影片
更多
2025-03-21
0 瀏覽
上個禮拜同bff慶祝生日, 佢話要搵間又要有番咁上下grand又要啱佢食嘅餐廳😹咁我就好自然諗到同book埋世貿中心11樓嗰間Fine Dining餐廳嘅名字Bochord意譯為藏書室, 圖書館, 而佢室內牆身真係有一部分係以放滿古典書籍嘅嵌入式書架裝飾, 一入餐廳就感受到嗰種濃厚嘅歐洲19世紀復古氛圍💛餐廳用咗大量胡桃木做素材. 古典方枱紋嘅天花板, 墨綠真皮沙發, 復古百褶燈, 感覺置身上世紀建築🏛️再加上室內柔和嘅燈光, 窗邊嘅維港無敵大海景同埋每晚為客人送上祝賀嘅live band🎤🎻高貴浪漫得嚟又令人放鬆💆🏻♂️餐廳主廚曾經喺香港頂級酒店當廚接近十年, 咁就嗌個tasting menu試吓🥂由appetizer到甜品, 八道菜都係匠心製作, 賣相一流, 擺盤令到每道菜都好似一件又一件嘅藝術品咁🎭前菜sourdough bread外脆內軟, 配自家製香草牛油同海鹽牛油, 我比較鍾意後者✨第一道菜Royal Daurenki Caviar配Japanese Sea Urchin, 加上三文魚籽, 賣相一流. 再嚟Scottish Razor Clams配French White A
餐廳嘅名字Bochord意譯為藏書室, 圖書館, 而佢室內牆身真係有一部分係以放滿古典書籍嘅嵌入式書架裝飾, 一入餐廳就感受到嗰種濃厚嘅歐洲19世紀復古氛圍💛
餐廳用咗大量胡桃木做素材. 古典方枱紋嘅天花板, 墨綠真皮沙發, 復古百褶燈, 感覺置身上世紀建築🏛️再加上室內柔和嘅燈光, 窗邊嘅維港無敵大海景同埋每晚為客人送上祝賀嘅live band🎤🎻高貴浪漫得嚟又令人放鬆💆🏻♂️
餐廳主廚曾經喺香港頂級酒店當廚接近十年, 咁就嗌個tasting menu試吓🥂由appetizer到甜品, 八道菜都係匠心製作, 賣相一流, 擺盤令到每道菜都好似一件又一件嘅藝術品咁🎭
前菜sourdough bread外脆內軟, 配自家製香草牛油同海鹽牛油, 我比較鍾意後者✨第一道菜Royal Daurenki Caviar配Japanese Sea Urchin, 加上三文魚籽, 賣相一流.
再嚟Scottish Razor Clams配French White Asparagus, 52度低溫慢煮嘅蟶子非常入味, 同法國白蘆筍一齊食更添口感✨
隨後Black truffle & Foie Gras更見精緻. 黑松露同鵝肝兩種食材都係味道較濃郁, 混合後以mousse嘅形式呈現, 口感順滑又帶滿滿油香, 重點推介✨
接住落嚟嘅馬賽魚湯Seafood Bouillabaisse用咗3.6奶泡, 又落咗日本蜆同烤大蝦, 湯底亦用龍蝦同多種海鮮熬製, 濃郁暖胃♨️Fish maw配煙燻繡球花, 鬆脆墨魚汁木薯配以清甜嘅日式雞湯我都好鍾意✨
之後終於嚟到主菜Charcoal Grilled Maine Lobster. 炭火燒龍蝦尾用上龍蝦照燒汁, 配以滿滿龍蝦油脂嘅risotto一齊食, 大滿足💛
另一重點推介係Red Wood and Charcoal Grilled A5 Miyazakigyu beef💛配以potato foam, duck fat potatoes同red wine reduction. 我嗌咗medium rare, 紅木炭燒宮崎A5和牛食落肉質鮮嫩口感十足, 50g真係意猶未盡, 我爭啲想加錢再嚟多碟🙌
最後呢個tasting menu由清新又解膩嘅覆盆子草莓慕斯蛋糕同八角櫻花凍 完美作結🍮
Bochord真係一間令我留下深刻印象嘅餐廳, 每道佳餚都流露出廚師嘅創意同精心製作, 追求高質美食同服務嘅朋友絕對不能錯過. 呢一刻我已經好期待下次個新menu🙂↕️
💛個人必食推介: Black truffle & Foie Gras, Charcoal Grilled Maine Lobster, Red Wood and Charcoal Grilled A5 Miyazakigyu beef
返食指數: 🥑🥑🥑🥑🥑 (5🥑滿分)
Tasting menu ($1388 per head)
______________________________
📍 Bochord (銅鑼灣)
銅鑼灣告士打道280號世貿中心11樓1101號舖
張貼
