木玥巷

營業中

休息中

和家人吃晚飯，選了這間小店吃個台灣菜。店內燈光暖和，其中一邊窗設有卡位。白天可看到街上景色，尤愛坐在窗邊，呷一口台菜，看着匆匆路過的行人，感受一下街道不一樣的寧靜。晚上則可聽着店內的音樂，一邊用餐，又是另一種感覺。台灣黑糖薑茶，一大杯黑糖薑茶是我家人最愛。薑味足，黑糖微減薑味的辣，在冬日呷一口香熱的薑茶，頓時變得暖和。凍黑糖珍珠拿鐵，小珍珠量多，煙煙韌韌。黑糖量適中，不會過甜。吃一口便當，再喝一口香甜的珍珠拿鐵，沁人心脾。黃金脆皮奶卷(4件)，外層非常香熱鬆脆，內層是軟滑奶香。咬下一口，外層內軟，配一口珍珠拿鐵，讓人滿足。涼拌麻辣牛肚，微微麻辣，突出牛肚的鮮香爽口，拌白飯或米粉都甚佳。蟹肉明太子炒新竹米粉，必點食物。選用新竹米粉，比一般米粉更鬆軟，份量十足。加入蟹肉明太子炒，令米粉充分掛上蟹肉的鮮味和明太子的咸香。整碟米粉毫不覺有油味，感覺清新。紅燒牛三寶便當，便當配珍珠米飯、滷蛋、泡菜、肉鬆。整碟份量十足，牛三寶底下的珍珠米飯飯量多，珍珠米飯香軟，飯粒掛上肉汁。滷蛋入味，配上微辣泡菜和香郁肉鬆，拌飯吃能嚐到不同配菜的味道。牛三寶煮得軟腍，牛肚鮮香爽口、半透明狀牛筋入味，口感滑嫩、牛腱

最後一日去青山醫院實習😗同朋友嚟食依間屯門好出名嘅台灣菜12pm一開門就去，已經有兩三枱客有lunch menu，湯麵或飯小食、飲品另加錢▶️ 滷牛肉便當 ($84)賣相吸引🤩有三大塊厚切牛𦟌肉質勁軟腍似瘦版牛腩🥩中間好多彈牙啫喱位，入口即融算係香港食過數一數二嘅牛𦟌，大塊到足夠餸成個飯食而且滷得入味，甜甜地，令牛𦟌食落Juicy👍🏻另外有泡菜、肉鬆、半隻滷水蛋飯配肉鬆正！滷水蛋麻麻哋，唔夠入味，蛋黃過熟本身米飯質感有咬口🍚▶️ 紅燒牛三寶湯麵 ($86)個麵扁粗身，朋友話質感唔錯而且索湯試咗個湯底，偏甜唔油膩個人幾鍾意😋見佢落咗啲花椒八角牛三寶即係牛𦟌、牛肚、牛筋個牛筋軟腍腍，不過未去到爽彈▶️ 黯然銷魂安格斯滷拌麵 ($82)算係佢哋熱門菜式🔥甚少用安格斯牛做滷肉旁邊配咗青瓜、泡菜等朋友話味道OK，未去到話有驚喜略嫌醬油調味唔夠重▶️ 紅燒牛肉湯麵 ($84)▶️ 黃金脆皮奶卷 ($42)一客四條，並唔係中式炸鮮奶球大家食嘅時候小心熱，入面真係有牛奶忌廉-佢啲牛配料真係做得好出色🤤對個牛腱念念不忘，如果有得散買就好啦haha咁當然其他嘢都做得唔錯～服務幾好，自動幫我哋斟水，好醒目環境舒服，用

網友曾介紹過屯門新墟有間隱世台灣過江龍餐廳，今日經過去幫襯下。簡約裝修整潔舒適，服務員態度友善，入座後會介紹主打菜式給我們。我跟足他介紹啲菜去點菜，入坐後沒多久餐廳已經坐滿八成人客了！紅燒牛三寶湯麵$96轉鴨血湯底加$6再加辣大大碗又足料，賣相非常吸引，自家制手打麵有彈性。牛𦟌肉厚切好淋，牛肚蘿蔔入味。麻辣鴨血湯底，有少少醋酸湯頭好甜，一口接一口最後成碗湯飲晒。黯然銷魂安格斯滷肉飯$92一粒粒安格斯牛肉，跟拌飯一齊撈好香，加埋泡菜有少少辣味減低油膩感。再配上一隻太陽蛋，令到成碗飯更加有層次感。鹽酥雞$50必叫鹽酥雞，大大件外皮粉漿好薄，好香脆口。肉質嫩滑，配上柚子醋很清新。海苔肉鬆起司蛋餅$50古早蛋餅是台灣人早餐必選，口感豐富有海苔、肉鬆。外皮煎得鬆脆，雞蛋散發出蛋香，多重感覺味道更豐富。涼拌麻辣牛肚$48餐前小食必叫麻辣油牛肚，帶點輕麻辣香又入口爽脆。木玥招牌水果茶柚子底$32新鮮柚子肉打底，大大杯甜甜酸酸，生果新鮮解渴一流。

味道非常一般冇乜味個米粉係冇蟹肉 係少少都冇咁既質素收人$100 好唔好意思？建議大家呢個米粉真係可以pass真心完全唔建議大家去食好伏好伏好伏希望店主見到呢評價會改進下

沿住屯門河跑步過後，同朋友到#木玥巷 食個晚飯。內部裝修光鮮、坐得舒服。飯後同朋友一致認同，呢度服務唔錯，而且環境寧靜，食物水準一流。🌈黃金脆皮奶卷金黃色脆皮，中間卷香甜濃郁奶油，做開胃小食一流。🌈紅燒牛三寶便當超足料！牛三寶舖到碗面密密麻麻，牛𦟌入口軟淋，牛肚又爽口，牛筋煙韌，骨膠原滿滿😋，珍珠米Q彈有嚼口，仲有肉鬆同泡菜拌碟。🌈麻辣鴨血寬粉+滷蛋多件麻辣鴨血浮系寬粉上，鴨血唔算太辣，好脆口，灑上香草拌味。寬粉晶瑩剔透入口爽口。🌈翡翠檸檬愛玉整體唔會太甜，味道岩岩好，一路飲一路都食到愛玉，口感多重。🌈桂花花釀茶（HOT）🌈招牌糖水（寒天晶球 &黑糖珍珠）足二人份量，黑糖珍珠入口煙韌彈牙，配埋花奶，夏天食一流!!

*極度離譜嘅外賣體驗！食物差＋服務惡劣！永不幫襯！* 幫襯呢間餐廳好多年，一直支持佢哋嘅炒米粉，就算加價到$100+都照食，但今次真係嬲到爆！外賣返到屋企，打開見到碟炒米粉**濕到一pat嘢**，啲蛋碎到消失，菜又少又硬，完全唔係平時水準！ *打電話反映，換嚟嘅係店員瘋狂鬧客！* 我客氣咁講返個問題，點知對方*唔肯聽解釋**，仲要*大聲鬧我**，話： ·「**其他客都冇投訴，係你問題！**」 ·「**你心情唔好先覺得難食！**」 ·「**唔鍾意就以後唔好食！**」 我提議send相畀佢睇，佢哋**完全唔理**，繼續話我挑剔！ *店內服務一樣差！* 其實之前堂食都領教過，店員成日黑面、漏單、催人食完快走，今次外賣出事仲要咁惡死，**完全唔尊重客人**！ *俾錢仲要受氣？* 我係常客都咁對待，新客咪更加慘？**以後絕對唔會再幫襯*，亦勸大家小心，除非你想試吓「*比錢買難受**」嘅滋味！ （附圖為證，呢兜嘢值$100+？仲要畀人鬧？）

越嚟越難食，好失望。態度差！平時食開炒米粉，雖然價錢越嚟越貴，但我都仍然有幫襯，因為我真心鍾意食同埋炒得好。但今次炒得好難食，我諗唔係淨係得我一個咁講，外賣拎到返屋企，望到個樣同個味道完全同之前唔一樣，啲菜完全未熟，好似就咁放落去咁，炒雞蛋啲雞蛋完全睇唔到，啲明太子好似冇落過咁，打返電話落去講，到頭來又俾人鬧，話我心情唔好，所以先難食，冇諗過從一個老闆娘個口中講出呢句說話。唉，真心好失望，唔會再幫襯！大家諗清楚！

原本一路幫襯開，但係今次差到一點。平時食開新竹炒米粉，今次外賣返到屋企，啲米粉一pat pat，啲菜仲要未熟，打電話落去同佢哋講返，點知佢哋態度勁差，鬧翻我呢個顧客，仲話一路以嚟都係咁做，但係我係一路幫襯，由佢70幾蚊幫襯到而家百幾蚊，佢哋嘅態度話俾我聽，少咗我呢一個客人都得，仲覺得我係呃佢，成程電話都喺度鬧我，話我心情唔好，所以覺得唔好食，大家自己睇相對比下，我都係以事論事，但係得到呢個回報，就係俾佢鬧，好失望。

今晚黎到屯門行完又唔想係市中心食連鎖野，結果行遠啲黎到井財街呢邊搵野食，呢邊都有唔少非連鎖餐廳可以揀，結果就最後黎左呢間食。地方算ok ,只要唔係坐近廁所位置出面就ok.最後睇完點左雞扒便當，西柚水果茶。雞扒便當，都算唔錯。雞扒都算大塊而且炸得算趣口，熱辣辣，口感ok既。飯既口感又唔會太林，而且整體份量都會係食得飽。西柚水果茶，不過不失，算係大杯既不過略嫌水果唔夠多但整體都係ok可接受又唔係太甜。。。。總結。。。整體黎講不過不失，唔駛成日食開連鎖野。

人人都話屯門井財街一帶有好多隱藏美食，作為屯門人嘅我，都好耐無去呢區搵食，今日同太太去開附近，順便搵搵食，又真係搵到間喎，試下先環境：一間小店，環境恬靜，簡約風嘅裝修，坐落好舒服。服務：服務員係年輕小姐姐，好有禮貌，亦都有對食物作推介，令人滿意。食物：滷豬扒湯面，轉左鴨血湯底，先講佢個面先，帶微甜，彈牙，非常出色，豬扒好嫩口入味，滷水計味道啱啱好，唔會太重味，鴨血湯底又係好正，微辣對我嚟講啱啱好，又夠香，整體嚟講非常好👍👍👍木玥鹽酥雞，鹽酥雞非常香口，但一啲都唔油，味比較濃，配合佢嘅珍珠米飯，啱啱好👍👍👍大腸包小腸，即係糯米飯包住台灣腸，我覺得糯米飯淡左少少，點左甜酸醬就啱啱好。👍海苔肉鬆起司蛋卷，味道唔錯，海苔好夾啲起司，佢附帶嘅甜酸醬非常夾👍👍鐵觀音珍珠奶茶，珍珠Q彈，正常招牌糖水，呢個好得，唔食糖水嘅我，都覺得唔錯，唔會太甜，仲有2款配料揀，我唔太識評論糖水，但我下次會再食👍👍總結：臨走發現，外賣特色飲品，有半價喎😍人頭只需200，食有質量嘅台灣菜，我覺得幾好，值得再去😍

早排去完台灣之後又有啲掛住台灣美食, 所以今晚揀左呢間作晚餐 黯然銷魂安格斯滷肉飯 -滷肉係由安格斯牛肉造成的, 每一口都充滿着肉質嘅香味, 配埋流心蛋黃, 令滷肉飯更加好吃, 配菜有泡菜, 酸酸地, 中和返滷肉嘅鹹味  滷水雞翼湯麵配安格斯滷肉麵-雞翼炆得好腍, 而且好入味, 最重要個麵好好食, 彈牙得黎又掛湯！好適合我食紫薯起司蛋餅-呢款蛋餅煎到外脆內軟, 紫薯綿密的口感, 兩者味道真係好夾, 令整體味道提升咗一個層次紅糖流心糍粑-糍粑口感極佳, 外皮香脆, 裡面煙韌, 點上香甜味濃的紅糖漿, 真叫人回味無窮 珍珠奶茶-Q彈既珍珠配搭奶茶一流玫瑰蜜桃果茶-茶嘅味道甜甜地, 飲落去好fresh！茶底唔會太濃, 有玫瑰的清香

屯門虹橋真係好多美食，木玥巷都是其中一間必食之選，晚餐時段需要排隊，今日特登早少少來食🫶🏻必食推薦紅燒牛三寶手工面，牛三寶有厚切牛展、牛筋、牛肚；甘厚身既牛展 估唔到煮得咁軟腍，湯底以牛骨熬煮，配搭新鮮嘅蔬菜及蘿蔔，手工麵吸滿湯汁，彈牙入味，值得一試！ 櫻花蝦鰻魚炒飯色香味俱全，米飯炒得夠乾身粒粒分明，鰻魚肉質軟滑，配塔櫻花蝦的香氣，香味十足，食完一口接一口，正👍🏻台式炸物拼盤，即叫即炸，份量十足，有花枝丸、地瓜條、QQ地瓜球、甜不辣及雞翼，我最愛地瓜條，每條掛滿酸甜的梅粉，花枝丸和地瓜球好煙韌，非常Q彈；真係沒法抗拒的小食😍小聚必叫，飲埋杯珍珠奶茶🧋好大滿足感

夜晚七點，我同朋友入咗呢間餐廳，坐低冇耐就開始嗌嘢食。嗌咗兩樣招牌菜：滷肉飯同埋櫻花蝦炒飯。首先，份量正常。滷肉飯啲滷肉雖然份量OK，但食物之間沒有配合。櫻花蝦炒飯嘅賣相雖然幾吸引，但食落去都係得啲普通蝦味，冇驚喜。味道上唔算難食，最多畀個6/10分。另外，服務亦唔係幾好。我哋特登嗌咗兩杯水，但成餐飯食完都冇見到。但老實講，個人認為加一是有點魚。雖然如此，餐廳環境是一大優點。第一，燈光明亮之餘。第二，環境整潔，用餐舒服。綜合嚟講，味道份量普通、服務麻麻，性價比只能是不過不失，但勝在環境舒適。

唔知由幾時開始，台灣菜同文青風就好似有一種不可分割嘅關係。嚟到屯門嘅人氣台灣菜餐廳：木玥巷，由踏入餐廳嘅木材質感裝潢，定係精緻擺盤嘅台式料理，都充滿住一種獨特嘅生活美學，令食客們享受味道之餘，仲有一份濃厚嘅台式情調同氛圍。紅燒牛三寶拼盤拼盤份量十足，包括滷蛋、雞翼、牛腱、牛筋、牛肚。大大塊又厚切嘅牛腱肉，肉質軟腍，牛味香濃；牛筋嘅滷水味濃厚，而且骨膠原十足；牛肚入味，爽口Q彈質感。黯然銷魂安格斯滷肉飯台式滷肉飯通常都係以豬肉為主角，但木玥巷改用安格斯牛肉，肉味濃郁，牛脂芳香撲鼻，重點係唔會太油肥淋淋。配菜當中有流心太陽煎蛋同韓國泡菜，泡茶嘅微辣加上蛋黃滋潤過嘅白飯，真係越食越滋味。麻辣鴨血寛粉由台灣空運到港嘅鴨血已經贏咗一半，鴨血綿滑夠入味，至於寛粉厚度適中，索晒麻辣湯味，好惹味呀！

上星期與朋友去屯門食飯，這間餐廳台灣菜為主，不是很大，但簡約時尚，當晚都坐滿人容，人氣夠旺。台式三杯雞，醬汁甜濃厚，味道偏重，幾惹味，雞肉嫩滑，配料豐富，拌食或麵一齊食更正。台式菜脯蛋，煎蛋夾雜菜脯，很有口感，蛋煎得幾好，不會老，不會焦，幾好味。台式炸物拼盤，好大碟，種類算多，相當吸引，有炸雞翼、地瓜條、紫薯球、墨魚丸......各樣都好味，我特別喜歡炸花枝丸，外面微脆，裏面彈牙。地瓜條都好好味，香脆甘甜，有食唔停的感覺。蟹肉明太子炒新竹米粉，好大碟，夠份量，新竹米粉好味爽口，味道偏清淡，加些辣醬剛好，帶有淡淡的蟹肉鮮味。招牌糖水，賣相吸引，算好大碗，兩三個人食都夠，可自選果凍，咖啡凍幾正，Q彈爽口，愛玉都好滑，口感很好。