影片
港鐵天后站 A2 出口, 步行約4分鐘
繼續閱讀
電話號碼
66898581
開飯介紹
餐廳選用日本直送的新鮮海產，製作壽司、刺身等菜餚，配上清酒小酌一番也不錯；其裝潢糅合日式居酒屋及現代酒館風格，帶來不一樣的用餐體驗。
繼續閱讀
附加資料
場內設有房間（6-12人）
Live Band & DJ Show
營業時間
今日營業
12:00 - 15:00
17:30 - 23:00
星期一
12:00 - 15:00
17:30 - 23:00
星期二至六
12:00 - 15:00
17:30 - 01:30
星期日
12:00 - 15:00
17:30 - 23:00
以上資料只供參考, 請與餐廳確認詳情
有關獎賞計劃
自從疫情之後香港開得夜嘅餐廳真係買少見少，朋友話聽過天后有一間餐廳開到凌晨兩三點，食得晏少少都唔驚俾人趕走，就一於決定去一路食一路傾偈！去到日式餐廳，忍唔住都叫明太子同埋串燒試吓，我哋就叫咗明太子小龍蝦沙律，雞肝，柚子胡椒免治雞肉棒，墨魚香腸，紫蘇豚肉卷，同埋青椒仔做頭盤。明太子小龍蝦沙律，食得出小龍蝦係彈牙，唔會係霉嘅肉。用小小嘅沙律醬，將明太子同埋小龍蝦混合埋一齊，味道好夾同好清新，比起其他用蝦肉再配沙律菜嘅沙律，佢會一種濃郁嘅香味。佢嘅雞潤嚟到嘅時候買相好靚好光滑，面上面搽咗一浸嘅燒汁。個人咬落去係好粉，起沙，有黃砂潤嘅感覺。燒汁唔會好濃，唔會搶咗雞潤嘅味道。佢個墨魚香腸墨魚味好濃郁，有充分嘅油脂感，將墨魚嘅味道帶出嚟，提升咗個層次。店員話佢嘅柚子胡椒免治雞肉棒係自家製造，食落去嘅時候雞味好濃，淡淡柚子胡椒味令雞肉棒嘅口感唔會平淡。而佢嘅紫蘇豚肉卷亦都用咗新鮮嘅紫蘇葉去佢包埋一齊，紫蘇葉嘅香味可以幫助豚肉卷解油膩，夾埋一齊食都好正。而青椒仔就係日本嚟嘅青椒仔，燒到小小虎皮感覺，食落去嘅時候有回甘，好食！食咗啲前菜之後，我同朋友就開始嗌啲下酒小食，叫咗魔鬼魚翅乾，鐵板大蜆炒野菌同埋牛汁大根。佢嘅魔鬼魚翅乾同平時嘅雞泡魚乾好唔同，平時雞泡魚乾係偏甜，然之後咬落去係韌少少嘅質感，而佢嘅魔鬼魚翅係鬆脆，魚味較重。都係配上沙律醬去食，同雞泡魚乾唔同層次。牛汁大根有兩大塊白蘿蔔，配上一片牛肉仔。佢嘅白蘿蔔煮到好腍，好入味，筷子一夾就可以將佢分開幾份。嚟嘅時候上面有少少七味粉，令到蘿蔔更加惹味。而佢嘅鐵板大蜆炒野菌，亦都唔馬虎，都有成10隻八隻大蜆，菇嘅種類亦都唔少，有金菇，鴻喜菇等等。上枱嘅時候牛油味好重，食嘅時候有食到清酒嘅香味，再加上鐵板上渣渣聲，別有一番風味。最後同朋友叫咗個海膽炒飯做收尾，咁啱聽到隔籬枱食緊吞拿魚腦天，就忍唔住叫咗客試吓。原來吞拿魚腦天係吞拿魚額頭嘅部位，比較稀少，平時亦都較難喺其他餐廳食到。佢吞拿魚腦天上到嚟嘅時候有火炙過，所以魚嘅香味好重。而食落去嘅口感就係有啲再鬆軟啲嘅大拖羅，好香嘅油脂味，真係大開眼界。海膽炒飯海膽亦都勁大塊，佢個炒飯有少少蟹膏，炒到好香。飯粒粒分明唔會炒埋一舊見到舖頭係話用新潟米，感覺上好似再香啲！同朋友一路飲一路食，唔覺意都玩到成點幾，店內亦都仲有好多客人。整體嚟講用餐體驗10分唔錯，職員亦都好友善，雖然去到好晏，但係店內環境唔會10分嘈吵，可以傾到計。下次絕對可以回頭再食！
繼續閱讀
呢間好有氣氛嘅居酒屋位於天后，裝潢充滿日式風情，一坐底感覺好似置身喺日本環境寬敞，有吧枱、餐桌座位同埋室外座位選擇餐牌選擇勁多，小吃、壽司、刺身、串燒、鍋物都應有盡有❛ 深海池魚薄造 ($168)切到好薄，深海池魚自身味道唔算濃，可以自行點旁邊嘅大蔥醬油提味❛ 川海老唐揚 ($68)每粒蝦都炸至金黃酥脆感覺唔油膩微微嘅鹹香好似薯片咁，蝦味濃郁，好惹味食到唔停口❛ 蟹籽野菜沙律 ($88)大份 好豐富！沙律菜好新鮮，青瓜絲爽口開胃，仲有大量蟹籽同埋蟹柳肉❛ 一口壽喜和牛 ($78)和牛入口即融，加埋滑順嘅蛋液係完美配搭❛ 菠菜塔 ($48) 上層有蟹肉同埋三文魚籽 好開胃❛ 墨魚香腸 ($42) 爽口墨魚味都幾濃 好特別❛ 雞軟骨 ($28) 爽口有嚼勁❛ 雞中翼 ($45) 外皮烤至焦酥內嫩 保留住肉汁❛ 雞皮 ($38) 酥脆惹味❛ 松葉の二足爪明太子醬烏冬 ($138)有3件天婦羅松葉蟹鉗，明太子醬份量啱啱好烏冬面幼彈牙幾襯❛ 威士忌梳打 ($78)❛ 檸檬梳打 ($28)服務親切 環境舒適，係同閨蜜/另一半慢慢食、慢慢傾、飲吓嘢嘅好去處～—ʜᴋᴅ $150-300 𝗉𝗉𝙧𝙚𝙨𝙚𝙧𝙫𝙖𝙩𝙞𝙤𝙣𝙨: yes𝙧𝙚𝙫𝙞𝙨𝙞𝙩? yes𝙤𝙫𝙚𝙧𝙖𝙡𝙡: 7.5/10—📍 酒屋一杯喜 Sakaya Ippaiki天后清風街1A-1B號美城花園大廈地下KL6號舖
繼續閱讀
港島區人氣日式居酒屋🏮—酒屋一杯喜，位於天后美城花園大廈地下，餐廳店面寬敞，空間感充裕，以幽暗風格為主調，並設有特大投影器，播放着各國潮流音樂，整體氛圍別有一番風味～ 而食物方面，餐牌上有各款串燒、熟食、鍋物，以至刺身類包羅萬有，特別推介豚肉流心蛋，外層燒得燒香既豚肉，包住內層流心蛋黃，層次感豐富，相當好味！另外推介七里香鵝肝炒飯配雞皮，鵝肝香濃入味，滲透每一粒日本珍珠米，再配上煎得好香口既雞皮，相樣值得一試🥢
繼續閱讀
天后有間居酒屋晚市都幾熱鬧，有好多人去食，係傳統日系居酒屋嘅感覺，店員服務態度都好好👍🏻前菜叫咗個炸蛋白松露油吞拿魚薯仔沙律，松露油好香，炸蛋仲識流心添👅除此之外，仲叫咗個牛油果三文魚沙律，食落好清新～之後仲叫咗啲小食同串燒～玉子燒揀咗兩款，蟹膏蟹肉同爆蔥吞拿魚，味道就係日式玉子燒，食落甜甜地，蟹膏同埋吞拿魚係兩種感覺😆之後我哋仲叫咗四件吉列蠔，炸得好香脆，配芥末汁好惹味🥰串燒我哋要雞頸、雞肝、七里香～都係啲比較少食嘅部位，都幾特別，如果鍾意食雞嘅人應該會鍾意！最後主菜我哋叫咗豚肉泡菜鍋同埋柚子鹽味叉燒拉麵，最後食得好飽好飽😚😚
繼續閱讀
這家居酒屋不時會有Live band 演出，平常也不斷播放日本舊歌曲，充滿日式氛圍。店員推介酒盜芝士做前菜，我平常真的很少吃，cream cheese上面是酒盜魚腸，吊起少少芝士鹹香，非常惹味。刺身盛合5點，有帆立貝、三文魚、八爪魚、白身魚和甜蝦，款款厚切亦非常新鮮。之後是三款串燒：墨魚香腸、塩燒白鱔及雞腿，這裏的串燒真的不錯，尤其墨魚香腸特別彈牙爽滑。最後是柚子鹽味叉燒拉麵，大大兩塊叉燒，配上柚子鹽味湯底，入口特別清新。
繼續閱讀
您可能會有興趣的...