影片
更多
2023-03-26
1120 瀏覽
每次一去到啲阿姐都大大聲話幾位呀！好似喝狗咁樣，個個黑口黑面，唔知係咪太忙定係情緒年齡問題，落單態度勁差，問人地要咩呀！最近一次初一自己去食下午茶，一坐底，冇一個係會自動自覺拎餐牌比客人，要叫先拎，重要好唔願意掉係張枱到就走左去，首先叫左個凍豆腐，再一個蒸餃子，蒸餃子黎到我怕啲餃子凍，叫一個姐姐比個蓋我，佢就係廚房拎隻白色膠碟比我，我話我要個蓋喎！佢就話啲蓋洗晒！咁樣我話唔洗啦唔該晒！姐姐黑晒面咁拎番隻碟入廚房，我想知道，點解啲籠蓋洗晒唔可以比個客人用嘅呢？我都係做飲食業，而家啲服務態度咁樣，會唔會衰左啲呢？唔想做就可以選擇唔做，每個客人黎到光顧，客人就係你地老細，無客人黎食野，邊個出糧比你地，重要收加一服務費，問心有咩權利去收呢？重有，我果日食左$80.4，專收錢姐姐話＄80蚊得啦！點知又收左＄81蚊，加一都唔止重要拎埋果幾毫子，我覺得好唔合理囉！個個都收多幾毫，你地如果有得出貼士咪好多？有一次我真係好嬲，有一日十五，又係下午茶時間3點鐘，坐我格離個姨姨食唔晒，叫左個姐姐拎個袋黎袋幾舊壽司，我聽住又係專收錢果個姐姐，話等等呀！起碼等左十分鐘，我覺得你忙住埋單，可以叫其他同事去幫你拎，
有一次我真係好嬲，有一日十五，又係下午茶時間3點鐘，坐我格離個姨姨食唔晒，叫左個姐姐拎個袋黎袋幾舊壽司，我聽住又係專收錢果個姐姐，話等等呀！起碼等左十分鐘，我覺得你忙住埋單，可以叫其他同事去幫你拎，拎個袋要用你幾多時間，我就忍唔住出聲，唔該姐姐阿姨叫你地比個袋成十分鐘都未拎到黎，係咪真係咁忙呢？阿姨都望住我打左個突話算啦！重要唔找番錢比阿姨，個袋要收錢嘅係找錢到扣，跟住專收錢果個姐姐大大聲話得幾毫子咋嘛！找咩呀！即係要比錢嘅你可以出聲，一蚊算係咩！幾毫子唔係老鳳收埋唔洗找，你服務態度好嘅，點止得幾毫子貼士，自己問心，出到去食野，啲侍應咁嘅態度重點會食得開心。
同上初一，有個客人叫拎多壺熱水，有個短髮姐姐話張枱有無位擺呀！好似唔想比咁，客人話一壺熱水有幾大呀！個姐姐死死地氣咁去扲熱水比客人，重要係背口同同事講客人壞話，要咁多茶水重乜啫，我真係唔知覺得好嬲定好笑
其實啲間分店我只覺得一個係有笑容嘅係著黑西裝嘅姐姐好好，雖然我無同過佢講過一句嗎，其他無一個係有笑容，好似黎食野受罪咁，個姐姐好似有戴眼鏡，啲個我唔記得，希望啲間分店嘅店長同啲姐姐傾下開個會，笑容多啲態度好啲，如果有貼士出都開心啲啦！係咪呀！無客人黎食，你地重有工做咩！
張貼
