馬六

依日去元朗經開順福糧倉，入面有幾間餐廳，想食馬拉菜嘅我揀左馬六。店內帶點異國風情設計，牆紙用上植物圖案，睇起嚟覺得大自然嘅感覺，裝修同環境都唔錯。馬六無骨海南雞飯             $65雞肉好嫩，皮薄爽滑，雞肉味道濃郁仲去左骨，油飯用濃湯浸過同埋香料烹煮，啖啖飯粒都香氣十足，另外配備三色醬，有辣椒醬、薑蓉和黑醬油，以及豆腐雞湯 ? ，清甜潤喉。厚切豬扒喇沙掺掺              $58喇沙陣陣椰香味，湯底濃郁，上面放滿食材，一大碗好吸睛。猪扒都幾厚，香脆鬆軟，肉質嫩滑，而湯裡唔會太多油，所以唔太油膩，入口順喉，麵條係摻摻，油麵同米粉，煮得啱啱好，好入味，唔錯。娘惹五香雞卷       (+$22)五香雞卷外層香脆，雞肉夠滑，香料惹味，醃製得恰到好處。街頭雞肉串串            (+$22)串串燒烤至焦香，雞肉嫩滑，調味剛剛好，感受到新加坡街頭風味小食。 娘惹蘿蔔餅              (+$16)大大個嘅蘿蔔餅，金黃香脆可口，蘿蔔清甜，與其他蔬菜配合，口感豐富，酥脆惹味，食到停唔到呢。老街椰汁冰            (+$8)椰汁冰非常清涼解渴，椰汁味夠濃夠滑，香甜可口，冰冰涼涼，好解膩。桂圓紅棗茶跟餐飲品揀咗桂圓紅棗茶，熱熱地同微甜，帶有紅棗清香，入面仲有紅棗、玫瑰花、菊花、杞子同桂圓 ，自然甜好啱我，呢啲天氣飲杯暖嘢好舒服。…查看更多

終於試到間好食嘅馬來西亞菜啦～ 馬六呢間無骨海南雞飯真係要吹爆！雞肉滑到離譜，完全無骨真係食得好過癮，皮色金黃油亮，點埋特製薑蓉醬同黑醬油，鮮味直衝天灵蓋！白飯吸晒雞油香，粒粒分明唔會黐立立，配埋雞肉一啖落去，簡直是幸福的味道～馬拉盞通菜好夠鑊氣，馬拉盞香味好濃郁，通菜脆嫩爽口唔會太油！酸辣鳳爪酸酸辣辣好開胃，鳳爪炆得好軟爛，骨都可以輕鬆拆出，食完一碟仲想食～熱香茅橙茶超解膩！香茅嘅清香混合橙味，溫溫地飲落去好舒服，中和咗雞肉同馬拉盞嘅油膩感，成個套餐食完好滿足～性價比好高，分量好足，鍾意馬來菜嘅朋友一定要試！…查看更多

今日本來想食海南雞喇沙參參，但原來晚餐冇呢個選擇，所以叫咗清湯海南雞摻摻($68)。摻摻即係一半油面一半米粉配埋去骨嘅海南雞，再加半隻蛋，晚餐加埋飲品叫咗杯凍拉茶(+$3)。嗰餐仲可以加其他小食，但驚食唔晒所以冇加。碗摻摻就普通，不過不失，都係喇沙湯底好味啲，杯凍拉茶唔會再叫，因為淡而冇茶味,如果下次再食，都係叫返橙茶穩陣啲😅…查看更多

出餐時間有問題，嘢食好垃圾: 雞油飯凍，肉無味，炒豆打渣苦澀。食哂一個麵餐，都仲未嚟個二人餐肉骨茶，員工hea 無跟進 ，同出咗單人有個飯，再問先再後補。飯又凍同埋表面已乾硬，表示過啲飯凍，員工無動於衷。然後個肉骨茶肉無味，個湯衰過茶記例湯，水咁，煲嘢出晒煙，但係微暖近乎室温。應該係微波爐翻熱。個二人餐食咗兩淡就吞唔落。好難食。個喇沙湯麵正正常常，中規中矩。飲品都麻麻，無乜味好淡飲水咁。總言之，呢一餐真係浪費時間和金錢！希望佢哋能改善出餐，服務同食物質素，否則客人肯定唔會再回頭！…查看更多

今日朋友行開去朗屏，見到呢間新加坡餐廳，平時去開街見都好多分店都幾多人食。就決定入去試下。食物選擇都好多，香口香辣既一應俱全。我地叫左馬來椰香咖喱烤雞扒米飯，雞肉份量真係十足，一開二切，肉質鮮嫩，咖喱香氣濃郁，椰香味道相當突出，搭配米飯充分吸收了咖喱的滋味。街頭雞肉串燒（2串） 雞肉串燒外焦香，醃料的味道非常入味，搭配甜辣醬。好令人開胃。馬六無骨海南雞飯*：雞肉嫩滑，搭配特製醬油，讓人感受到海南雞飯的獨特魅力。米飯的口感也相當好，又有油香味令人滿意。跟餐既湯都好值得一讚，有大量蟲草花，相當入味。見天氣開始涼朋友叫左個桂圓紅棗茶，飲品清甜可口，桂圓的香氣與紅棗的滋味相互交融，讓人感受到一股舒適的暖意。另一杯美綠哥斯拉，美綠波波好似係緊早餐片咁。甜度適中，都好香滑。…查看更多