影片
更多
2023-06-15
682 瀏覽
香港人鐘意打邊爐，但原來真正嘅邊爐KOL係滿清嘅乾隆皇帝。據乾隆54年嘅御膳菜單記載，乾隆皇喺呢一年食咗超過200餐火鍋呢！不過，清朝嘅火鍋配料以野味為主，我哋當然唔啱食，但喺充滿宮廷風嘅屯門花月宮，就別有一番風味。芫茜皮蛋鍋 鐘意打邊爐又唔想熱氣，首選一定係芫茜皮蛋鍋。雖然係簡簡單單嘅湯底，但用料一啲都唔馬虎，除左主角芫茜同皮蛋之外，仲有馬蹄同粟米，所以湯底非常鮮甜，食完成餐都唔覺口渴！風花雪月手打丸拼盤花月宮嘅名物，就係自家製手工餃同手打丸。想每款手打丸都試勻，呢個風花雪月手打丸拼盤就啱晒喇！呢個拼盤分別有手打墨魚丸、流心芝士墨魚丸、手打鮮蝦丸、流沙黃金蝦丸、手打鮑魚丸、手打干貝丸。每款都有2位，咁我哋兩個人唔洗掙。每款手打丸都係用上每日手打製成，所以全部都夠晒新鮮又彈牙！講到最驚喜嘅，當然就係手打鮑魚丸，彈牙程度滿分之餘，鮑魚嘅鮮甜味都值得一讚。新鮮豬頸肉明明無叫度玫瑰花架！原來廚師好有心思咁將啲豬頸肉砌成一朵玫瑰花，食之前一定要打卡啦！豬頸肉嘅肉質爽口彈牙，肉味濃郁，好好味！脆鯇片脆鯇片用料新鮮，淥熟後依然保持到爽脆。雜菌拼盤呢個雜菌拼盤非常抵食，足足有成六至七款菇菌，除左一般
芫茜皮蛋鍋
鐘意打邊爐又唔想熱氣，首選一定係芫茜皮蛋鍋。雖然係簡簡單單嘅湯底，但用料一啲都唔馬虎，除左主角芫茜同皮蛋之外，仲有馬蹄同粟米，所以湯底非常鮮甜，食完成餐都唔覺口渴！
風花雪月手打丸拼盤
花月宮嘅名物，就係自家製手工餃同手打丸。想每款手打丸都試勻，呢個風花雪月手打丸拼盤就啱晒喇！呢個拼盤分別有手打墨魚丸、流心芝士墨魚丸、手打鮮蝦丸、流沙黃金蝦丸、手打鮑魚丸、手打干貝丸。每款都有2位，咁我哋兩個人唔洗掙。每款手打丸都係用上每日手打製成，所以全部都夠晒新鮮又彈牙！講到最驚喜嘅，當然就係手打鮑魚丸，彈牙程度滿分之餘，鮑魚嘅鮮甜味都值得一讚。
新鮮豬頸肉明明無叫度玫瑰花架！原來廚師好有心思咁將啲豬頸肉砌成一朵玫瑰花，食之前一定要打卡啦！豬頸肉嘅肉質爽口彈牙，肉味濃郁，好好味！
脆鯇片
脆鯇片用料新鮮，淥熟後依然保持到爽脆。
雜菌拼盤
呢個雜菌拼盤非常抵食，足足有成六至七款菇菌，除左一般較常見嘅金菇、雞髀菇、冬菇、秀珍菇之外，仲有靈芝菇、黑姬菇同蟲草花添！為呢餐豐富嘅晚餐劃上完美嘅句號。
張貼
