咖吔

營業中

休息中

下晝1點45分入座，我個friend食咗飯我未食飯佢上水陪我，所以我哋兩個人叫咗一個set lunch另外再加多一份咖央多。set lunch試咗呢間餐廳嘅新加坡喇沙，飲品就揀咗熱嘅南洋白咖啡。呢度嘅喇沙配料有半隻溫泉蛋、開邊切嘅蝦、仲有魚蛋同埋豆腐卜，麵就係傳統嘅油麵溝米粉。個湯底唔算好辣不過就好香。杯南洋白咖啡都幾香。咖央多比較薄身，入面夾住咖史央醬同埋牛油。呢度嘅侍應都幾細心，雖然我哋幫襯嘅時間都好忙，但係見我哋兩個人只叫咗一個餐，都主動攞一個碗仔畀我哋。