大叔拉麵

營業中

休息中

本來諗住喺金鳳鋸扒太多人，結果見佢冇乜人，唔知道呢間嘢原來咁出名食拉麵本身仲諗住去食丼飯。結果入到去坐低所有當飯都已經賣晒。賣晒都唔收埋個牌冇辦法啦唯有叫拉麵。同行嘅兩位朋友仔叫咗白湯我自己就叫咗個櫻花蝦辣味拉麵本身我嘅拉麵剩係得半隻蛋，另外嗰一隻蛋係朋友俾我嘅。你地睇吓相嗰隻蛋剝殼剝到甩皮甩骨咁。稍為對自己有少少要求嘅餐廳應該都唔會咁啩。同另一位朋友對於呢隻糖心蛋嘅評價係超級鹹。再試吓佢個湯，只有辣嘅味道。唔好講話櫻花蝦嘅味。連普通湯底嘅鮮味都冇。真係極度失望，仲要收我$130(連埋+1）同行嘅兩位朋友仔都嗌咗雞白湯話一啲味都冇，完全唔係日本正宗味道。真係非常浪費金錢同埋失望，大家千祈唔好試

大叔拉麵位於D2 Place ，餐廳地方好骨子，有一排bar枱位同3、4張卡位，周圍都放落好多小飾物。我個日訓晏左🤏，出到荔枝角都差唔多2點，但係餐廳都接近坐滿，剛好bar 枱有位唔使等。我今次叫左廣島蠔赤地獄湯拉麵，朋友就叫左炙燒西班牙黑豚肉和牛骨湯拉麵，再加大阪燒餃子share 食。………………………………………………廣島蠔赤地獄湯拉麵 ⭐️⭐️⭐️⭐️ $128湯底幾好味，平時食開譚仔3小辣的我覺得辣度適中，唔會得個辣字，不過食到後段都流鼻水。配料有三隻廣島蠔、荀、大量黑木耳同蔥。麵質較幼，軟硬適中。炙燒西班牙黑豚肉和牛骨湯拉麵⭐️⭐️⭐️⭐️ $98配料有幾片叉燒同溏心蛋，一樣有荀、大量黑木耳同蔥。大阪燒餃子⭐️⭐️⭐️$48/ 5隻大阪燒嘅醬汁好惹味，餃子餡的肉質都唔錯，不過餃子皮唔脆。………………………………………………餐廳服務幾好，兩位女侍應都好有禮貌好有笑容，bar 枱位可以望到廚師煮麵，睇得出餐廳有用心經營。

炙燒西班牙黑豚肉和牛骨湯拉麵 之前係呢到食過牛骨湯味，覺得係好味嘅。牛骨湯味道濃郁，有牛骨髓嘅香味。麵條爽彈，有啲似中式麵嘅感覺。肉係厚切叉燒嘅味道，味道唔錯。海綿寶寶套餐 $168鹽醬柚子雞白湯拉麵雖然預期係有柚子味，但係飲落去，覺得柚子味太強烈啦，好似飲緊柚子茶一樣，蓋過晒雞白湯嘅鮮甜味。我會希望雞白湯嘅味道重啲，再配以輕微嘅柚子味嚟提味，而家覺得太over power，我個人口味就麻麻。另外有幾個雞卷，佢可能想做到係慢煮嘅效果，但係我感覺仲係生嘅。麻麻。豆腐胡麻雞肉沙律普通沙律菜配以胡麻醬，正常味道。豆腐上邊有海綿寶寶嘅樣，冇調味，主要就係食豆腐本身好清淡嘅豆味同甜味。另外上邊鋪咗啲雞絲。我覺得太生。冇食到。芒果特飲 ： 普通，唔多芒果味。雖然平時飲嘢係鍾意少甜。但係呢個直頭係冇咩甜味。

🍜鹽醬柚子雞白湯拉麵呢個柚子雞白湯拉麵係媽媽我嘅最愛，估唔到柚子味同拉麵可以咁夾，酸酸甜甜嘅湯底加埋煙煙韌韌嘅拉麵，真係食到停唔到口呀🥗豆腐胡麻雞肉沙律濃郁芝麻香氣配搭鮮嫩嘅雞肉，而嫩滑嘅豆腐上面都有派大星同章魚哥嘅圖案，除咗擺盤造型可愛之外，沙律嘅味道更加係清新可口🍓士多啤梨特飲清香鮮甜嘅士多啤梨特飲，飲落濃稠得嚟又唔會太甜膩，澄澄最愛呀🥭芒果慕絲幼滑芒果慕絲口感豐富，配搭海綿寶寶嘅造型，可愛到完全唔捨得食呀

海綿寶寶粉絲揮手區🙌🏻✨大叔拉麵🍜聯成海綿寶寶🧽SpongeBob SquarePants除咗成間店都係海綿寶寶之外 仲有好多限定精品可以加購帶返屋企💓海綿寶寶Course Set✨套餐性價比好高 期間限定送海綿寶寶杯一隻🤩🧽鹽醬柚子雞白湯拉麵🍜一開始就被海綿寶寶玉子吸引住😆湯底柚子味濃 拉麵軟硬適中雞肉口感嫩滑 配菜都好多 份量剛剛好 怕大份亦可以選擇少麵🙌🏻🧽豆腐胡麻雞肉沙律3件豆腐都印有圖案 真係好吸引超級鍾意沙律菜配胡麻醬 非常開胃嘅前盤💓🧽士多啤梨🍓特飲海綿寶寶特飲都好可愛😍棉花糖印有粉紅色海綿寶寶圖案✨酸酸甜甜味道不錯👍🏻另外，仲加埋甜品😆仲可以加購換埋期間限定海綿寶寶毛巾🙌🏻🧽海綿寶寶芒果慕絲擺盤好吸引😍流心芒果慕絲有埋果肉 推薦🫶🏻

拉麵一向都係阿仔最愛，今次呢間拉麵鋪crossover 阿仔成日睇嘅SpongeBob, 當然要帶佢來朝聖啦！海棉寶寶聯成造型套餐，呢個套餐所有食品都有SpongeBob 唔同嘅characters, 仲有得送1隻特別版嘅杯，好抵👍🏻 場內仲會播返SpongeBob 嘅歌，好有feel! 🍜鹽醬柚子雞白湯拉麵鹽醬柚子雞口感嫩滑，湯底嘅柚子味好香、濃而不膩，麵嘅分量十足🥗 豆腐胡麻雞肉沙律沙律菜非常新鮮，加埋胡麻醬，夠醒胃，配搭三塊豆腐印有SpongeBob 嘅好朋友樣子，喜感十足。🥭 芒果特飲特飲配有SpongeBob 棉花糖，很可愛。飲品奶味很重，很香滑，唔算太甜，味道剛好，如果芒果味再重啲就好☺️🍗 日式炸雞包配芥辣沙律醬包嘅質地好好，炸雞外脆內軟，配埋特色芥辣沙律醬，味道一流！🌶️七味雞肉沙律面層嘅雞蛋印有SpongeBob 嘅雙眼👀，造型好搞笑。七味粉撈雞肉沙律菜，非常特別嘅配搭！叫呢個沙律仲會送ramen bowl, 阿仔超開心！

有crossover嘅餐廳就最啱我地一家大細去食, 去開荔枝角 D2 Place, 見到 大叔拉麵 crossover 海綿寶寶X係要入去朝聖下.我地試左:-鹽醬柚子雞白湯拉麵柚子香好清新, 配埋雞白湯湯底又真係幾特別, 再加埋嫩滑嘅雞卷, 好啱小朋友食. 豆腐胡麻雞肉沙律豆腐夠滑, 雞肉 +香濃胡麻醬, 好食到停唔到口士多啤梨特飲絕對係消暑之選, 酸酸甜甜較得好好. 上面仲有可愛嘅海綿寶寶棉花糖, 真係又好味又可愛!總結: 一直想試大叔拉麵, 今次終於試到, 感覺食物質素 + 店員服務 都係好好👍🏻

🌟鹽醬柚子雞白湯拉麵味道不太鹹的拉麵最適合我們有少少柚子味道的雞肉白湯拉麵，軟硬適中可以按照自己的喜好去選擇，碗中又可愛的海綿寶寶造型玉子。🌟豆腐胡麻雞肉沙律很特別的豆腐，印有海綿寶寶卡通內的太大聲和章魚哥造型，外型非常可愛，有沙律菜和雞肉的配合，十分開胃。🌟芒果特飲芒果特飲的造型非常吸引小朋友，細佬一見到有海綿寶寶的棉花糖就雙眼發光，芒果味十足的特飲很適合夏天飲用。🌟日式炸雞包配芥未沙律醬炸香的雞包配上有惹味的芥辣沙律醬，味道非常配合不過如果太細小的小朋友就不建議吃，因為有少少微辣。造型相當可愛，雞肉亦可口。

香港必去嘅拉麵🍜小店海綿寶寶期間限定主題拉麵店😍即使你無睇過套卡通，佢D精品賣到通街都係，你無理由無見過！這個新龍嘅海綿真的很有趣🤣想當年仲以為係食得嘅芝士…最近D2 Place 有間海綿寶寶聯乘大叔拉麵期間限定拉麵店 ！🟨海綿寶寶 course set ($168 )鹽醬柚子雞白湯拉麵 🍜用玉子印出海綿寶寶大頭樣真係好夾🤣柚子雞白湯有淡淡柚子香味，仲有三件非常嫩口慢煮嘅雞塊👍🏻👍🏻豆腐胡麻雞肉沙律 🥗每塊豆腐印上海綿寶寶角色造型，雞肉沙律份量足，沙律菜新鮮！芒果特飲或士多啤梨特飲🧉最吸睛一定係特飲！ 每杯有造型棉花糖，我地叫咗士多啤梨特飲都真材實料，甜甜酸酸士多啤梨真果肉打成~~最最最緊要係套餐價錢已包含期間限定海綿寶寶杯一隻🥛！隻杯做料好靚，圖案亦超級精緻。就算我唔係海綿寶寶BIG FANS 都好鐘意！店內亦有其他拉麵，小食 ~~大叔拉麵本身主打嘅雞白湯/和牛骨湯拉麵~~雞白湯底比較清同鮮甜，和牛骨湯底就濃郁既牛骨味，各有Fans~~期間限定海綿寶寶 x 大叔拉麵 由4月17開始，好似做大概只做一個月快閃而已，想打卡嘅自己留意日期。成個餐份量超足夠，食得很滿足😍👍🏻必定推介下次一定

有冇海綿寶寶嘅粉絲向度嘛？趁住復活節假期帶住兩兄妹玩下食下，呢日去左荔枝角D2 place行街食「大叔拉麵」。SpongeBob SquarePants 主題限定，推出左SpongeBob 拉麵餐 $168會包一碗拉麵一碟沙律同特飲（*免費有隻可愛海綿寶寶杯）🤩🍜鹽醬柚子雞白湯拉麵, 🥗豆腐胡麻雞肉沙律，🍋芒果/🍓士多啤梨特飲。有冇海綿寶寶嘅粉絲向度嘛？趁住復活節假期帶住兩兄妹玩下食下，呢日去左荔枝角D2 place行街食「大叔拉麵」。SpongeBob SquarePants 主題限定，推出左SpongeBob 拉麵餐 $168會包一碗拉麵一碟沙律同特飲（*免費有隻可愛海綿寶寶杯）🤩🍜鹽醬柚子雞白湯拉麵, 🥗豆腐胡麻雞肉沙律，🍋芒果/🍓士多啤梨特飲。鹽醬柚子雞白湯拉麵先嘗湯底咸中帶有陣陣清新柚子味，麵質軟軟，雞卷鮮嫩厚肉！仲有脆脆既炸金菇做配菜，很驚喜口感。豆腐胡麻雞肉沙律三片豆腐都印有海棉寶寶角色圖案🤭雞肉同樣嫩滑，沙律菜同雞肉混合了胡麻醬清爽香濃又美味吖😋🍓士多啤梨特飲特飲上印有Patrick大派星好鬆軟既棉花糖好得意呀，用鮮果同牛奶打製而成，再加埋厚而幼滑既忌廉非常鮮甜，小朋友

份量足夠，但味道在合格以下，感覺浪費了一餐的quota , 希望餐廳能改善食物質素。座位编排也很奇怪，明明有空位也一定要搭枱，聽著對面的吸麵聲，真的倒胃口，建議寧可坐吧枱！

海綿寶寶 你一定識！ 即使你無睇過套卡通，佢D精品賣到通街都係，你無理由無見過！當年我仲成日覺得佢係塊芝士🤣最近D2 Place 有間海綿寶寶聯乘大叔拉麵期間限定拉麵店 ！🟨海綿寶寶 course set ($168 )▪️鹽醬柚子雞白湯拉麵 🍜用玉子印出海綿寶寶大頭樣真係好夾🤣柚子雞白湯有淡淡柚子香味，仲有三件非常嫩口慢煮嘅雞塊▪️豆腐胡麻雞肉沙律 🥗每塊豆腐印上海綿寶寶角色造型，雞肉沙律份量足，沙律菜新鮮！▪️芒果特飲或士多啤梨特飲🧉最吸睛一定係特飲！ 每杯有造型棉花糖，我地叫咗士多啤梨特飲都真材實料，甜甜酸酸士多啤梨真果肉打成~~最最最緊要係套餐價錢已包含期間限定海綿寶寶杯一隻🥛！隻杯做料好靚，圖案亦超級精緻。就算我唔係海綿寶寶BIG FANS 都好鐘意！同場購買任何期間限定食品或飲品仲可以$88加購海棉綿寶寶限定毛巾🧣tim~~店內亦有其他拉麵，小食 ~~大叔拉麵本身主打嘅雞白湯/和牛骨湯拉麵~~雞白湯底比較清同鮮甜，和牛骨湯底就濃郁既牛骨味，各有Fans~~期間限定海綿寶寶 x 大叔拉麵 由4月17開始，好似做大概只做一個月快閃而已，想打卡嘅自己留意日期。

以前好耐之前已經食過荔枝角D2 Place嘅呢間大叔拉麵，當時對佢嘅蝦湯拉麵真係覺得驚為天人！最近發覺佢哋同海綿寶寶做緊collab，作為粉絲嘅我，梗係要再嚟支持吓啦！今次約埋幾個朋友一齊嚟，叫咗必點嘅海綿寶寶拉麵餐之外，都有叫赤燒西班牙黑豚肉和牛骨湯拉麵同慢煮多地雞和牛骨湯拉麵。海綿寶寶拉麵餐包一杯飲品，一個拉麵同埋一個沙律，主打都係慢煮雞肉，所以口感絕對唔會嚡，保持到嫩滑兼juicy！ 個沙律都好新鮮，至於飲品我哋就揀咗芒果lassi，唔會太甜，真係唔錯！要呢個套餐更加會包一個海綿寶寶杯，真係勁靚，絕無馬虎！和牛湯底亦都相當清甜，一啲都唔油膩，呢度嘅叉燒西班牙黑豚肉都真係好正，好好地$1 ，肥瘦剛好，入口即溶！

復活節假期又到親子時間😃今日同小善去咗荔枝角 D Two Place 二期食拉麵🍜我哋叫咗海棉寶寶聯成造型套餐😄鹽醬柚子雞白湯拉麵，拉麵湯底好濃味，麵質感好細軟，鹽醬柚子雞咬落口感好嫩滑😋豆腐胡麻雞肉沙律，三塊豆腐印有海棉寶寶圖案好可愛🤭雞肉口感好嫩滑，加埋胡麻醬好開胃😋芒果特飲，芒果奶香味，小朋友最鐘意飲😋七味雞肉沙律，面層係雞蛋，七味粉撈向雞肉咁食又幾特別👍🏻海棉寶寶芒果甜品，餅底朱古力味，甜品造型勁似海綿寶寶😆芒果味好好食，大人同小朋友都食得甜在心😋

呢間拉麵店真係伏到爆，完全唔知自己食緊啲咩。個湯底勁普通，又冇乜味，啲拉麵又差，口感好差，完全冇拉麵應有嘅水準。呢啲質素賣 40 蚊就差唔多 但佢竟然收成 100 蚊以上，簡直離晒譜！服務態度又衰，啲員工黑口黑面，好似顧客欠咗佢錢咁。啱啱食完冇耐就行埋嚟趕我走，淨係想快啲輪到下一個客，完全冇顧及食客感受。啲座位又細又逼，坐得極唔舒服，根本完全唔值呢個價錢。講真，免費送都未必食，搞唔明佢點解可以賣咁貴，一啲都唔值！香港拉麵選擇咁多，真係唔使嘥錢幫襯呢間，食完包你嬲爆！