影片
更多
2023-08-11
351 瀏覽
餐廳有Omakase，又有居酒屋嘢食，例如刺身壽司、卷物、串燒、和食等等，仲有本地三黃雞冠、七里香(雞屁股) 和日本豬肚，啱晒追求特別部位嘅朋友仔。除咗嘢食，日本清酒類喺全港島區最多，多達40幾款，仲有超過20款果酒柚子梅酒。餐廳以簡約和式風格為主，裝修到令人覺得置身於京都木屋町小巷，除咗有80幾個位，仲有獨立廂房，逢星期五、六嚟，仲有live music!! 平日嚟都開到凌晨1點架，啱晒同一大堆朋友仔聚一聚🥳♥️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 一杯喜薯仔沙律 $78將日本新薯切粒，配上熟吞拿魚蓉，再微微加啲白松露油同灑上辛味粉，味道清新得嚟又唔違和，口感軟綿😌❥ 北海道馬糞海膽蝦片 $280/2海膽色澤橙黃，味道鮮甜，配搭酥脆蝦片，入口即溶，一齊食落口感細膩，加埋少少金箔作點綴，低調奢華✨❥ 煙燻禾草燒鯖魚 $268師傅現場用日本稻草將鯖魚先烤後燻，之後放入煙燻木箱用桃木煙燻熟，鯖魚魚皮焦香，肉質細嫩柔滑，食嘅時候，燻香香氣撲鼻☺️❥ 茶碗蒸 $58加入咗紫蘇葉嘅蒸蛋口感滑溜，蛋味濃郁得嚟帶有紫蘇嘅幽香，連小編呢個對紫蘇葉麻麻
除咗嘢食，日本清酒類喺全港島區最多，多達40幾款，仲有超過20款果酒柚子梅酒。
餐廳以簡約和式風格為主，裝修到令人覺得置身於京都木屋町小巷，除咗有80幾個位，仲有獨立廂房，逢星期五、六嚟，仲有live music!! 平日嚟都開到凌晨1點架，啱晒同一大堆朋友仔聚一聚🥳♥️
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
❥ 一杯喜薯仔沙律 $78
將日本新薯切粒，配上熟吞拿魚蓉，再微微加啲白松露油同灑上辛味粉，味道清新得嚟又唔違和，口感軟綿😌
❥ 北海道馬糞海膽蝦片 $280/2
海膽色澤橙黃，味道鮮甜，配搭酥脆蝦片，入口即溶，一齊食落口感細膩，加埋少少金箔作點綴，低調奢華✨
❥ 煙燻禾草燒鯖魚 $268
師傅現場用日本稻草將鯖魚先烤後燻，
之後放入煙燻木箱用桃木煙燻熟，鯖魚魚皮焦香，肉質細嫩柔滑，食嘅時候，燻香香氣撲鼻☺️
❥ 茶碗蒸 $58
加入咗紫蘇葉嘅蒸蛋口感滑溜，蛋味濃郁得嚟帶有紫蘇嘅幽香，連小編呢個對紫蘇葉麻麻嘅都覺得洽到好處，而且入面嘅配料都好多，有蟹柳、雞肉、冬菇等等😊
❥ 香箱蟹兩食 $198
一梳梳嘅蟹肉，仲有多到鋪滿整個蟹殼嘅蟹籽，蟹肉軟滑鮮甜又多汁，蟹膏甘香濃郁，就連壽司都鋪滿蟹肉蟹籽蟹膏，紫菜又爽脆，沾埋蟹籽熬煮成嘅蟹汁，味道又鮮又細膩🤤
❥ 半熟赤鯥配海膽魚眼晶體醬汁壽司 $98/1
呢件壽司所經歷嘅嘢，遠遠多於表面，赤鯥魚片先用昆布醃7個鐘，之後用低溫慢煮嘅方法煮到半生熟，最後用櫻花木烤表面，厚身軟嫩，配上由海膽同魚眼整成嘅特制醬汁，鮮味濃郁，而且充滿豐富骨膠原😋
❥ 紫蘇雞皮蝦卷 $68/1
香脆三黃雞皮包住紫蘇葉同彈牙海蝦，炸物嘅油膩感仲俾紫蘇葉嘅香氣取而代之，原來師傳師承南蠻亭第一代師傅，燒烤技術了得到，朋友仔連蝦尾都食埋😆
❥ 一肝入魂拼盤 $188/5
૪ 燒鵝肝
૪ 燒雞肝
૪ 燒牛肝
૪ 燒牛膏
૪ 燒羊膏
小編都喺第一次食咁多膏同肝，諗住會好肥膩架啦，點知食食下做佐酒小食一流，香濃醇厚
當中嘅燒燒鵝肝，口感好幼滑，好似食緊mousse
燒牛膏充滿濃郁牛油香氣，入口即溶🤓
❥ Chuai Sparkling Sake
有氣清酒又叫「清酒香檳」
呢款味道甜甜哋，易入口，有氣清爽嘅口感啱晒配合啲佐酒小食、串燒、燒物一齊食，解膩！
而且酒杯可以自己揀，款款都好靚🤩
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
張貼
