大叔拉麵

營業中

休息中

其實我真係唔係好明，點解最近有咁多人讚，我睇返舊啲嘅食評先知道好多人都話差。我食咗$80嘅雞白湯拉麵，拉麵係我食過最難食嘅拉麵，係近似公仔麵嗰種，而雞白湯個湯底都冇咩雞味，亦不creamy，比起執晒笠嗰間鳥華、或者太子有間主打雞白湯嘅舖頭差好遠，作為雞白湯嘅粉絲，呢間絕對唔推薦。仲有請大家留意呢間拉麵舖係要加一嘅，其實佢都係QR code落單，完全冇服務可言，加上店員講野十分串，建議大家唔好貼錢買難受。

上次聽講大叔拉麵搞Pochacco限定時已經想去試，點知成個月都冇得閒。終於等到一日中午要去D2Place，的起心肝去試一次可能係茘枝角最有名嘅拉麵。中午都幾多人，但我算早到，唔駛等位。店內好多公仔，係幾得意嘅。叫咗個特濃雞白慢煮雞肉麵，以拉麵店嚟講上菜算慢，唔知係咪咁影響咗個麵玉，一上枱已經偏腍，唔太掂。如果係以麵質嚟評斷拉麵好壞嘅朋友，應該唔駛嚟試。湯：醬油遮晒雞白味，雖則話「特濃」係客人揀，但師傅都應注意平衡度。湯底醬油有種酸味，我覺得同雞白味唔多夾，特色係唔係一定好？在下認為見人見智。蛋係一流，溏心度好，好入味，如果有得齋買蛋外賣，我會幫襯！雞肉一般，嚡，唔覺係慢煮。叉（腩）夠味，夠焦，夠厚，都算唔錯。配菜仲有笋，脆，但冇味，唔俾好過俾。大叔拉麵出名，好評多，我認為係因為茘枝角一段冇乜競爭，最近嘅對手可能去到興華街一帶。如果真係論拉麵，真係平均以下，但佢嘅價位係喺「平均線」，咁計就性價比低咯。為咗佢隻蛋，會搵多次非繁忙時間嚟試下冇咁濃嘅湯麵，睇下值唔值推介俾人。

好多拉麵店都係想你食完快啲走，但係呢間餐廳非常有耐心同服務態度好好。野食方面就中規中矩，湯底都係無味精夠味，係啲麵就普通左少少。價錢亦都做工廈生意嘅價錢，晚市一百蚊內埋單

見到裝修好好多好可愛大叔的佈置就吸引咗入嚟食拉麵無論門口裝修都擺設咗好多日式公仔而且仲有日本Bar枱位置營造咗日本感覺拉麵款式選擇唔算多主要係雞白湯/牛骨湯/地獄湯等等所以好快就選擇到自己想食咩啦黑豚肉雞白湯拉麵$88豚肉即係日式叉燒 有兩大片而且好林好入味 有少少醬油喺面 味道剛剛好糖心蛋非常好食煮熟程度啱啱好 蛋白好入味蛋漿係仲有少少凍氣 新鮮雞蛋外熱內冷口感非常好仲可以選擇拉麵軟硬程度我就選擇了正常首先份量都算偏多，食落同日本質素一樣係日本的味道拉麵 而且依間配菜洋蔥非常多湯亦都非常鮮甜雞白湯食得好健康 特勝和牛骨湯拉麵$108牛骨湯味道濃郁 但唔會好鹹而且除了兩塊豬豚肉，仲有兩片大雞肉雞肉亦都係好大片同好林日式櫻花蝦湯豆腐$48雖然餐廳推介呢個小食但我就覺得偏普通浸住啲湯 好似醬油味反而偏甜整體嚟講拉麵係好好食的另外會收取+1服務費付款方式比較唔方便只收取現金好彩啱啱好，有現金如果有電子付款方式會更加好

《特盛濃厚雞🐓白湯拉麵🍜》香味 (4/5) - 非常香，香味應該主要係來自炸牛蒡絲，同蔥絲。湯 (3.5/5) - 呢款雞白湯同平時你會响 d 專食雞白湯嘅店唔太一樣，個雞味我認為唔算太出，我估佢加左豬⻣落去一齊煲，同埋明顯地佢有加左少量醋提味，所以個湯都幾特別，唔係一般店會食到呢隻味，所以就個湯都令人印象深刻。麵條 (3/5) - 中細麵，直身，算爽口，麥味正常。配料 (3.5/5) - 雞叉燒係用左雞胸肉，唔算好嫩滑，雞味有，不過不失。因為係特盛版，所以雞胸有成 4 塊，呢個價錢算抵食。豬叉燒方面，用嘅係豬五花，有滷入味，而且爽口唔油膩，幾好食。溏心蛋，正常好食，生熟度幾好，有入味。《羽根煎餃子🥟》所謂羽根，即係煎餃子嘅時候加入太白粉水，煎完之後餃子個底會附上一層薄薄的脆皮。如果以呢個定義來講，呢個餃子就唔多合格，因為佢層脆皮唔多脆，好快就腍左，不過有可能係我擺左一陣先食。咁其實個餃子都算幾扎實，煎得幾好，味道口感都ok，但差在個脆皮唔脆囉。整體 - 值得小推薦 👍👍👍 雖然呢碗麵唔係超高水準，不過食得出店主有放心機做。一，個湯嘅風格有刻意調過。二，香味嘅部份佢落過功夫，真係好香。

無厘頭去食晚飯，試試大叔....垃麵，白湯雞肉，雞肉都幾滑嫩，有些意外驚喜，炸尤魚可口，適逢10月，有萬聖節佈置及特別飲品，洛神奶杯甜酸適中，南瓜小餅好味。特別讚揚員工服務態度良好。不錯的食店。

本人鍾意淡淡地今日嚟到呢一間有白雞湯職員態度好好，由於食淡味，所以要求店員幫忙將減鹽及醬汁分開上每件白雞肉除咗大塊之外，而且個味質都唔錯，湯底一飲落去的確好好原汁原味！最後我差不多飲晒成碗雞湯主要都係冇味精冇雞粉所以好好味值得推介

未寫過食評 ，唔識寫😅😅😅😅😅😅😅淨係識食😝😝😝😝😝😝😝😝， 幫襯過大叔拉麵幾次 ，只能夠講 感覺上比日本更日本 ，職員每次嘅態度都令我覺得被尊重又親切坦白講 去酒店食都冇咁好招呼👍🏼👍🏼👍🏼👍🏼👍🏼👍🏼 ，真心希望佢哋嘅努力會得到回報 ，亦都希望其他餐廳真係好好咁學下 🙏🏻🙏🏻🙏🏻🙏🏻🙏🏻😂😂！至於食物， 只能夠講 、呢個價錢冇對你唔住！…………..

CGV買左飛睇戲，睇戲之前就諗住搵間餐廳食左晚餐先，經過見到佢地門面幾靚，就諗住試一試~店內有好多公仔佈滿牆上，應該系老闆既私人收藏，佈置得好靚，加分項~坐低之後店員推介我地order一人餐，一人餐包左拉麵+小食+飲品，感覺幾豐富，但因為重有唔夠一個鐘就要上去睇戲，所以都系決定簡單啲單點一個拉麵~大概等左10~15分鐘左右，碗拉麵就到左，賣相唔錯~ 但食落就唔系太岩我口味~首先系湯底，佢都幾濃，但就有種說不出來，同印象中拉麵湯底唔同既味道，睇番啲人話佢地主打無味精，可能就系因為錦，所以味道難以言喻…… 如果描述，我諗健康既味道都幾貼切~另外，我點單既時候拉麵硬度擇左偏硬既，但嚟到啲麵系非常軟既，都另我好失望~ 個面有好多配料，一大堆木耳絲同埋荀~ 好豐富，重有個溏心蛋系入面，好足料~慢煮博多地雞和牛骨湯拉麵HK$88 (另外10%服務費)唔岩我口味，但整體都唔算差，環境同服務態度都好好~

前排經過D2，見到呢間拉麵鋪，鋪頭外面啲裝修好特別。今日咁啱經過，就入去試吓啦。湯底佢哋用牛骨湯，而唔係主流嘅豚骨湯，感覺上冇咁肥膩。小小酸，就覺得幾惹味喎。糖心蛋唔錯，入味嘅，係鹹咗少少。拉麵嘅雞肉用慢煮，其實本身唔太鍾意用呢個方法煮嘅雞肉，因為雞肉咁煮一定會嚡，猶如食湯渣一樣。但係佢哋雞肉我都算接受到。豚肉我覺得煮得唔夠焾，而且好鹹。麵我覺得不過不失，基本上冇鹼水味就已經OK。間鋪裝修都好別緻嘅，入面有唔少水怪精品。因為得自己一個，安排咗我坐吧枱位。落單嗰陣無嘢，但開始食嘢嗰陣就發現問題。吧枱啲凳整得太高，變咗張枱太低，要烏低個身食嘢有啲辛苦。

今次HANGYODON x 大叔拉麵期間限定店！！有一系列嘅HANGYODON 食品無諗過臨尾幾日去都重要排隊 ❣️Hangyodon北海道紅豆酥配熱白桃烏龍茶呢個水怪造型嘅紅豆酥，一上枱即刻拎住叫影相❣️Hangyodon 黑松露雞白湯拉麵見到已經心心眼紫菜同原隻流心蛋都印有水怪樣💓好cute唔捨得食！雞白湯底好濃，店主一直強調零味精！❣️Hangyodon辛辣中華冷麵幾足料配料有青瓜蘿蔔絲 火腿絲 蛋絲佢寫係有少少辣 但其實只係蒜頭既辣味味道比想像中好食最大賣點係免費送一個冷麵碗 有水怪圖案！💕餐廳舒適，裝修好有日式style

呢間位於荔枝角長順街15號D2 Place TWO 3樓314號舖噶大叔拉麵，今日同朋友因為區噶水怪主題，決定入去食區，水怪真係好得意。去到6月14號就完啦！環境闊落，外面都有水怪牌可以影相，整體都幾特別。廣島蠔赤地獄拉麵，豬骨湯濃，拉麵質地軟硬適中，吸收左湯汁，每啖都有豬骨湯噶味道，辣度都係可以接受噶範圍，蠔噶size一般，比想像中細左一DD，整體不錯。Hangyodon特色章魚燒，外層香脆黃金，裡面軟糯，加上牛油果醬口感幾特別。大阪燒餃子，皮薄脆，加上木魚，沙拉醬，好似大阪燒噶感覺。今日呢餐都幾滿足。

如題，位男店員全程都好好禮貌。我食嘢果陣得呢位店員招呼客人，冇見到其他食評講嘅女店員。食物嘅質素唔錯，價錢ok，而且點完嘢食好快就整好有得食。今次為咗食期間限定嘅冷麵，冇食到牛骨湯拉麵，希望不久嘅將來有時間過嚟試下。題外話，因為我都做緊廚房（日本餐），所以覺得廚房整緊湯果位師傅都係幾好相處嘅人，如果我嚟緊有得part住D類似男店員同廚房位師傅咁嘅同事就好喇。

我地終於食到大叔拉麵嘅水怪系列啦！鐘意水怪嘅朋友趁呢2日要去食啦， 因為水怪系列14/6就會完lu ! 店外店內都有很多以水怪為題嘅打卡位，店員仲會借出不同水怪打卡牌同埋汽球來影相📸至於餐點方面，水怪有一個專屬餐牌而家叫Hangyodon 辛辣中華冷面仲會送出隻冷麵碗俾你攞返屋企😍😍我地今次揀咗🥖Hangyodon 日式慢煮西班牙黑豚肉包 包面印有水怪&水怪大叔圖案🤗夾住慢煮的黑豚肉，肥瘦適中，味道剛好，襯埋日式芥辣就更加美味。🍜 Hangyodon 黑松露雞白湯拉麵 無添加味精雞白湯底濃而不膩，黑松露味十分重，chef recommended texture 嘅拉麵，軟硬適中！紫菜和流心蛋外表都印有獨特的水怪圖案，令人唔捨得食🤭🍮 Hangyodon日式焦糖布甸布甸上有兩張印有水怪嘅糖紙作 Decoration，睇得又食得👍🏻 雞蛋布甸香滑，甜度適中，配埋新鮮水果真係好好味😋我地仲係regular menu 揀咗個每日限定50份嘅🐮鹿兒島和牛牛骨湯拉麵和牛肉片又香又嫩，入口即溶！無味精足料牛骨湯底好濃郁，一啖麵一啖湯，襯埋木耳、大蔥、紫菜一齊食，非常美味！

平時餐廳做卡通crossover 我都會帶👦🏻去食，所以今次大叔crossover 聯乘水怪我地又岀動❤️本身想叫HANGYODON辛辣中華冷麵，因爲$128係包隻碗送架，點知👦🏻要揀🍜鹿兒島和牛、紫菜和牛骨湯拉麵，原來係限定每日50碗，幸好早去到先有得食。湯底够熱，又滿滿骨膠原，無味精，所以我同👦🏻食完都唔洗飲水，最正係我飲哂成碗湯，另外加配日式博多雞肉🐙特色章魚燒:幾有特色，用香腸做章魚燒腳，而我最愛牛油果撻，令食落唔肥膩🥖日式慢煮西班牙黑豚肉包:肉質鮮嫩多汁,包上印有水怪，吸引👦🏻食🦪吉列廣島蠔:外酥內嫩,估唔到👦🏻都肯食。🥟羽根煎餃子:有3或5隻選擇，好岩想食但又洗叫太多。🍴 明太子雞翼:酥脆的雞翼皮,配上濃郁的明太子醬汁鹹香味濃郁。