影片
更多
2023-05-02
850 瀏覽
朋友想喺深水埗搵一間舒舒服服嘅商場食飯，咁就係去返南昌，入面都好多餐廳，見到有一間日本餐廳嘅裝修好靚，門口亦有一個大大嘅燈籠，而且見位置都好闊落所以就入去，入到去見到有好多懷舊嘅日式海報，有得坐吧枱，亦都有得坐普通嘅卡位。食物方面都有好多唔同嘅選擇由前菜去到甜品都有甚至連啤酒都有唔同嘅款式，同朋友分別嗌咗啲主菜同埋前菜試下。鐵板牛舌同埋洋蔥嘅份量，大概係4:6，相當不錯。每一次夾都夾到牛舌，心理上有滿足感。牛舌嘅口感軟硬適中，雖然簿身但味道香口有嚼勁，每咬一啖都有醬汁加上洋蔥嘅香味。洋蔥就有牛舌同醬汁嘅味道，食落去十分入味。鰻魚柳川鍋係有滑蛋鰻魚加上料理酒煮成嘅鍋物，同時配上蔥煮成嘅一道菜。份量非常之大碟，滑蛋亦都非常順滑香甜，滑蛋亦都除咗有料理酒嘅味道之外亦都有鰻魚嘅味道，啲汁飲埋落肚都唔會覺得唔好飲，蛋中間亦都有落少少辣椒吊下味，食落去就更加醒神。鰻魚已經去骨，方便食用，鰻魚亦都係好厚肉好夠軟，蒲燒醬汁味道好甜，好濃郁。極上四色刺身丼四色刺身丼嘅四色分別係蝦刺身、三文魚（切粒）刺身、帶子刺身同吞拿魚蓉刺身（上有蔥花及芝麻粒）。丼飯用嘅米為珍珠米，份量充足，米飯粒粒飽滿有光澤，甜味明
鐵板牛舌同埋洋蔥嘅份量，大概係4:6，相當不錯。每一次夾都夾到牛舌，心理上有滿足感。牛舌嘅口感軟硬適中，雖然簿身但味道香口有嚼勁，每咬一啖都有醬汁加上洋蔥嘅香味。洋蔥就有牛舌同醬汁嘅味道，食落去十分入味。
鰻魚柳川鍋係有滑蛋鰻魚加上料理酒煮成嘅鍋物，同時配上蔥煮成嘅一道菜。份量非常之大碟，滑蛋亦都非常順滑香甜，滑蛋亦都除咗有料理酒嘅味道之外亦都有鰻魚嘅味道，啲汁飲埋落肚都唔會覺得唔好飲，蛋中間亦都有落少少辣椒吊下味，食落去就更加醒神。鰻魚已經去骨，方便食用，鰻魚亦都係好厚肉好夠軟，蒲燒醬汁味道好甜，好濃郁。
極上四色刺身丼四色刺身丼嘅四色分別係蝦刺身、三文魚（切粒）刺身、帶子刺身同吞拿魚蓉刺身（上有蔥花及芝麻粒）。丼飯用嘅米為珍珠米，份量充足，米飯粒粒飽滿有光澤，甜味明顯。三文魚刺身每一塊亦切得厚身，油脂分布平均飽滿，晶瑩剔透。每一啖都鮮甜味十足。口感軟綿綿，非常柔軟細膩。刺身蝦體型大條，口感紮實，非常彈牙而且有膠質。同時口感甘甜，相比起三文魚嘅清甜更甜少少。帶子刺身份量可接受，肉厚飽滿，口感軟嫩甘甜，同虎蝦不相伯仲，但就口感因為比虎蝦柔軟，鮮味感覺更濃郁。最後吞拿魚蓉份量好多，油脂好豐富，令到味道亦都係4味刺身中最濃厚。魚蓉嘅狀態亦令佢成為口感最柔軟嘅刺身，魚味亦好濃郁香滑。
足量香蔥吞拿魚腩卷嘅吞拿魚腩蓉極多，而且同極上四色刺身丼一樣，油脂豐富、口感軟滑。相信因為部位不同，魚腩的鮮甜味道更濃郁香滑，油脂更多，除咗吞拿魚用之外都落咗好多青蔥同埋芝麻，令到咬落去嘅口感更加清新香口，唔會話覺得有種肥膩嘅感覺，卷物中間亦都有青瓜，所以軟糯同爽口形成一個對比。
特盛醬油濃雞白湯拉麵份量十足，配料有超多木耳之外，亦都有溫泉蛋，叉燒係比較薄身，但份量取勝，由於有輕輕咁樣燒過，所以有一鼓炭燒香味，入口即溶，肉質口感鮮嫩。肉汁豐富，豬肉味濃郁。拉麵湯底質感濃稠，飲落去亦都好濃味。拉麵軟硬度適中，同埋見佢嘅麵條係相對上比其他拉麵更加粗，亦都係咁可以掛到更多嘅湯。
見到佢仲有好多唔同嘅菜式，例如清酒蒸生蠔。侍應嘅態度都好好，斟茶斟得好快，下次都會再想來食呀！
張貼
