影片
更多
2021-11-21
2642 瀏覽
爸爸九十三歲生日🎂，真係揾咗好多間餐廳酒樓都唔知可以安排佢食乜。首先要就佢唔可以離屋企太遠(路程遠佢會攰)，又要諗佢食唔食到(佢冇乜牙而且唔食得辣)。 結果，就揀咗去呢間食北京菜(馬後炮咁講，其實啲餸菜比較熱氣，我都有少少揀錯)。 因為有七個人，但又唔係好識單叫，於是就叫餐廳推介啲套餐。睇來睇去，結果都係揀咗呢個~ 前菜: 老醋蜇頭，雞絲粉皮，麻辣肚絲 麻辣肚絲真係麻辣到冇朋友，我哋七個人當中，得一兩個人食得到😂，食完個口仲會好麻，不過佢哋話好滋味喎(我食唔到，no comment)。 雞絲粉皮就冇得輸啦(不嬲都係我嘅至愛)，雖然唔算係北京菜 ಠ_ಠ 海蜇頭算係清清哋嘅菜式(前菜)，冇乜特別可以挑剔 ╮(╯▽╰)╭ 宮保大蝦🍤(走辣)，正宗嘅宮保大蝦梗係有少少辣，不過為咗要就我爸爸，唯有厚住面皮問餐廳可唔可以走辣，結果佢哋話冇問題，酸酸甜甜幾好😅🤭 (˶‾᷄ ⁻̫ ‾᷅˵)不過我真係好感謝佢哋，就我爸爸更改佢哋嘅菜式。 柚子魚，我唔知道會係有少少辣，好彩我爸爸都食到。撇除個人口味話食唔食得辣，我覺得呢條柚子魚幾好，佢嘅柚子汁好refreshing，減低條魚嘅煎炸感，我唔食魚嘅都食咗好幾舊。
結果，就揀咗去呢間食北京菜(馬後炮咁講，其實啲餸菜比較熱氣，我都有少少揀錯)。
因為有七個人，但又唔係好識單叫，於是就叫餐廳推介啲套餐。睇來睇去，結果都係揀咗呢個~
前菜: 老醋蜇頭，雞絲粉皮，麻辣肚絲
麻辣肚絲真係麻辣到冇朋友，我哋七個人當中，得一兩個人食得到😂，食完個口仲會好麻，不過佢哋話好滋味喎(我食唔到，no comment)。
雞絲粉皮就冇得輸啦(不嬲都係我嘅至愛)，雖然唔算係北京菜 ಠ_ಠ
海蜇頭算係清清哋嘅菜式(前菜)，冇乜特別可以挑剔 ╮(╯▽╰)╭
104 瀏覽
0 讚好
0 留言
宮保大蝦🍤(走辣)，正宗嘅宮保大蝦梗係有少少辣，不過為咗要就我爸爸，唯有厚住面皮問餐廳可唔可以走辣，結果佢哋話冇問題，酸酸甜甜幾好😅🤭
(˶‾᷄ ⁻̫ ‾᷅˵)不過我真係好感謝佢哋，就我爸爸更改佢哋嘅菜式。
63 瀏覽
0 讚好
0 留言
柚子魚，我唔知道會係有少少辣，好彩我爸爸都食到。撇除個人口味話食唔食得辣，我覺得呢條柚子魚幾好，佢嘅柚子汁好refreshing，減低條魚嘅煎炸感，我唔食魚嘅都食咗好幾舊。
45 瀏覽
0 讚好
0 留言
北京填鴨(一隻)，正宗嘅北京填鴨，其實係得塊皮，唔應該切咁多肉。不過而家好多餐廳都會就香港人嘅口味習慣，因為好多人覺得冇乜肉就好似好唔抵咁。不過我覺得佢哋嘅水準還好，起碼上菜嘅時候，仲有少少微暖嘅感覺，唔係凍冰冰。
56 瀏覽
0 讚好
0 留言
草梱牛骨(走辣)，反而我估唔到呢一味餸大家會有咁高度嘅評價。我個人覺得佢好有牛味，不過有啲牛羶味，但接受到，其他屋企人直情係讚不絕口🤷🏻♀️
其實我哋有叫佢走辣，不過佢應該冇走到，仲係辣嘅。又或者呢個餸根本冇得走辣，唔緊要，最緊要好味(爸爸咪食少樣囉😅)
50 瀏覽
1 讚好
0 留言
京燒排骨架，佢嘅肉整得好淋好入味，一叉開條骨，啲肉就散晒出嚟。正
31 瀏覽
0 讚好
0 留言
小籠包八隻，普普通通，不過不失。
29 瀏覽
0 讚好
0 留言
另加嘅京牌炒飯，啲蝦份量好足，價錢合理($98)，其實我都係為咗我爸爸有啲飯落口先叫啫。
27 瀏覽
0 讚好
0 留言
上湯時蔬，佢比菜苗我哋，本來我以為會係啲菜心啊雜菜咁。不過佢啲菜苗有啲渣，唔係好幼嫩嗰隻。
25 瀏覽
0 讚好
0 留言
炸芝麻丸，唯一嘅甜品(我哋自己有帶蛋糕去)，唔係好甜，啱我口味。
22 瀏覽
0 讚好
0 留言
成張單$2798(冇收茶介)，我帶咗個蛋糕去切，只係加咗我$60切餅費，我覺得非常合理。
呢間餐廳嘅侍應好有耐性，好有心去介紹每一道餸菜，同埋會聽取我哋嘅要求，我覺得絕對係一讚。
張貼
