壹玖捌叁

營業中

休息中

跑馬地地段較偏僻，但就有好多卧虎藏龍嘅餐廳，呢間粵菜館就係其中一間。有別於一般嘅酒樓，呢度嘅環境非常舒適，中午時間都唔會太嘈，非常適合傾計嘆茶。我地叫左水仙，店員仲周不時走黎幫我地 斟茶，服務非常周到。由於我自己到左先，點完野食後店員問我洗唔洗等埋朋友黎先上菜，呢份細心值得一讚。我地兩個人叫左4籠點心一個飯，再加一個甜品，分量剛剛好。呢個四色小籠包賣相非常吸引，四種色分別係由紅蘿蔔、菠菜等四種唔同蔬菜汁制成，小籠包外皮厚度適中，唔會太厚又唔會好易穿，入口有鮮美嘅湯汁流出，非常好食。鮮蝦韭菜果嘅外皮 煙韌有咬口，入面充滿住啖啖韭菜香，飽肚得黎都幾好食。鮮蝦燒賣非常足料，有大大隻蝦仁係上面，食落非常鮮美。蝦餃亦都非常出色，皮簿餡多之餘仲有肉汁流出，好食🖒鮑汁章魚雞粒炒飯分量十分足夠，食落有濃郁嘅鮑汁香，仲啖啖都食到雞肉同章魚，值得推薦。呢餐最後以桂花燉雪梨作結，原個雪梨非常清甜，糖水亦帶有陣陣嘅桂花香，清新怡人。食完之後覺得壹玖捌參真係一間非常唔錯嘅餐廳，服務周到之餘價錢又合理，值得一去再去。