越風味地道越南料理

營業中

休息中

今日去朗豪逛，逛到肚仔餓，於是去砵蘭街睇下有咩嘢食，見有間越式菜館，突然好想食撈檬，就決定入去食個晚飯。店舖裝修簡潔，座位闊落舒適，店員服務尤其貼心有禮，有種街坊小店嘅氛圍，呢點响大形商場嘅食肆係感受唔到😁。香茅豬頸肉牛骨湯河 $68.-豬頸肉份量幾多，表面燒得焦香，肉質軟腍，河粉滑溜，湯底清香。自製春卷撈檬 $68.-春卷包咗勁多餡料，有肉碎、木耳絲、粉絲及紅蘿蔔絲。春卷炸得非常香脆，餡料濕潤味道清香，檬粉滑溜，撈埋甜酸汁一齊食，醒胃又消暑😍。手打蝦餅 $68.-蝦餅炸得香口乾身，口感彈牙有蝦味，點埋酸甜醬，零舍好食。馬拉炒通菜 $68.-通菜炒得香口，味道鹹香口感脆嫩，調味適中唔會好鹹，清清地又唔油膩，呢點幾讚。蒜蓉牛油雞翼 $58.-雞翼表面有層薄薄炸漿，炸得非常香脆，加上微微嘅蒜香牛油味，食落零舍香口惹味。鮮榨芒果沙冰 $38.-芒果味道天然，新鮮又清甜，無添加人造糖，沙冰非常幼滑，口感順滑又冰涼，消暑解渴一流。埋單先發現全日免收加一，真係抵食。