馬六

營業中

休息中

今日去左元朗途經順福糧倉，被商場外型吸引，依度有幾間餐廳，我地就揀選星馬菜嘅馬六，見到店名就知道係主打馬六甲海峽美食嘅餐廳啦！入到店內，帶點異國風情設計，像用上星馬餐廳常見嘅藍綠色調，裝修及環境都不錯。厚切豬扒喇沙掺掺        $58上枱已經聞到陣陣椰香，喇沙湯香濃，加上放滿食材，滿滿一大碗，很吸引。猪扒真係幾厚，香脆鬆軟，肉質嫩滑；而湯裡無大量油光，感覺唔太油膩，稀稠度適中，啖啖椰香味，入口順喉，味道唔錯。麵底係摻摻，即係米粉同油麵，兩樣都煮得啱啱好，好入味，摻摻配埋乾蔥一齊食，好夾。 馬六魚三寶檳城蝦麵        $52初次嚐試檳城蝦麵，口味亦非常地道，橙紅色湯底，帶少少辣，遠遠便飄來陣陣香味，香料味調配恰到好處，而且最難得嘅係飲多幾啖，都唔覺油膩。魚三寶有魚丸、魚條同魚皮，魚丸與魚條味道鮮美，魚皮香脆可口，吸滿湯汁嘅豆卜，還有半隻唐心蛋，加上檳城風味嘅蝦麵，惹味十足。班蘭咖央多士        $28多士有好厚嘅牛油，斑蘭咖央醬甜甜地，甜度啱啱好，帶點椰香味，多士烘得鬆脆，有脆薄嘅口感。娘惹五香雞卷        (+$22)五香雞卷外層香脆，雞肉夠滑，香料惹味，醃製得

我想食摻摻，阿媽想食海南雞，去返一路食開嘅”馬六”就唔使煩，一來水準穩定，二來價錢合理💥燒鴨喇沙摻摻首先個樣已經好吸引🤤喇沙最重要係個湯，湯底好香好濃椰奶味，又不失微辣，惹味；燒鴨份量比預期中多，肉質扎實但不柴麵底揀咗摻摻（油麵+米粉），侍應話揀淨油麵或淨米粉都得；選用嘅粗米粉富彈性又滑身，油麵有咬口唔會太淋，吸晒湯精華💥馬六無骨海南雞飯全部去骨，懶人啱晒，雞肉食落幾滑幾有雞味，雞油飯處理得妥當，跟三款醬汁包括黑豉油、薑蓉同酸辣醬，個黑豉油my favourite💥斑蘭咖央多士下午茶連熱飲$28蚊仲唔使加一，抵食！一大片牛油再夾咖央醬，咖央好香但唔會死甜，多士烘底無得輸，gimmick係加咗斑蘭💥娘惹蘿蔔餅啱啱炸好熱騰騰辣嘴時最好食😋蘿蔔絲爽甜，鬆化💥馬來黑醬油叉燒醬油甜甜地，叉燒不是肥叉，有啲嚼勁💥熱桔仔話梅水酸中帶甘，潤喉解膩💥凍美祿哥斯拉好飲呀～～加美祿粉有口感🌼下午茶餐牌

為探朋友兼聚會，去到元朗順福糧倉，商場都有些餐廳選擇，行下行下，最後揀左 "馬六" 新加坡餐廳，門外睇起嚟都唔錯。餐廳內設計時尚，色調簡潔舒適，而店裡可遠望街景，感覺幾好。巴東牛肉撈粗        $49看起來麵條充滿醬油色澤，以為會過濃，但麵條食落唔會過鹹，調味啱啱好，牛肉炆煮軟淋，有啲咬口，香料醬汁好入味，麵條與巴東牛肉一齊食味道很配，好滋味。馬六海南雞清雞湯米粉      $48平時食海南雞會揀油飯，今次試下配雞湯米粉。海南雞肉質好嫩滑，雞皮爽口，雞肉肥瘦適中，米粉順滑，唔會有油膩感，而湯底好清甜，帶出雞嘅鮮味，配埋豆卜、雞蛋、豆角等，豆卜吸滿雞湯，很美味。斑蘭咖吔多士      $28斑蘭咖哋多士有好厚嘅鮮牛油，麵包中間塗抹一層咖吔醬，食落牛油味濃厚，亦帶點清新斑蘭椰香味，多士烘得脆脆，南洋地道小食。新加坡咸蛋黃魚皮      $22黃魚皮鹹香味濃，別有一番風味 ～ 流沙蛋黃咸香惹味，魚皮炸到卜卜脆，咸蛋黃控必試！娘惹蘿蔔餅     $16蘿蔔餅炸得好香口，粉漿薄身，唔會過厚，餡料 內嘅洋蔥絲同蘿蔔絲，食落鹹香爽口，沾上秘製醬汁，味道更提升。古仔路芒果冰  (+$8)想解膩芒

今日中午難得下晝冇嘢做行過順福糧倉見到馬六，有戶外位見天氣唔係好熱就坐出門口食，上面有吊扇唔會話好熱，而且有晒充滿檳城風情嘅藤椅都幾好feel午市飯都幾抵食，揀咗個佢哋招牌無骨海南雞飯拼喇沙馬六無骨海南雞飯 海南雞做到嫩滑可口，經過上湯浸煮，皮薄爽滑檳城蝦湯麵 蝦麵是馬來西亞代表性的傳統麵食之一，利用蝦殼及辣椒熬煮成赤紅辛辣湯底，色香俱全的蝦麵入口後即刻刺激味蕾！香橙冰茶，加咗$3幾有茶味🤣📍馬六Malacca Cuisine元朗壽富街60號順福糧倉地下G24號舖

講到新加坡菜，元朗既馬六大推✨！ 招牌馬來黑醬油叉燒撈粗🍜，叉燒嫩到似熔喺口，咬下去juicy爆汁，配上黑醬油嘅濃香微甜同撈粗嘅彈牙口感，夾到天衣無縫，食完一啖即刻想encore🤤！無得輸💪！ 仲有大蝦喇沙摻摻🍤🌶️，湯底濃郁帶辣，椰香撲鼻，大蝦爽口彈牙，啜一啖湯暖胃又過癮，辣得來好爽🌪️！ 脆炸鮮奶🥛炸得外脆內軟，奶香四溢，咬落去熱辣辣又creamy，幸福感爆棚😍。 甜品嘅斑蘭咖央多士🍞，斑蘭香氣同咖央嘅甜滑一拍即合，食到舔手指咁滿足🌴。重點！價錢不貴！！

抵食下午茶餐3人食3個餐二佰蚊有找😆🥪斑蘭咖央牛油多士$28斑蘭多士烘得香脆，咖央醬略甜。🐔馬六無骨海南雞飯$65海南雞已經去咗骨，啖啖肉，肉質嫩雞皮滑，配三色醬汁，雞油飯香噴噴。🍜巴生肉骨茶米粉$52肉骨茶湯底帶淡淡藥材味，2條排骨、豆卜、枝竹、杞子，米粉份量頗多。追加小食雞肉串燒（2串）$22雞肉串燒烤得外焦內嫩，搭配沙爹醬汁吃。娘惹蘿蔔餅 $16洋蔥🧅紅蘿蔔🥕切絲，炸至金黃酥脆的蘿蔔絲餅，口感有點像炸天婦羅。☕️桔仔紅茶桔仔微微酸甜味。🦕美祿哥斯拉 + $8濃郁美祿，童年回憶。🥥老街椰汁冰 +$8椰汁沙冰，椰味十足。

位於元朗壽富街60號的馬六，係喜愛馬來美食的朋友唔可以錯過既地方！呢度的每道菜都充滿濃郁風味，令你食過返尋味。班蘭咖吔多士 $28外脆內軟，班蘭的香氣在口中徘徊，搭配上綿密的咖吔，甜度適中，每人心情愉悅，真的值得一試！惹茶燻鴨飯$62係一道必試的招牌菜，鴨肉有香濃嘅煙燻味道，肉質鮮嫩，每一口令人感受到馬來西亞既風味。炸鮮奶 $16一口咬下去，外層酥脆，內裡滑順，鮮奶的香味充滿成個口腔，帶有一絲絲甜味👍🏻娘惹燒鴨摻摻 $48燒鴨皮脆肉嫩，喇沙味微辣非常惹味、有兩隻粉有好大碗，兩個人食一碗細食嘅食唔晒！馬拉盞通菜 $22呢個抵食，通菜配上馬來特有的醬汁，好入味，通菜鮮嫩多汁，吃起來清爽又開胃。蘿蔔餅 $16第一次食呢款蘿蔔餅，炸得金黃酥脆，蘿蔔混合混合咗啲配料，咬落索索聲有口感好好食。凍香茅橙茶 ，凍青檸柑桔水+$3今日試咗呢杯凍香茅橙茶，清新解渴，唔會太甜，亦有香茅，味道非常爽，推薦！青檸柑桔水開胃， 清甜解渴👍🏻馬六既真心抵食、價錢實惠，真係值得一試，我成日都嚟食！

今日吾知食咩好，最後揀左呢間～下午茶好抵食既越南餐廳😎下午茶好多小食配搭👍🏻班蘭咖吔多士 $28呢個多士真係正既，每一啖都帶著濃郁既班蘭香氣，外脆內軟，吃過之後令我忍唔住想再點一次，一定要點呢個，食過翻尋味🤗泰式鳳爪$26鳳爪醃得恰到好處，味道香辣，食落去唔會太油膩，配上啲酸酸的醬汁，真係一流！馬來黑醬油叉燒$36叉燒肉質鮮嫩，黑醬油的味道濃郁，令人食到停唔到！巴東牛肉飯$56牛肉嫩滑，湯底味道濃厚，搭配米飯，簡直係一碗幸福！豬頸肉喇沙掺掺$48豬頸肉鮮嫩厚切，喇沙味道非常香、掺掺係鴛鴦麵底有米粉同麵條。飲品桔仔華梅冰 +$3今日飲呢個，清涼解渴❄️ ，酸酸甜甜的口感令人瞬間清爽，岩哂鐘意飲凍野既我！❄️呢間餐廳既食物真係好食，價錢又抵，強烈推薦抵食下午茶👍🏻

元朗順福糧倉新開了一段時間，今日lunch來到呢度搵好嘢食。見到馬六的午餐幾吸引，今次試試佢嘅怡保清雞湯米粉。.我叫了厚切豬扒清雞湯米粉，送一杯熱飲，買外賣拎返公司食。米粉份量都唔少，豬扒有6件，是用香茅調味，好入味，亦煮到好腍身，一啲都唔鞋，好食。.米粉配料有青豆、肥芽菜、半隻溏心蛋。青豆幾硬，亦有青澀味；肥芽菜好爽口；溏心蛋幾好食。.清雞湯裡有豆卜，索晒清雞湯汁，但有少少苦澀味。至於清雞湯就好好飲，好濃嘅雞湯味但唔會好油。.而午餐送熱飲，我揀了桂圓紅棗茶。紙杯裡放滿了好多桂圓紅棗，又有花粒。味道好清甜，有紅棗的甜味，亦有好香嘅花味，飲落好舒服，唔錯。

晚餐開車來到元朗順福糧倉的《馬六》食新加坡菜。這裡的晚飯套餐真的非常抵食，居然還有「檳城街頭排骨山」，價錢只是72元，排骨很大件，兩個人食來說，這份量已經好滿足，排骨好入味，咬落去肉汁豐富，非常惹味😋。黎到當然也要品嚐埋世界十大美食之一的「娘惹大蝦喇沙摻摻」啦！😉 內帶兩款面底，湯底濃郁，味道不錯。我們還追加了小食，味道及份量也不錯！👍🏻👍🏻👍🏻26元的「酸辣鳳爪」酸酸辣辣，十分開胃。22元的「馬拉盞通菜」，炒得好香口。套餐免費跟飲品，當然要飲番杯香滑馬來手工拉茶啦！😌

再過2年😭😭我就有屬於自己嘅屋企啦🫶🏻今日同男朋友仔入黎踩下線～計下時…太耐冇食喇沙麵真係好掛住佢🥲所以一知道今日入嚟朗屏，我就話點都要過嚟食咗先…不過我哋入嚟嘅時候係10點😂所以入左去唐人新村個邊先…岀到黎啱啱下午茶食物厚豬扒喇沙摻摻呀😩😩😩好好飲呀！好香椰味，又好香香茅味個豬扒又好Juicy，醃得好香嘅香茅味黑醬油叉燒❤️‍🔥🔥🔥🔥呢個一定一定要試！雖然佢追加$36（岀面叉燒都唔平），但佢真係勁好食！有少少入口即溶嘅感覺，又有彈性嘅肉質！超surprise 熏鴨胸飯全部都係我好掛住嘅食物佢個鴨胸好入味，又彈性！個飯有薑味～蟲草花湯好清，好潤！咖吔多士$28仲有野飲好好食話梅桔仔水我好鐘意呢個！一定係熱飲好！又唔洗加錢，唔想太甜又可以加水飲多少少～重點係天氣太乾，飲落好潤斑斕汁、椰汁冰走塑期～建議大家自備飲管！因為紙味真係冇就咁飲好～又環保，又原味！10月尾都仲30℃真係好熱🥵

我今日約同好友去元朗遊玩，順道去位於元朗壽富街60號順福糧倉地下G24號舖的馬六食下午茶，環境舒適，坐得舒服。我點左個Nyonya Tea-Smoked Duck Breast with Chicken Oil Rice 馬六娘惹茶燻鴨飯 $62，餐飲係 Panama Orange Tea 凍馬來桔仔紅茶＋$3（跟餐）；好友點左個 Boneless Hainanese Chicken Rice 馬六無骨海南雞飯 $65，餐飲係 Nanyang White Coffee 凍南洋白咖啡 +$3（跟餐）。燻鴨的鴨胸肉較結實好咬口，燻得鴨味香濃；無骨海南雞的雞肉嫩滑好味；桔仔紅茶好清涼好飲，白咖啡香濃好味！

[✨元朗馬六•水準穩定出色星馬菜🥢]#馬六 #元朗🥢檳城蝦湯麵 $80蝦油味好香好濃郁，麵底份量多，索哂湯汁精華勁好食！配料亦好豐富，有蝦、腩片、豆卜、芽菜等等。整體味道好地道😍🥢檳城街頭排骨山配米粉 $72排骨份量大，果然係排骨山，見到都流哂口水！肉質好腍好入味，配搭泰式醬汁同魚露，食落陣陣嘅酸辣鹹香，真係好出色嘅一道菜🤩💯🥢馬拉盞通菜 跟餐+ $22馬拉盞辣辣地醒神開胃，炒通菜夠火侯好惹味，味道鹹香🥢蘿蔔餅(1件) 跟餐+ $16炸得香口，食得出蘿蔔絲嘅清香綿甜，亦好有口感，唔錯👍👍☕️凍手工拉茶 +$3大大杯手工拉茶，茶味濃郁👍👍☕️古仔路芒果冰 +$8夏天飲一啖冰凍嘅芒果冰真係無得💗————————♡♡♡♡♡♡————————✨總結CP值唔錯嘅星馬菜餐廳，雖然係連鎖餐廳，但食物水準一向穩定出色，餐廳環境都好舒適，係一間唔錯嘅日常食堂！📍馬六 (元朗)🏠元朗壽富街60號順福糧倉地下G24號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hon

正宗巴生肉骨茶配油香飯 +凍檸茶的確非常之失望😞覺得湯底唔夠濃，好水好淡，完全冇乜味，排骨好硬，唔入味，我就覺得好似煲完湯之後嘅湯渣咁，唔好食，個餐叫左都冇乜點食過。

今日幫姐姐交表格所以來咗壽富街呢邊，講真無咩事都唔會行呢度（開始邊緣化）因為我陪媽媽一起所以選擇一啲適合老人嘅餐廳餐牌唔知係午餐定全日，但感覺適合午餐多啲！媽媽本身想點檸檬茶，但無只得橙茶不過感覺分別不大（我無飲唔知咩味）我點咗茶燻鴨加肉骨茶，味道無煙鴨胸咁咸（但口感相似）另外廚房切得唔好都切唔斷（小問題）媽媽就係海南雞（都幾滑）個飯都好食，至於肉骨茶我比較鍾意藥材味重嘅！至於呢度就大眾口味，至於咖啡就不值一提（我嘅餐飲）價錢方面叫正正常常，元朗唔算平但又未去到好貴，味道服務中上，咁唔會係專程幫襯嘅餐廳但如果有事經過又肚餓都會再幫襯嘅！