越風味地道越南料理

營業中

休息中

呢日喺油麻地睇完戲，出返黎有啲餓就邊行邊揾食，經過呢間店見幾光猛乾淨，最重要冷氣都ok就入去坐低咗難得weekend都可以叫tea set好扺食，我叫咗個生牛肉湯河 42蚊。個湯日常好味，另外有跟少少辣椒同青檸for吊味用，我唔好辣 淨係擠咗青檸汁入去，為個湯底添加少少清新，天氣熱個湯底咸咸酸酸比較開胃。生牛肉片個量都足夠，配返河粉個ratio啱啱好，雖然話就話係tea，但個份量其實都係regular，食完好滿足另外我仲叫咗杯華田，意外地唔會過甜，味道啱啱好　好滿意～

17:30以前都算下午茶，点单后可以加小食。和朋友点了两碗捞檬，口味正宗，很适合夏天吃。小食本来点了猪颈肉和春卷，老板推荐了软壳蟹，非常之赞！！整体来说可选的很丰富，下午茶时间来，就算胃口不大也可以多尝到几个不同菜色。工作日5点到，基本没人，大概半小时后就坐满了。看得出来有些是常客。位置在砵蘭街，油麻地地铁口出来几分钟就走到。店门头不大，但是店内装潢用心。很多细节看得出经营者的心思。老板人很nice，对外地游客也很友好。

喺openrice隨意搵到呢間餐廳，幾多好評，就嚟試吓，夜晚六點幾嚟到，入面冇乜人食，仲有店員企喺門口叫人入去食，反而對面馬路間越南餐廳就排晒長龍，即刻有少少驚會中伏，但係都照入去試吓。結果係完全冇中伏，食咗一陣七點幾左右都已經好多人排隊。燒豬頸肉湯河雖然睇落個燒豬頸肉好似唔係好燶，有啲白咁，但係其實食落已經燒得好香，好好食，份量都唔少。蝦餅撈檬蝦餅好食，好脆，又香又彈牙炸軟殼蟹反而遜色少少，炸粉比較大舊價錢唔貴，cp值高，兩個人食得好飽，餐牌菜式選擇好多。另外店員服的態度非常好，十分有禮貌，有耐性，好少可油麻地呢啲地鋪仲有咁有禮貌嘅職員，之後人多要我哋2人坐緊嘅4人位讓出一邊，都講咗幾次唔好意思。

🫶🏻生牛肉湯河牛肉唔會太老食落都OK牛肉份量都多😎🫶🏻雞絲撈檬撈檬配上甜酸醬酸酸甜甜幾開胃配上青瓜絲花生碎等配料幾有咬口🤤🤤令人食到停唔到口☺️☺️☺️

今日同朋友去食這間越南嘢 要了車頭河 3寶河 墨魚餅 mango沙冰 凍檸茶 碗粉唔熱 ,沙冰一般，個墨魚餅簡直不知所謂 3件薄片收78元 買相簡直似食剩比人食還說是越南空運來香港 不如這由歐洲空運可收多些價錢啦 算吧 這些小店唔會再去 其實香港真係太多這些垃圾食店 唔怪得個個都想大陸食嘢

這天午餐時間我們來到旺角食越南嘢生牛肉湯河湯底清甜，牛肉幾好味，保持住肉質嘅鮮嫩，份量都算有幾多片河粉滑，質地柔軟而有彈性Pho內有好多唔同嘅配料：芽菜、洋蔥、芫荽、青檸檬及辣椒等等，增添了多樣化風味及口感佢哋舖頭嘅辣椒真係唔好睇小切到細細粒，勁香辣😂另外，如果想湯底有更多唔同味道，都可以加調味😊越式雞扒太陽蛋飯越式雞扒充滿大蒜、及魚露味，仲有甜甜地嘅感覺；搭配新鮮的生菜、醃蘿蔔、香蔥及飯一齊食，整體味道更加豐富多樣。另外，佢嘅太陽蛋都煎得好靚，留心嘅蛋黃，加埋落飯一齊食更好味😊越南墨魚餅墨魚餅真係有越南直送過嚟，以半煎炸製作方法整成，外層少少酥脆，裏面有墨魚粒粒，口感勁彈牙與新鮮的菜絲和醬汁一齊食，增加口感層次，整體更清新。熱菜蜜冬天飲感覺滋潤，甜到啱啱好整體嚟講，呢間餐廳都幾抵食😊食物質素都唔錯😊

經過這家越南特色店，看菜單價格都挺便宜的，全日免加一，外賣八折，於是進去吃午餐，廚師全是越南人，菜品味道也是很正宗的越南風味！### 牛肉炒河各種食材搭配出來色彩斑斕，香氣撲鼻！河粉是細條，爆炒炒至完美的焦香，而且更加入味！還有豆芽、胡蘿蔔、炒蛋和洋蔥等多樣配料，讓整道菜的口感更加豐富。豆芽的清脆、胡蘿蔔的甜、炒蛋的香嫩以及洋蔥的辛辣，層層交疊，形成了絕妙的口味對比！### 招牌火車頭湯河湯底是經過長時間熬煮的高湯，味道濃郁而不油膩，完美地襯托出牛肉的鮮美。彈性十足的河粉好滑順，裡面有鮮嫩的牛肉、厚身的牛腩、紋理分明的牛𦟌，還有彈牙的招牌牛丸和扎肉，讓每一口都充滿了肉香！### 紅豆冰紅豆軟糯可口，彷彿在口中綻放，帶來一種自然的甜蜜感！

今日約左朋友交收手信 呢間之前食過覺得幾好食所以再encore!凍左好多 最岩食熱辣辣既生熟牛肉河牛肉唔鞋口好夠淋 河口都煮到岩岩好食完暖笠笠好舒服！青木瓜沙律 醒神開胃！呢個素春卷撈檬夠灑fresh 鐘意佢勁多菜 食落零負擔感 岩灑減緊肥既我！老闆力推牛油果沙冰 果然冇推介錯 飲落好creamy而且唔太甜 好好飲 而朋友飲既芒果沙冰都唔錯 好清新 小食叫左芒果軟殼蟹米紙卷share 味道都幾好 芒果竟然好甜最抵讚係老闆同員工既服務好周到 下次會再黎！

今日喺旺角上班放工後在附近揾嘢食，旺角有太多間餐廳選擇不過今日想試下食越南嘢，知道有間叫‘’越風味地道越南料理‘’嘅餐廳，去到門口已聽到街上行人話這間餐廳好食，所以決定入去叫個餐試下。餐牌有好多選擇有河粉，檬粉，飯，越式法包，沙津，米紙卷，小食拼盤，特色飲品等等...，職員極力推薦牛油果沙冰 $38真係無介紹錯，牛油果味道十分濃郁好Creamy真材實料，這個價錢真的好抵飲。天氣太熱飲杯沙冰凉入心頭。另外叫咗碗手打墨魚餅撈檬$68，墨魚餅咬落去外面香脆入面擔擔肉口感豐富配酸辣汁及魚露更加嘢味。如果黎快食個lunch都唔錯

越風味地道越南料理位於旺角，今日同阿仔買完波鞋，就過嚟開餐。餐牌選擇有好多，有越式湯河/檬類、越式撈檬類、太陽蛋飯類、越式咖喱飯、越風味明火即炒粉/飯、越式法包、越風味手工米紙卷、越風味沙律、越風味廚師推介、越風味特飲、港式飲品及啤酒。香茅牛肉太陽蛋飯：牛肉煮得軟腍，味道調教得宜，點埋蛋漿食，口感更加滑，用太陽蛋既蛋汁加埋牛肉汁嚟撈飯，輕易就成為一道美食。咖喱雞扒飯：餐廳對火喉控制得好準確，咖喱做得很出色，同時食到咖喱及椰漿味道，香濃而不辣，雞扒煎得香口，肉質嫩滑，沾滿惹味咖喱一齊食，別有一番風味。越式蝦多士：三角形狀既多士，外表炸得金黃酥脆，內裡既蝦膠鮮甜，入口順滑，加埋上面既芝麻，味道有驚喜。總括嚟講，食物有水準，味道出眾，價錢親民，越風菜推介。

旺角越風味地道越南料理，牆上掛滿斗笠和吊燈，充滿越南特色。生牛+熟牛湯檬：湯底用左牛骨和香蔥、芫茜、洋蔥等香料熬製而成，牛骨味道濃郁，清甜好喝，檬粉煮得恰到好處，又滑又薄又索湯，生牛肉呈粉紅色，在熱湯裡慢慢變色，食起上嚟，肉質鮮嫩，牛味突出，食越南菜必點。豬扒撈檬：豬扒煎完唔會好油膩，惹味香口，檬粉好爽滑，好鍾意佢個魚露撈檬汁，酸甜適中，配上清爽酸蘿蔔、炸蒜、青瓜絲、香蔥，口感十足。香茅雞中翼：雞中翼炸到外面金黃香脆，內裡肉質保持嫩滑，不用沾任何醬汁，都已經好好食。椰汁珍多冰：整杯充滿椰汁香氣，配料加左斑蘭色既粉條，煙韌Q彈，冰涼好飲。整體來說，餐廳位置方便，食物即叫即做，堂食全日免加一服務費，所以經常坐無虛席。

今日我去咗旺角一間越南小店，呢間店嘅餐牌簡單易明，老闆服務態度真係好好，仲不斷介紹食物同飲品！因為優惠時段，凡惠顧粉面、飯類等等都會奉送熱飲，真係超抵！我決定叫咗一碗河內熟牛肉湯河，仲有一個双色札肉撈檬，再加一個炸軟殼蟹米子卷，飲品方面我地叫咗一杯珍多冰同一杯熱檸水。首先，上到台面嘅係河內熟牛肉湯河，湯底清澈見底，味道香濃，牛肉切得厚薄適中，恰到好處，肉質嫩滑，完全冇血腥味，真係好好味！湯底有淡淡嘅香料味，加上一啲新鮮嘅香菜，令整碗河粉更加清新。河粉柔韌，吸收咗湯底嘅味道，食落去好入味！然後就係我嘅双色札肉撈檬，札肉既有鮮蝦又有豬肉，搭配上撈檬，食落去口感層次豐富。呢個撈檬嘅醬汁味道正好，唔會太鹹，令整體味道平衡得好好，特別適合炎熱嘅天氣！再嚟就係炸軟殼蟹米子卷，呢個小食真係令我驚喜！米子卷炸得金黃香脆，裡面嘅軟殼蟹肉質鮮嫩，口感非常好，搭配上少量嘅醬汁，真係一啖接一啖，停唔落手。我特別鍾意呢個小食，因為佢比起一般嘅炸物多咗一份海鮮嘅鮮味，真係非常好味。飲品方面，我叫咗一杯珍多冰，飲落去清爽又解渴，珍珠Q彈，搭配上冰涼嘅飲品，真係好舒服。而熱檸水就更加適合呢種有點涼嘅天氣，飲落去暖心又

鮮茄蟹肉Banh Da粉多湯，湯底鮮甜，帶有番茄嘅酸香，蟹肉鮮美，粉條煙韌彈牙。成個湯粉唔單止味道豐富，仲有啲家鄉味，食完暖住個胃。豬頸肉撈檬係我最鍾意嘅一碟。豬頸肉煎得啱啱好，肥瘦均勻，入口香口又唔膩。撈檬條爽滑，加埋啲香草同酸辣汁，味道層次分明，激發味蕾。芒果蟹米紙卷清新健康，米紙包住蟹肉同芒果，啲芒果甜甜地，配埋蟹肉嘅鮮味，口感好豐富。每口都係清爽嘅享受，係夏天嘅完美選擇。飲品方面，芒果西米露味道清甜，西米滑溜，芒果香味濃郁，飲完真係好爽口。呢個飲品解渴又解膩，值得一試。芒果沙冰芒果味濃郁，冰沙幼滑，甜度啱啱好，食完令人心情愉快。正啱用嚟作為一餐完美嘅結尾。

我叫咗一個火車頭，牛肉只有三四條，其他都只係一件一件，火車頭一般的價錢都會比其他貴，但碗嘢一嚟到我第一感覺就好似破產的火車，我好想反映你老闆，佢叫我可以選擇下一次唔好來，我真係唔會再嚟呢間

約咗朋友係旺角交收之後諗住一齊快食下午茶先走，經過「越風味」見店員係門口熱情介紹，加上全日免加一，而且5:30前仲包熱飲，貼地平民價錢，難怪咁受街坊歡迎👏兩頁餐牌係滿滿嘅粉麵飯美食，仲有大量嘅越式小食同特飲，都係$5x起，相當抵食🤭老闆仲相當好客而且超好服務，會主動同食客交流👍👍珍寶火車頭湯檬（2人份）$138午市時段仲包兩杯熱飲😎😎2人份量超級誇張😲真係用一個大盤上枱😆火車頭一次過可以食到好多款配料，生牛肉、熟牛肉、牛丸、牛腩、扎肉、白蘿蔔等等，湯頭超級甜🤤牛肉加上蘿蔔嘅清甜，老闆話係每日新鮮熬製嫁。牛腩超級稔，一夾就散啦👍👍軟殻蟹米紙卷 $62 一客有4件，米紙卷包住米粉、生菜🥬、青瓜🥒同超脆身嘅軟殻蟹🦀仲要係好厚肉🥰沾上酸汁一齊食好開胃