大叔拉麵

營業中

休息中

餐廳位於D2 Place二期，由於我六點幾過去，所以人不是太多，店員服務超好，如果第一次去，佢會好有耐性地講解佢哋主打嘅湯底，亦會同你介紹Menu入面嘅食物。佢哋主打牛骨湯底，但因為唔食牛，所以最後點咗個比較較冷門的「黑豚肉辣櫻花蝦湯拉麵」。配料好豐富，有黑豚肉，粟米芯，糖心蛋，昆布和紫菜，黑豚肉比較厚身但好腍，糖心蛋係用醬油醃過，甜甜地，超好味。湯底我覺得好似冇乜蝦的甜味，湯的辣味係好似有層辣油喺面咁，我就覺得麻麻哋好食。我見隔籬位客人點了雞白湯拉麵，佢全碗連湯都食晒，我下次一定會試雞白湯。特別想讚店員的服務真係好貼心，佢見我食食吓又再睇Menu，佢即刻主動過嚟問我係唔係想加食物，主動問我有冇嘢需要幫忙，睇得出佢好留意客人嘅要求。