馬六

營業中

休息中

朗屏站行去街市個邊既商場終於都裝修完啦,多左好多食肆, 每間都要去一去架啦,今次食左呢間馬拉野先。 門面已經好有東南亞風情, 裡面大多都行木系裝修, 其中一面既霓虹燈牆好靚。夜晚有dinner set, 普遍唔算貴, 正常價錢。食馬拉野我一定會叫個肉骨茶, 肉骨茶配油飯 $78湯頭唔錯, 藥材味唔算重, 但係飲到個陣味。湯裡面有切好左既冬菇, 3舊大大塊既經好淋既肉, 仲有杞子。伴碟當然仲會有油炸鬼啦, 浸一浸再食, 正呀。 古仔路芒果冰$8跟餐加8蚊轉特飲係幾抵, 芒果唔係死甜既糖漿味, 唔錯。 蝦多士 $18跟餐仲有得加錢加小食, 咁就梗係要加黎食啦。面頭既芝麻好香, 裡面真係有蝦肉。環境乾淨，冇異味，唔錯。