夠味，而且飲落無咩味精，我飲左差唔多大半碗但之後都無覺得口乾。我覺得麵煮得啱啱好，唔會覺得好稔，依然保持咬口。白蘿蔔本身自己唔夠鮮甜，但係啲湯汁已經入晒蘿蔔度，所以就算唔甜都好食。
配菜其實應該淨係得最左邊嘅醃青瓜蓮藕係小菜，酸酸甜甜夠開胃。另外兩格嘅乾洋蔥碎同酸菜都係配麵食的，特別鍾意個酸菜，平時其他牛肉麵會將酸菜放埋落湯度，但而家分開上，酸菜伴麵一齊食時依然保持佢嘅酸味，令到主食有多一層層次。餐廳唔喺屯門市中心，如果真係入開嚟附近做野就不妨試試。
=木玥巷//屯門井財街7號力生大廈地下4-5號舖//2818 8389=
張貼
