影片
更多
2025-01-01
953 瀏覽
同家人諗住慶祝生日喺OpenRice見到呢間餐廳有200幾個好評，諗住嚟試吓同屋企人食餐好啲，點知中伏中到咁。OpenRice預訂咗枱一行十人，去到俾咗兩張枱我，總共三個爐，分別六個人同四個人咁坐，入嚟都知道用餐時間90分鐘，但我覺得成個用餐經驗，絕對係我喺香港食過最惡劣嘅餐廳。首先一張四人枱先點餐，隨後六人枱點餐時，同佢講想要一個set餐 ，然後未叫完，一個疑似經理即刻已經用一個非常冇禮貌嘅態度講，個餐只係兩至三人嘅份量，而今日餐廳有最低消費，每一個爐最少叫一個set餐，或者三份單點肉，其實未叫完，你已經搶着嚟講，呢啲就係你哋餐廳招呼客人嘅態度？同埋你咁講係覺得我哋唔會再叫其他嘢食？而當時六人枱其中一個爐，長期處於冇火狀態，已經叫職員處理咗兩次，職員當時亦表現出極度不耐煩。食咗一個小時後，職員突然拎咗張單出嚟，同我哋講用餐時間得返半個鐘，而家last order，再叫我哋埋咗張單佢 ，當時完全比消費者嘅感覺係想趕我哋走。其實唔講，我以為自己食緊快餐店，但係用一個咁嘅價錢嚟食快餐，仲要食到一肚氣。食到最後15分鐘，拎咗個生日蛋糕入嚟餐廳 ，職員當時同我哋講，我哋用餐時間唔夠我哋再食個蛋
同家人諗住慶祝生日喺OpenRice見到呢間餐廳有200幾個好評，諗住嚟試吓同屋企人食餐好啲，點知中伏中到咁。
OpenRice預訂咗枱一行十人，去到俾咗兩張枱我，總共三個爐，分別六個人同四個人咁坐，入嚟都知道用餐時間90分鐘，但我覺得成個用餐經驗，絕對係我喺香港食過最惡劣嘅餐廳。
首先一張四人枱先點餐，隨後六人枱點餐時，同佢講想要一個set餐 ，然後未叫完，一個疑似經理即刻已經用一個非常冇禮貌嘅態度講，個餐只係兩至三人嘅份量，而今日餐廳有最低消費，每一個爐最少叫一個set餐，或者三份單點肉，其實未叫完，你已經搶着嚟講，呢啲就係你哋餐廳招呼客人嘅態度？同埋你咁講係覺得我哋唔會再叫其他嘢食？而當時六人枱其中一個爐，長期處於冇火狀態，已經叫職員處理咗兩次，職員當時亦表現出極度不耐煩。
食咗一個小時後，職員突然拎咗張單出嚟，同我哋講用餐時間得返半個鐘，而家last order，再叫我哋埋咗張單佢 ，當時完全比消費者嘅感覺係想趕我哋走。
其實唔講，我以為自己食緊快餐店，但係用一個咁嘅價錢嚟食快餐，仲要食到一肚氣。
食到最後15分鐘，拎咗個生日蛋糕入嚟餐廳 ，職員當時同我哋講，我哋用餐時間唔夠我哋再食個蛋糕，所以唔俾我哋喺餐廳食，想問餐廳就係俾個咁嘅餐飲服務經驗我哋？最後無啦啦職員又清咗我哋張枱俾我哋食埋個蛋糕。當然我哋都係以光速食完個蛋糕即刻走。
除非大家想體驗光速食韓燒，同埋咁嘅服務質素，
如果唔係真係千祈唔值得俾錢受氣。
最後想同大家講食物質素正常冇太大特別。
而我覺得用呢個價錢絕對可以出去食到一啲好好食同埋好有服務質素嘅餐廳 。
張貼