吉地士

營業中

休息中

朋友送左半島酒店套票，包8000蚊飲食積分。咁預約左Gaddis。行入去個下，好古典啊。第一次食咁貴既法國餐，心情都好興奮。服務好，熱情有禮。環境一流。上的餐前麵包都好好食。因為帶埋阿囡去，所以先整個主菜俾佢，等佢唔好叫肚餓。但個seabass啲肉，都好淋，無乜海魚既結實感。我哋個主菜真係麻麻地。我叫既係鴿肉，盡量熟，出黎既邊邊，都可以接受，但厚肉部分真係血淋淋，我唔敢食啦。老公既牛扒無乜扒味。佢話其實上一塊好既牛扒俾佢，好過呢度用truffle包邊。蓋過啲肉味。3個主菜都食剩大半。甜品不過不失。我覺得晚上應該可以選擇4個course既餐。6個course真係食得辛苦。唔食又浪費。我個囡話，半島酒店好靚啊，下次仲要黎，不過唔好去Gaddis啦。