Sol House Oyster Bar and Restaurant

呢日同老公睇完戲🎬就想輕食晚餐，無意之中發現我Book mark左呢間餐廳，就決定同老公試吃。生蠔🦪望落去就唔算話好飽滿。但以$10一隻嘅價錢嚟講，算係幾新鮮，抵食。另外，我哋叫左一份烤原隻西班牙墨魚🦑配墨魚汁意大利飯，法式茄蓉。嘩😋有驚喜! 好好味丫!! 個墨魚煮得剛剛好，唔會過熟變得韌，咬落去係有種爽口。意大利飯都煮得恰到好處，配上酸酸地嘅蕃茄蓉，十分之開胃。環境舒筋，服務唔錯，食物都好吃。下次會再幫襯。