青瓜片明太子小龍蝦沙律，$68
小龍蝦口感彈牙，撈上鹹味的明太子沙律，放上青瓜片上拼食，一款濃味又清新嘅餐前小食。魔鬼魚翅乾，$68魔鬼魚翅乾塗上燒汁燒起，燒得夠乾身又保持醬汁味道，再加點蛋黃沙律汁，係佐酒小食佳品。芥末鰈魚鰭邊，$48平時食開日本小食前菜芥末八爪魚，而鰈魚鰭邊都好爽脆，芥末味嘅攻鼻會令人為之一振，所以熊妹都幾鐘意食芥末味小菜。自家製玉子燒串 - 明太子，$48玉子燒有好多款口味，明太子控當然就梗係揀明太子啦！鹹香嘅明太子醬塗上玉子燒串上面，鹹香嘅明太子配合淡淡嘅玉子蛋，味道絕配。甜薯，$48日本地道甜薯燒到剛熟但又無燒焦，功架不錯！口感粉粉的，本身甜薯的天然甜味反映出係真正的日本產品，而不是後期加工的假甜，喜歡吃甜薯的貓妹讚口不絕！軟骨豚肉丸，$58一串三粒豚肉丸，肉丸入邊放入軟骨，加多重爽脆嘅口感。雞肝，$48雞肝得好熟透，外皮燒得好乾身，粉狀的口感，好重內藏味。墨魚香腸，$42表皮燒到外脆內軟，帶點墨汁墨魚味。黑豚沖繩苦瓜炒蛋，$78沖繩苦瓜非常翠綠爽口，廚師切到薄薄一片，同日本雞蛋炒起，一啲苦澀味都冇，係甘甜嘅苦瓜味再帶有日本蛋味，仲有幾片豚肉增加肉味，炒得好有香味有鑊氣，做法不錯。秋刀魚，$88店員推介，秋刀魚貨源肥美，可以一試。果然好大一條，脹卜卜魚肉，唧上檸檬汁，再點一下跟上的柚子醋，確實提升了魚嘅鹹鮮味，送飯做餸一流。一杯喜秘の炒飯，$98主食點了鎮店秘製炒飯，原來加上鰻魚粒一齊炒，炒飯粒粒分明夠乾身，但係又唔會好涸口，食食吓又會食到好爽口嘅蘿蔔碎粒提升感，成份炒飯嘅調味非常特別，果然係神秘嘅炒飯！蕉糖香蕉，$58最後，飯後甜點嚐了蕉糖香蕉，挑選了非常熟透的香蕉面頭再鋪滿砂糖，熟透嘅香蕉非常軟熟，充滿功濃烈香蕉味，加埋燒焦嘅焦糖，成分甜點真係甜到漏，可以消除成頓飯的鹹味。菠蘿，$38再點埋燒菠蘿，一件切成五小件，燒烤後清甜爆汁，偏熟的菠蘿唔會好酸，菠蘿中獨特的enzyme 能一解食物的油脂膩濟。📌《酒屋一杯喜》環境大，氣氛濃厚，居酒屋應有嘅前菜、小食、主菜、主食、麵食、飯食、串燒、刺身、壽司、鍋物等等通通都有，仲要做做通宵，確實係下班後放鬆飯聚的好去處。
…查看更多
上個禮拜同閨蜜食完去行維園，專登兜去天后搵食，呢間「酒屋一杯喜」嘅居酒屋平時唔多覺眼，所以今次都係第一次食，入去試完真係驚喜到尖叫！位置響清風街，從天后站A2出口行4分鐘就到，原來好近我地平時返既教會，位置唔係大街所以平時好小經過，但推門入去即刻feel到日式居酒屋嘅溫暖feel，仲有現代感裝潢，坐得好舒服～ 我哋兩個人點咗佢哋嘅「秘の丼」同「生薑豚肉定食」，總共先$168，抵到笑！個秘の丼一上枱就覺得勁正，飯上面鋪滿新鮮魚生，仲有勁多蟹籽，撈勻之後每啖都有魚生嘅鮮甜同蟹籽嘅爆珠感，飯底仲有少少醬汁，完全唔會乾，$100一碗真係抵到爛！ 至於生薑豚肉定食，豚肉煎得外脆內嫩，咬落仲有肉汁，生薑味好香但唔辣，配埋個溏心蛋同蔬菜，營養又均衡，定食仲有飯同湯，一個人食絕對夠飽，先$68咋！ 我地係咁話下次帶埋其他教會姐妹黎食呀～食緊嘢嘅時候仲聽到服務員話，逢星期二有Live Band，夜晚仲可以叫返杯清酒小酌，下次一定要搵班friend嚟試下佢哋嘅串燒同壽司！佢哋仲有房間可以book，多人聚會都好適合～ 總括嚟講，呢間居酒屋無論食物質素、環境定價錢都好掂，我地已經計劃好一定會再嚟！推介俾鍾意日式野食、想搵個relax地方傾計嘅朋友，記得試下個秘の丼，真係食過返尋味～…查看更多
